Znajści
Ałharytmičny łacinski varyjant
27.08.2023 / 17:1418RusŁacBieł

«Nie chaču, kab maja kraina stanaviłasia azaronkaŭščynaj». Ideołah z «Biełaj Rusi» vystupiła ź niečakanym pryznańniem

Razvahi prapahandysta Ryhora Azaronka ab intelihiencyi, na jakuju «škada, što nie było Bieryi, Stalina i Ždanava», nie pakinuli abyjakavaj namieśnicu staršyni hrodzienskaj abłasnoj arhanizacyi «Biełaja Ruś» Śviatłanu Varanicu. Jana vyrašyła vykazać usio, što dumaje, pra Azaronka.

Namieśnica kiraŭnika «Biełaj Rusi» pa Hrodzienščynie Śviatłana Varanica pikietuje la hienkonsulstva Polščy ŭ Hrodnie, 13 lutaha 2023 hoda. Fota: «Hrodzienskaja praŭda»

Varanica ŭ svaim kanale piša, što ad telehram-kanała Azaronka daŭno adpisałasia i jaho aŭtarskich pieradač nie hladzić. Ale paśla słoŭ mamy (maŭlaŭ, «u 20-m možna było zrazumieć, čamu jon abzyvajecca, a ciapier — heta ŭžo nikudy nie varta»), vyrašyła hlanuć.

«Kali b u žyćci nie sustrakałasia, nie viedała, to vyrašyła b, što słuchaju ŭtrapionaha čałavieka. Adčuvańnie, što staŭ zakładnikam taho vobrazu na TB, jaki ci to sam sfarmavaŭ, ci to heta kamandnaja praca.

Jašče maja mama paprasiła mianie «nie čapać» Azaronka. Maŭlaŭ, chaj sabie kaža, što choča. Jon ža adkryta prynižaje i zapałochvaje, a chto tam jaho viedaje, jakija ludzi jakich pasad jamu za heta apładzirujuć. Pačnu aburacca — zhadajuć i mnie, i dzieciam maim. Pakvitajucca», — piša Varanica.

I dadaje, što tamu i vykazvajecca, što choča žyć dalej u Biełarusi i joj strašna ad taho, kudy mohuć zavieści krainu niekatoryja prapahandysty i što budzie ź jaje dziećmi i ŭnukami.

«Ja nie chaču, kab maja kraina stanaviłasia azaronkaŭščynaj i bondaraŭščynaj, nie chaču, kab ich zapałochvali kaziematami Łubianki i novym Ždanavym sa Stalinym.

Ja nie mahu pryniać toj formy, u jakuju zvalvajecca moj tavaryš pa partyi «Biełaja Ruś» Ryhor Azaronak».

U kancy dopisu pradstaŭnica «Biełaj Rusi» adznačyła, što suprać «ašalełaha šalmavańnia rektarskaha korpusa Biełarusi».

«Žuku Iharu Hieorhijeviču ŭžo z natoŭpu kryčali «pacuk» u žniŭni 2020. Ź dziaržaŭnaha telekanała taksama takoje prakryčali?»

Raniej Varanica asudžała dziejnaść infakazački Volhi Bondaravaj. Pretenzii prarasijskaj aktyvistki da niekatorych teatralnych śpiektaklaŭ (joj padałosia, što dziaciej tam vučać talerantnaści da monstraŭ, a paśla i da «piedafiłaŭ i transhiendaraŭ») navat ideołahu «Biełaj Rusi» padalisia absurdnymi.

Čytajcie taksama:

«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu

Jak pasvarylisia prapahandyst SB, viadučaja kanała HUBAZiKa i sakratarka «Biełaj Rusi»

Chto takija vambaty? Jak łukašystaŭ padzialiła na dva łahiery adno pytańnie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
146
Панылы сорам
6
Ха-ха
86
Ого
22
Сумна
6
Абуральна
20
0
Dzianis/adkazać/
28.08.2023
u mianie jość para "krynic" na "tym" baku, ad jakich ja viedaju, što Azaronka ličać duračkom usie - i mienty, i ministry, i pres-słužba łuki. choć heta ahułam vidavočna i biez krynicaŭ. hetym doŭbniem buduć karystacca, pakul jon karysny idyjot, i pakul, miarkujučy pa ŭsim, ad jaho ŭ zachapleńni asabista łuka. ale jak u łuki źmianiajucca husty i ŭlubioncy, a taksama što byvaje z tymi, chto paśla doŭhich hadoŭ "nabližanaści da cieła" raptam patrapiŭ u apału, ahulnaviadoma. absalutny niaŭdačnik pa žyćci, jakoha vychoŭvaŭ ahresiŭny bacia-ałkaš, jakoha čmyryli ŭ škole, ad jakoha raźbiahalisia i raźbiahajucca dziaŭčyny, nie moža być aŭtarytetam navat siarod jabaciek. kaniec jaho budzie niečakanym dla ŭsich, dla nas śmiešny, a dla jaho trahičny
0
žeŭžyk/adkazać/
28.08.2023
Žieleznyj Drovosiek, na žal, impierski debił papior by z tankami na Minsk rabić "denacyfikacyju" sumlenna i demakratyčna vybranaj Cichanoŭskaj. My ŭ svoj čas takoha varjactva ad jaho nie čakali, ale na takoje jon byŭ całkam zdatny.
0
chitryja ziołački/adkazać/
29.08.2023
Sałamon, tupaja žančyna, jakaja za 25 hadoŭ tak i nie zrazumieła što pracuje na maskavitaŭ-akupantaŭ, a zaraz pa-trošku pačało dachodzić što štości tut nie tak.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera