Ułady Rasii pakul admovilisia ad uzmacnieńnia kursa rasijskaha rubla za košt valutnych abmiežavańniaŭ
Na terminovaj naradzie ŭ Pucina vyrašyli pakul nie pašyrać valutnych abmiežavańniaŭ, zaklikanych umacavać kurs rubla, paviedamlajuć «Viedamaści» sa spasyłkaj na blizkija da ŭrada krynicy. Pavodle ich, adpaviednaje rašeńnie było pryniata na sustrečy prezidenta Uładzimira Pucina z kiraŭnikom CB Elviraj Nabiulinaj.
Raniej ahienctva Bloomberg pisała pra mahčymaje viartańnie patrabavańnia ab abaviazkovym prodažy častki valutnaj vyručki eksparciorami. Tym nie mienš, pavodle krynic haziety, udzielniki sustrečy vyrašyli ličyć pastražeńnie valutnaha kantrolu krajniaj mieraj.
Surazmoŭcy haziety paviedamili, što ŭrad «u niefarmalnym paradku» damoviŭsia z eksparciorami nakont pavieličeńnia prodažu valutnaj vyručki, tamu ŭstaloŭvać narmatyvy prodažu valuty abo ŭvodzić abmiežavańni na ruch kapitału ŭłady pakul nie buduć i abmiažujucca manitorynham dziejańniaŭ eksparcioraŭ.
U toj ža čas adna z krynic vydańnia adznačyła, što abaviazkovy prodaž eksparciorami valutnaj vyručki stanie niepaźbiežnym, kali situacyja nie źmienicca.
Prezident Rasii Uładzimir Pucin sklikaŭ 16 žniŭnia ekstrannuju naradu ź siabrami ŭrada RF dla abmierkavańnia mier pastražeńnia valutnaha kantrolu ŭ suviazi z tym, što pavyšeńnie klučavoj staŭki Centrabankam da 12% nie spyniła padzieńnia kursu rubla, nahadvaje «Mieduza».
Čytajcie taksama:
Ci budzie biełaruski rubiel słabieć dalej? Tłumačyć ekanamist
Čamu daražeje dalar i čaho čakać u blizkaj pierśpiektyvie
Staŭki pa valutnych depazitach u biełaruskich bankach rezka źmianilisia proci minułaha hoda
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)