Znajści
Ałharytmičny łacinski varyjant
22.08.2023 / 10:0721RusŁacBieł

Departamient dziaržbiaśpieki Litvy: Pryčyny pahrozy biaśpiecy Litvy z boku Karač nie tyja, pra jakija jana havoryć

Na minułym tydni Departamient dziaržaŭnaj biaśpieki (DDB) Litvy pryznaŭ hramadzianku Biełarusi Volhu Karač, kiraŭnicu Mižnarodnaha centra hramadzianskich inicyjatyŭ «Naš dom», pahrozaj nacyjanalnaj biaśpiecy. Jak piša «Dełfi», pryčyny, ź jakich Karač, pavodle źviestak DDB, ujaŭlaje pahrozu biaśpiecy dziaržavy, nie tyja, pra jakija žančyna publična zajaŭlaje.

 

 Volha Karač. Skryn videa

«Pryčyny, jakija pryviali da acenki taho, što V. Karač ujaŭlaje pahrozu biaśpiecy dziaržavy — nie tyja, jakija jana zhadvaje ŭ svaich publičnych zajavach», — havorycca ŭ paviedamleńni viedamstva, nakiravanaha infarmacyjnamu ahienctvu Elta ŭ paniadziełak.

Pry hetym adznačajecca, što sapraŭdnyja pryčyny rašeńnia nie zjaŭlajucca publičnaj infarmacyjaj.

«DDB daŭ Departamientu mihracyi infarmacyju, źviazanuju z pahrozaj V. Karač biaśpiecy Litoŭskaj dziaržavy. Hetaja infarmacyja nie zjaŭlajecca publičnaj, tamu padrabiaźniej my jaje kamientavać nie budziem», — havorycca ŭ kamientary viedamstva.

Padkreślivajecca, što V. Karač była prainfarmavanaja ab pryčynach, jakija pryviali da rašeńnia nakont jaje. Adnak, zaznačaje DDB, žančyna maje prava abskardzić takoje rašeńnie ŭ sudzie. «DDB, sa svajho boku, u sudzie zmoža pakazać dovady, jakija pryviali da acenki V. Karač, jakija ciapier nie mohuć być apublikavanyja», — paviedamlaje viedamstva. 

Taksama ŭ zajavie padkreślivajecca, što Litva dałučyłasia da Jeŭrapiejskaj kanviencyi ab abaronie pravoŭ čałavieka i asnoŭnych svabod, jakaja zabaraniaje departacyju čałavieka, kali heta stvoryć ryzyku pieraśledu.

Na minułym tydni sama Volha Karač raskazała rasijskim ŚMI ab tym, što joj admovili ŭ pradastaŭleńni prytułku, a pryčynaj hetaha nibyta źjaŭlajecca jaje intervju z Uładzimiram Žyrynoŭskim , a taksama ŭdzieł u šerahu kanfierencyj u RF, jakija pravodzilisia pry ŭdziele Jeŭrakamisii.

Učora stała viadoma, što pryčynaj admovy ŭ pradastaŭleńni prytułku aktyvistcy Volzie Karač mahli stać padazreńni ŭ jaje supracoŭnictvie z rasijskaj raźviedkaj.

Volha Karač da 2020 hoda była častaj hościaj u rasijskich prakramloŭskich vydańniach, u pryvatnaści, na «Lenta.ru» i «Hazieta.ru». Ad vosieni 2020 hoda jana atakavała Śviatłanu Cichanoŭskuju. Miemam stali słovy eks-siłavika Ihara Makara, što Juryj Ziankovič «pajechaŭ u Maskvu pad harantyi biaśpieki ad Volhi Karač». U Maskvie Ziankoviča aryštavali, razam z Alaksandram Fiadutam.

Karač taksama biespaśpiachova padavała zajavy ŭ pravaachoŭnyja orhany Litvy i kamisii pa etycy na niezaležnyja ŚMI. 

Čytajcie taksama:

Volha Karač zajaviła, što jaje pryznali pahrozaj nacyjanalnaj biaśpiecy Litvy

Volhu Karač prapanujuć vyłučyć na Nobieleŭskuju premiju miru

«Možna atrymlivać hrošy pad baraćbu za pravy transhiendaraŭ, možna — suprać ich». Volha Karač — pra žyćcio ŭ Vilni, chvaroby i dachody

Chto takaja Volha Karač, jakaja choča padsiadzieć Cichanoŭskuju?

Volha Karač stvaryła novuju kaalicyju. Chto hetyja ludzi?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Wert/adkazać/
23.08.2023
Vielmi dobry precedent. Biespakaranaść ŭsialakich biespryncypnikaŭ, ahientury, hrantakradaŭ u biełaruskim ruchu nie daje jamu nabirać siłu ŭžo dziesiacihodździ. Musim sami aktyŭna čyścić svaje šerahi, nie čakajučy ŭładaŭ Letuvy.
0
Ałyi/adkazać/
23.08.2023
Hetaja Karač niejkaja vidać jana trochu nie takaja....nu jana ułybajecca niejak nie pa čałaviečy, jak robat i jašče u jaje pozirk niejki nie zdarovy. Ale Letuvisy jaje dałučyli da śpisu da jakoha jana akładna nie maje dačynieńja, takim makaram jany luboha mohuć vykuryć ź Vilni, voś s takim ja nie zhodzien. Nielha dazvalać dziaržavie kab jana biez padstaŭ palavała na viedźmakoŭ.
0
Ałyi/adkazać/
23.08.2023
XO15, bo jana narnarmałtnaja, u jaje vidać taja ž chvaroba što j u łukašenki
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera