Znajści
Ałharytmičny łacinski varyjant
01.09.2023 / 15:421RusŁacBieł

Pravaabaroncu Nastu Łojku trymajuć u ciesnaj i ciomnaj kamiery

Na 3 kastryčnika pryznačany razhlad apielacyjnaj skarhi pravaabaroncy Nasty Łojki, jakoj Minski haradski sud prysudziŭ 7 hadoŭ źniavoleńnia. Apielacyjnuju skarhu Nasty Łojki razhledzić Viarchoŭny sud Biełarusi, piša «Radyjo Svaboda».

Nasta Łojka ŭ sudzie. Fota: BiełTA

Z kanca 2022 hoda pravaabaroncu trymajuć u SIZA na vulicy Vaładarskaha. Viadoma, što tam joj była patrebnaja dapamoha stamatołaha. Prablema z zubami dahetul nie vyrašana.

«Jana nakiroŭvała skarhi na toje, što dapamohi niama. Sud pahadziŭsia, što jaje pretenzii abhruntavanyja, ale napiaredadni vizitu stamatołaha joj skazali, što nibyta abstalavańnie sapsavałasia. Tamu prablema zastałasia», — raskazała siabroŭka Nasty Enira Branickaja, jakaja padtrymlivaje ź joj suviaź praz svajakoŭ.

Pavodle źviestak ad sukamiernic, užo bolš za dva miesiacy Nastu trymajuć u vielmi ciesnym pamiaškańni. «U kamiery nie chapaje śviatła, a značyć, jość dadatkovyja prablemy sa zrokam. Uvohule nie chapaje miesca, kab narmalna ruchacca. Davodzicca tryvać».

Viadoma, što ŭžo dva miesiacy Nastu Łojku nie vyvodziać na prahułki ŭ dvoryki, dzie zvyčajna hulajuć viaźni «Vaładarki».

«Raniej u adnym z tych dvorykaŭ žančyny pakinuli dla jaje nadpis «Nasta, trymajsia». Mahčyma, paśla hetaha jaje pierastali vyvodzić u tyja dvoryki, i ciapier jana hulaje ŭ asobnym maleńkim dvoryku, jaki znachodzicca niepadalok ad jaje kamiery.

Da jaje nie dachodziać listy ad siabroŭ i ad kaleh-pravaabaroncaŭ, ale Nasta šmat čytaje i navat pačała vučyć u źniavoleńni francuzskuju movu.

Nasta Łojka pracavała ŭ Human Constanta. Letaś pravaabaroncu niekalki razoŭ zatrymlivali na «sutki», ale pa zakančeńni apošniaha terminu nie vyzvalili, a pieraviali na «Vaładarku» i vystavili abvinavačańnie pavodle Kryminalnaha kodeksa.

Sud nad Nastaj Łojkaj adbyŭsia ŭ červieni 2023 hoda, jon prachodziŭ za začynienymi dźviaryma. Maładuju žančynu pryznali vinavataj u raspalvańni sacyjalnaj varožaści (art. 130 KK). Sudździa Alena Šylko prysudziła joj 7 hadoŭ. Nasta Łojka nie pryznała viny i vyrak abskardziła.

Pravaabaroncy pryznali Nastu Łojku palitźniavolenaj.

Čytajcie taksama:

Ad pravaabaroncy Nasty Łojki dajšła viestačka na volu

Palitźniavolenaja pravaabaronca Nasta Łojka stała «Vybitnaj vypusknicaj» EHU

«Jana ličyła, što niejki zakon u Biełarusi jašče pracuje» — pravaabaronca ab prysudzie Naście Łojcy

Pravaabaroncy Naście Łojcy pryznačyli 7 hadoŭ kałonii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
mikola/adkazać/
01.09.2023
u mjane *mara idyiota*-haceu by dazyc i ubaczyc *turemsczykau* na mesce palitvjaznjau...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera