Znajści
Ałharytmičny łacinski varyjant
30.08.2023 / 18:171RusŁacBieł

Dola vykapniovaha paliva ŭ enierhietycy źmienšyłasia ŭ Jeŭrasajuzie da histaryčnaha minimumu

Na fonie istotnaha padzieńnia ŭ Jeŭrasajuzie vytvorčaści elektryčnaści z dapamohaj vuhalu i hazu amal dźvie traciny krain-siabrovak abjadnańnia damahlisia niečuvanaha raniej pavieličeńnia doli adnaŭlalnych krynic u vypracoŭcy enierhii — u niekatorych ź ich jana pieravyšaje 75%, piša Myfin.by.

Fota: gstudioimagen / vecteezy.com

Zhodna z dakładam niezaležnaha analityčnaha centra Ember, u studzieni-červieni 2023 hoda dola elektryčnaści, vypracavanaj u Jeŭrasajuzie pry dapamozie vykapniovaha paliva (haz, nafta, vuhal i h. d.) skaraciłasia na 17% adnosna anałahičnaha pieryjadu minułaha hoda i ciapier składaje 33% — heta samy nizki ŭzrovień jak minimum z 2000 hoda, kali pačała vieścisia padobnaja statystyka.

U asnoŭnym heta adbyłosia za košt pamianšeńnia vypracoŭki elektraenierhii pry dapamozie vuhalu adrazu na 23%, pryčym u traŭni vuhalnyja elektrastancyi ŭstanavili antyrekord, vyrabiŭšy ŭsiaho 10% ad jaje ahulnaha abjomu.

Vypracoŭka elektryčnaści z dapamohaj pryrodnaha hazu ŭ studzieni-červieni źmienšyłasia na 13%.

U toj ža čas adrazu ŭ 17 krainach Jeŭrasajuza zafiksavanyja rekordy vypracoŭki elektryčnaści z adnaŭlalnych krynic: u Hrecyi i Rumynii hety pakazčyk upieršyniu pieravysiŭ 50%, a ŭ Danii i Partuhalii — 75%.

U cełym na terytoryi Jeŭrapiejskaha Sajuza ŭ studzieni-červieni vytvorčaść soniečnaj enierhii vyrasła na 13%, a vietravoj — na 5%.

Adznačajecca, što hidraenierhietyka i atamnaja enierhietyka pakul adnaŭlajucca paśla histaryčnaha minimumu, zafiksavanaha ŭ 2022 hodzie, choć ich doŭhaterminovyja pierśpiektyvy zastajucca tumannymi. Pry hetym na fonie zachavańnia vysokich cenaŭ popyt na elektraenierhiju ŭ Jeŭrasajuzie za pieršaje paŭhodździe źniziŭsia na 5%.

Čytajcie taksama:

U Biełarusi skaračajucca abjomy spažyvańnia pryrodnaha hazu, u tym liku i praź BiełAES

Hetyja elektrastancyi pryvodziacca ŭ dziejańnie za sto siekund

Hiermanija razhladaje mahčymaść viarnucca da atamnaj enierhietyki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Prachožy/adkazać/
30.08.2023
U Biełarusi niešmatlikija vietraki spynienyja ŭžo prykładna paŭhady. Vidać nieŭzabavie pačnuć ich raźbirać na mietałałom. Pakul Jeŭropa zajmajecca zialonaj enierhietykaj, my ŭpivajemsia tannym hazam. Jak narkamany. Ale ž nieŭzabavie nastanie łomka.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031