Znajści
Ałharytmičny łacinski varyjant
28.08.2023 / 13:118RusŁacBieł

Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać

Polšča razam z krainami Bałtyi razhladaje varyjant poŭnaha zamarožvańnia pamiežnaha ruchu ź Minskam praz hibrydnyja pahrozy, što iduć z uschodu. Jaki handal źviazvaje siońnia Polšču i Biełaruś, raspaviali polskija ekśpierty. 

Polska-biełaruskaja miaža. Fota: Polska Straż Graniczna

Jak adznačaje polskaje vydańnie Dziennik. Gazeta Prawna, asnoŭnyja tavary polskaha ekspartu ŭ Biełaruś — heta sadavina, aharodnina i pradukty charčavańnia. Taksama nam pastaŭlajuć papieru, palimiery, vyraby z płastmasy, leki, mietałakanstrukcyi z čornych mietałaŭ dla aŭtamabilaŭ i traktaroŭ.

U svaju čarhu, asnoŭnymi tavarami biełaruskaha ekspartu ŭ Polšču źjaŭlajucca tramvai, draŭnianastružkavyja plity, bahažnyja, paštovyja i inšyja vahony, kalijnyja ŭhnajeńni i kamienny vuhal.

U handli ź Biełaruśsiu Polšča maje stanoŭčy handlovy bałans. Jana pastaŭlaje nam bolš, čym nabyvaje ŭ nas.

Tak, košt polskaha ekspartu ŭ Biełaruś za ŭvieś 2022 hod dasiahnuŭ uzroŭniu prykładna 7,1 młrd złotych (0,7% polskaha ekspartu). Cikava, što heta bolš, čym u 2019 i 2020 hadach. Impart ź Biełarusi składaje kala 4,5 młrd złotych (0,4% polskaha impartu).

A što sankcyi?

Ekśpierty tłumačać, čamu, niahledziačy na sankcyi, uviedzienyja ŭ sakaviku 2022 hoda, nazirajucca takija ličby.

Pa-pieršaje, u Biełarusi da hetaha času pracuje mnostva polskich kampanij. Usiaho niekalki hadoŭ tamu ich było kala 400, ale i ciapier mnohija ź ich usio jašče pracujuć.

Naprykład, svoj zavod maje šviejnaja kampanija CDRL (joj naležyć i sietka kram «Buślik») i Atlas Group — vytvorca budaŭničaj chimii. Niekatoryja polskija meblevyja kampanii, naprykład, Szynaka Meble, taksama pracujuć u Biełarusi. Praź źmieny ŭ biełaruskim zakanadaŭstvie hetyja kampanii nie mohuć pradać ci pieradać svaje aktyvy.

Pa-druhoje, kampanii z rasijskim i biełaruskim kapitałam mohuć biez abmiežavańniaŭ rehistravać kampanii ŭ Polščy, časam praz svaje daččynyja kampanii ź inšych krain Jeŭrasajuza. 

Takija kampanii nie padpadajuć pad sankcyi, jany biaruć na siabie rolu padsankcyjnych kampanij u łancužku pastavak, i ekspart na papiery pavialičvajecca.

U 2023 hodzie handal Polščy ź Biełaruśsiu pavialičyŭsia. Tak, za pieršaje paŭhodździe polski ekspart skłaŭ 5,57 młrd złotych, što na 40% bolš za pakazčyk minułaha hoda. Jon vyras u asnoŭnym za košt transpartnych srodkaŭ, mašyn i abstalavańnia, a taksama pradukcyi chimičnaj pramysłovaści.

Što ž tyčycca impartu ź Biełarusi, to ličby havorać ab dziejańni sankcyj. Pavodle źviestak Hałoŭnaha statystyčnaha ŭpraŭleńnia Polščy, u pieršym paŭhodździ hetaha hoda kraina impartavała ź Biełarusi tavaraŭ na sumu krychu bolšuju za 1 młrd złotych. Dla paraŭnańnia, hod tamu jana składała 3,2 młrd złotych.

Situacyju ŭskładniaje prypynieńnie z 1 červienia 2023 hoda pryhraničnaha ruchu praź miažu z Respublikaj Biełaruś dla hruzavych aŭtamabilaŭ, motaciahačoŭ, pryčepaŭ, u tym liku paŭpryčepaŭ, i aŭtapajazdoŭ, zarehistravanych na terytoryi Respubliki Biełaruś abo Rasijskaj Fiederacyi.

Dalejšyja mahčymyja sankcyi, biezumoŭna, abmiažujuć handal pamiž dźviuma krainami. Adnak heta akaža bolšy ŭpłyŭ na ekanomiku Biełarusi.

«Varoty z Kitaja ŭ Jeŭrapiejski sajuz»

Inšaje pytańnie — tranzit praź Biełaruś. Vydańnie nahadvaje, što praz našu krainu prachodziać jak naftapravody, tak i ŭvieś najvažniejšy handlovy maršrut z Kitaja. Tolki za pieršaje paŭhodździe 2021 hoda praź Biełaruś prajechała 380 tysiač kantejnieraŭ z Kitaja.

Pamiežny vuzieł Małaševičy na miažy ź Biełaruśsiu aceńvajecca polskim łahistyčnym apierataram čyhunačnych pieravozak tavaraŭ (PKP Cargo) jak «varoty z Kitaja ŭ Jeŭrapiejski sajuz». Pytańnie błakavańnia tranzitu, biezumoŭna, moža stać elemientam cisku na biełaruskija ŭłady.

Akramia taho, jak adznačaje Dziennik. Gazeta Prawna, biełaruski palityčny režym zarablaje na kantrabandzie cyharet i zakryvaje vočy na kantrabandu narkatyčnych rečyvaŭ, jakija iduć praz krainu pa maršrucie Kabuł — Amsterdam. U pieršuju čarhu heta opium i pradukty ź jaho, a taksama hašyš.

Zakryćcio miežaŭ, kaniečnie, akaža niehatyŭny ŭpłyŭ na dziejnuju ŭładu, chacia kantrabandysty ŭžo vykarystoŭvajuć, naprykład, bieśpiłotnyja latalnyja aparaty.

Ci jeduć turysty?

Što da turystyčnych pajezdak palakaŭ u Biełaruś, to, niahledziačy na dziejańnie biaźvizavaha režymu, jaki ŭviała Biełaruś da kanca 2023 hoda, usio mienš ludziej, jak adznačaje polskaje vydańnie, ździajśniajuć pajezdki ŭ našu krainu. Žurnalisty paviedamlajuć, što ŭ ahienctvach u Biełastoku, jakija kaliści prapanoŭvali pajezdki, im adkazali, što ciapier jany adbyvajucca «vielmi redka» i «epizadyčna».

Čytajcie jašče:

Łukašenkaŭski «biaźviz» uziaŭ čarhovuju vyšyniu — bolš za paŭmiljona čałaviek. Ale heta nie ŭnikalnyja naviedvalniki

«Rehistrujem numary mašyn u Litvie, firmy — u Polščy i praciahvajem vazić». Dalnabojniki raskazali, jak ciapier jeździać praz polska-biełaruskuju miažu

U Biełarusi lehalizujuć šery impart dla abychodu sankcyj. Raźbirajemsia, što heta značyć

U Polščy vyjavili rekordny hruz kantrabandnych biełaruskich cyharet — na $9,7 młn

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
4
Ха-ха
5
Ого
2
Сумна
2
Абуральна
9
0
Imcho/adkazać/
28.08.2023
Eto kakoj-to osobyj um, svoju privyčku «tykať» nieznakomym ludiam vy naviernoje privieźli s soboj iz kołchoza? V vašiem kommientarii odni emocii i nikakich cifr ili faktov. Pročitajtie jeŝie raz vnimatielno kommientarij, možiet dojdiot. Čtoby vyučiť i połučiť odnoho vysokokvalificirovannoho śpiecialista hosudarstvo na eto tratit diesiatki tysiač dołłarov i na eto uchodit minimum 25 let, iz Biełarusi ujechało sotni tysiač takich śpiecialistov, kotoryje užie siejčas prinosiat vyhodu polskoj ekonomiki na milliony dołłarov - dla etoho dostatočno posmotrieť dannyje polskich viedomstv, hdie ukazany summy nałohov, kotoryje upłatili biełaruskije kompanii v Polšie, plus nałohi, upłačiennyje biełarusami kak fizičieskimi licami. I tiepieŕ sravnitie eto s vašiej «osoboj łohikoj» ili «umom» v primierie s «hostiniciej i posobijem», kotoraja v diejstvitielnosti napominajet narrow-minded. Napišu na poniatnym vam jazykie - zatraty vašiej «hostinicy» nie idut ni v kakoje sravnienije s toj vyhodoj, kotoruju ona v itohie połučajet zdieś i siejčas (ja užie mołču pro dołhosročnyje pierśpiektivy i ekonomičieskuju vyhodu). I čtoby vy poniali - u hosudarstva («hostinicy» po vašiemu) vsie dieńhi postupajut v vidie nałohov, iz kotorych i proischodit sodieržanije kak samoj «hostinicy», tak i raźličnych socialnych posobij i vypłat.
0
Uhol kamiennyj/adkazać/
28.08.2023
osnovnymi tovarami biełorusskoho eksporta v Polšu javlajutsia tramvai, drieviesnostružiečnyje plity, bahažnyje, počtovyje i druhije vahony, kalijnyje udobrienija i kamiennyj uhol. Nu kalijnyje udobrienija ładno, a kamiennyj uhol u nas otkuda? I raźvie jeho u samich Polakov niet? Da i tramvai nie pripomniu čtoby u nas proizvodili
0
Koała/adkazać/
17.05.2024
Sravnivať polskuju ekonomiku s biełorusskoj biednosťju – eto šutka. Očień hrustnaja šutka.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera