Znajści
Ałharytmičny łacinski varyjant
04.09.2023 / 09:193RusŁacBieł

«Tady ŭ vas nie budzie hazu». Małdova śćviardžaje, što Rasija nazvała sumu doŭhu, uziaŭšy ličby sa stoli

Prezident Maja Sandu anansavała vysnovy aŭdytarskaj kampanii. U 2021 hodzie «Małdovahaz» zaklučyŭ novuju damovu z «Hazpramam» pry ŭmovie vypłaty doŭhu. RF acaniła doŭh jaho ŭ 709 miljonaŭ, Małdova — u 590,8 miljona dalaraŭ.

Maja Sandu (sprava) i premjer Italii Džordža Miełoni. Fota: Andreea Alexandru / AP

Naniataja ŭradam Małdovy mižnarodnaja aŭdytarskaja kampanija nie vyjaviła doŭhu respubliki za haz pierad rasijskim «Hazpramam» u pamiery 800 młn dalaraŭ, zajaviła prezident krainy Maja Sandu na sustrečy z pradstaŭnicami «Žanočaj asacyjacyi» Hahauzii ŭ niadzielu, jak piša Deutsche Welle.

«Na nastupnym tydni naš urad vyjdzie i skaža, što my naniali mižnarodnuju kampaniju, jakaja zrabiła aŭdyt i skazała, što ŭ nas niama nijakich daŭhoŭ [pierad «Hazpramam»] u 800 młn dalaraŭ. Rasijskija pierahavorščyki chacieli chutka padmanuć», — skazała Sandu.

Pavodle jaje słoŭ, rasijskaja kampanija pierad zaklučeńniem novaha kantrakta vystaviła ŭmovu: za čatyry hady vypłacić doŭh 800 młn dalaraŭ.

«My skazali, što nie možam hetaha padpisać, bo heta žudasna vialikija hrošy, i my nie možam na takoje padpisacca. Nam skazali: «U vas nie budzie hazu», — raspaviała prezident.

U 2021 hodzie kampanija «Małdovahaz» pierazaklučyła damovu na pastaŭki hazu z Rasii da 2026 hoda pry ŭmovie vypłaty doŭhu. «Hazpram» śćviardžaŭ, što jaho suma 709 młn dalaraŭ. Padlikovaja pałata Małdovy zajaviła, što doŭh składaje 590,8 młn dalaraŭ. Suma 800 młn dalaraŭ raniej nie nazyvałasia.

Aŭdytary z Narviehii i Vialikabrytanii na zamovu ŭrada krainy pavinny byli acanić doŭh respubliki za 30 hadoŭ. U lipieni ministr enierhietyki Małdovy Viktar Parlikaŭ zajaviŭ, što spravazdača ab źniešnim aŭdycie zapazyčanaści «Małdovahaz» budzie ŭ najbližejšy čas nakiravanaja ŭ «Hazpram».

Čytajcie taksama:

«Sprava ab spadarožnikavych talerkach». Małdova vysyłaje 45 čałaviek z pasolstva Rasii

U Małdovie pryznali niekanstytucyjnaj prarasijskuju partyju «Šor». Rašeńnie nielha asprečyć

Lidar prarasijskaj partyi Małdovy adkryta abvinavaciŭ Rasiju ŭ raźviazvańni vajny suprać Ukrainy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Małdova dałučajsia da Ŭkrainy ŭ baraćbie suprać akupantaŭ/adkazać/
04.09.2023
Dla rasiei heta narmalna, tam durak na piečy ŭładar suśvietu, čaho ž jašče čakać ad takoha naroda? Chłuśnia i falsifikacyi heta ich styl, praŭda dla ich na trecim miejscy i jana ŭ ich " svaja".
0
Janka/adkazać/
04.09.2023
Nasamreč, h.z. doŭh Małdovy - heta całkam vynik panavańnia karumpavanych Kramlom prarasiejskich režymaŭ kštałtu dadonaŭskaha. Spačatku Rasieja akupavała Tranśnistryju, dzie ŭstalavała bandycki separaciscki režym h.z. PMR kštałtu tych, što ŭ 2014 byli ŭstalavanyja ŭ h.z. ŁDNR. Potym hazpram praz karupcyjny ŭpłyŭ staŭ kantrolnym akcyjanieram małdoŭskaha hazaraźmierkpvalnaha manapalista i davaŭ jahonamu menedžmientu zahady nie spyniać hazazabieśpiačeńnie Tranśnistryi, jakaja ničoha za haz nie płacić. Ale hety doŭh pierad hazpramam naličvaŭsia Małdovie, padtrymlivaŭ maryjanietačny režym PMR i z časam pieratvaryŭsia ŭ hałoŭny instrumient palityčnaha šantažu Małdovy z boku Rasiei. Małdovie varta praz sud častkova anulavać hetyja daŭhi, častkova pieravieści daŭhi spažyŭcoŭ PMR niepasredna na Hazpram, jaki ich naŭmysna stvaryŭ i davioŭ da krytyčnych pamieraŭ. Taksama - šukać alternatyŭnyja šlachi hazazabieśpiačeńnia krainy. Ale hałoŭnaje - vyrašać prablemu z akupacyjnym rasiejskim kantynhientam u Tranśnistryi i adnaŭlać ŭładu Małdovy ŭ hetym rehijonie, bo biez hetaha kroka ab nijakim raźvićci hetaj krainy havoryć nielha.
0
Rečaisnaść /adkazać/
04.09.2023
Niama ŭvohule anijakaha doŭha. Praz sud raška pavinna kampiensavać niezakonnuju akupacyju i źniščeńnie nasielnictva
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera