Znajści
Ałharytmičny łacinski varyjant
01.09.2023 / 23:37RusŁacBieł

Jak siońnia škodziać biełaruskaj pryrodzie staradaŭnija štučnyja kanały?

Biełaruskija reki ciakuć u roznyja mory: adny ŭ Bałtyjskaje, druhija — u Čornaje. Vodapadzieł hetych račnych basiejnaŭ ciahniecca praz usiu Biełaruś. Ale niekatoryja reki Čarnamorskaha i Bałtyjskaha basiejnaŭ zdaŭna źviazanyja štučnymi kanałami, i siońnia heta nie idzie pryrodzie na karyść, piša telehram-kanał «Dzikaja pryroda pobač».

Raka Prypiać u amal niekranutym stanie. Fota: archiŭ TAA «Dzikaja pryroda»

Kanały prakapali jašče ŭ XVIII—XIX stahodździach — hałoŭnym čynam dziela spłavu draŭniny. Siońnia hetyja kanały ludźmi amal nie vykarystoŭvajucca.

Zatoje imi vielmi dobra karystajucca čužarodnyja vidy nasielnikaŭ rek, jakija traplajuć u Biełaruś i vyciaśniajuć tut vidy miascovyja.

Tak, z Ukrainy ŭ Prypiać padnialisia byčok-cucyk, byčok-kruhlak, byčok-haniec i navat čarnamorskaja ihołka-ryba — i praz hetyja kanały jany mohuć trapić i ŭ reki Bałtyjskaha basiejna, a potym i ŭ samo Bałtyjskaje mora.

Uvierch pa rekach u Biełaruś z Polščy pryjšli zaviezienyja ŭ Jeŭropu pałasatyja amierykanskija raki. Jany zdolnyja pieranosić nadzvyčaj patahiennaje dla abaryhiennych vidaŭ rakaŭ zachvorvańnie — čumu rakaŭ, na jakuju sami nie chvarejuć. A tak jak vodnyja sistemy źviazanyja, to jany ŭžo trapili i ŭ rečki Čarnamorskaha basiejna.

Tak praź dziejnaść čałavieka adbyvajecca bijałahičnaje zabrudžvańnie vadajomaŭ.

Čytajcie taksama:

U Biešankovičach zdarovy busieł admaŭlajecca viartacca ŭ dzikuju pryrodu. Vinavatyja ludzi

Jakaja suviaź pamiž babrami i ptuškami?

Na Śvisłačy ŭ Minsku znajšli niezvyčajnuju čarapachu. Ale ciešycca z hetaha nie vypadaje

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera