Znajści
Ałharytmičny łacinski varyjant
02.08.2023 / 18:36RusŁacBieł

«Nie treba ničoha bajacca, davajcie ruchacca napierad». Błohierka z Asipovičaŭ raskazvaje ŭ tyktoku, jak pad 50 hadoŭ rezka źmianiła žyćcio i stała dalnabojnicaj

Žycharka Asipovičaŭ Alona — dalnabojnica, jana viadzie staronku ŭ TikTok, u jakoj užo bolš za 40 tysiač padpisčykaŭ. Žančyna dla mnohich — uzor dla pierajmańnia i biezžurbotny matyvatar. U rolikach i žyvych efirach jana adkryta raskazvaje pra siabie: bližej da 50 hadoŭ raźviałasia z mužam, kupiła matacykł i nasiłasia pa darohach razam z bajkierami, potym stała dalnabojnicaj i ź pieršaha zarobku zrabiła płastyku tvaru dy naraściła kasicy. Vydańnie «Lusterka» pahladzieła staronku Aleny ŭ TikTok i na asnovie apublikavanych videa raskazvaje pra pazityŭnuju i enierhičnuju suajčyńnicu.

U mižnarodnyja pieravozki Alona pryjšła ŭ lutym 2022 hoda. Skrynšot videa z TikTok

«Pamianiała muža na matacykł»

Alena naradziłasia va Ukrainie. U dziacinstvie žyła ŭ Hiermanii (tady jašče HDR), jaje tata byŭ vajskoŭcam. Skončyła ŭkrainskuju VNU, niekalki hadoŭ pracavała inžynieram pa achovie pracy, vyjšła zamuž i naradziła dačku.

«Kali dačka vučyłasia ŭ starejšych kłasach, my z mužam raźvialisia. U toj čas maje baćki ŭładkavalisia ŭ vajskovym haradku Asipovičy ŭ Biełarusi, klikali i mianie tudy. Tak ja stała biełaruskaj», — raskazała ŭ adnym z žyvych efiraŭ u TikTok Alona.

Pieršyja ŭražańni ad Biełarusi ŭ jaje akazalisia nie vielmi dobrymi: u hetym byli vinavatyja «chmary kusučych kamaroŭ» na baćkoŭskim leciščy, a jašče smoh i popieł ad lasoŭ, jakija hareli ŭ śpioku.

Adnak u vyniku ŭ krainie jana zastałasia, znajšła pracu na budoŭli, była roznarabočaj. U toj čas jana jašče nie była lehalizavanaja ŭ našaj krainie, u tym liku pa hetaj pryčynie inšaj pracy nie znajšła.

Jak uspaminaje Alona, joj nie było składana pierabudoŭvać siabie paśla papiarovaj pracy ŭ ofisie na zusim inšy kirunak — nieprestyžny i ciažki, da taho ž trymaŭ dobry zarobak.

Matacykły — heta vialikaja luboŭ Alony. Fota z Instagram dalnabojnicy

«Ja zaŭsiody była mocnaj, tamu što lubiła i dahetul lublu sport, bolš za ŭsio mnie padabajecca ciahać žaleza. Tak što budoŭla była svojeasablivaj spartzałaj. Viadoma, stomlenaja z pracy viartałasia, ale potym ja pieraaryjentavałasia — uładkavałasia aŭtamalarom u vajskovuju čaść».

U Biełarusi Alena druhi raz vyjšła zamuž, ale praź niekalki hadoŭ para razyšłasia. Jana ŭspaminaje, što razvod nie staŭ dla jaje trahiedyjaj, chutčej naadvarot — «vyraśli kryły» ad taho, što ciapier mahła žyć tak, jak chacieła i «nie treba ŭtrymlivać muža».

«Pamianiała muža na matacykł», — rahatała błohierka ŭ adnym z «łajfaŭ», kali ŭ jaje spytali pra pieršaje, što jana zrabiła paśla razvodu.

Z bajka — za rul fury

Alona raskazała, što luboŭ da matacykłaŭ u jaje była ź dziacinstva. Śpiarša dziaŭčynku kataŭ i vučyŭ jeździć na K-750 dziadula, potym — tata na IŽy, a ŭ studenctvie jaje na «Javie» vaziŭ susied. A tut kalehi pa pracy, u jakich byli bajki, prapanavali žančynie prajechacca.

«Pajechała i raptam uspomniła adčuvańni ad jazdy na matacykle-viecier, chutkaść, Svaboda, ščaście, jakija viarnuli mianie ŭ dziacinstva, junactva. Pakatuški mianie tak natchnili, što na nastupny ž dzień ja pajšła ŭ aŭtaškołu, zapisałasia na kursy na katehoryju A (B i C u mianie byli jašče ź instytuta)».

Pa słovach błohierki, načalstva vajskovaj čaści sa ździŭleńniem hladzieła na jaje, kali jana nadumała haniać na matacykle. A Alona była tak zachoplenaja hetaj idejaj, što jašče da adkryćcia katehoryi A kupiła za 1600 dalaraŭ kłasičny bajk Kawasaki Vulcan.

«A ja ž «mietr z kiepkaj» — rost usiaho 158 sm, na fizry zaŭsiody apošniaja stajała. I kali ŭžo atrymała pravy i jeździła na bajku, to pry prypynku na śviatłafory nie mahła dastać nahami da ziamli, abapirałasia na nasočki. Usie śmiajalisia z hetaha, kazali, što ja padobnaja na balerynu. Praŭda, potym znajomy padrehulavaŭ bajk, kab mnie było zručniej».

Praź niekatory čas Alona kupiła matacykł mahutny — Honda Shadow z ruchavikom 1100 kub. sm. Novieńkaja chutka ŭliłasia ŭ bajkierskaje asiarodździe i jeździła na «tusoŭki, źloty i schodki», dzie ŭ asnoŭnym była moładź, ale žančynie heta dyskamfortu nie dastaŭlała.

«Siarod bajkieraŭ vielmi šmat dalnabojnikaŭ. Jany raskazvali pra svaju pracu, ja zrazumieła, što mnie heta vielmi cikava. Pačała bolš vyvučać temu, raspytvała znajomych, što dy jak, a potym vyrašyła, što pajdu na kursy adkryvać katehoryi na fury, a potym — u dalnaboj!»

Alona ŭspaminaje, što kiraŭnictva vajskovaj čaści nie mahło pavieryć u toje, što žančyna, jakoj tady było blizka da 50 hadoŭ, i praŭda navažycca syści ŭ nieznajomuju dla jaje śfieru, pryčym nie na samuju lohkuju pracu. Praź niekatory čas žančyna raźvitałasia z vajskovaj čaściu, zabrała adtul svaju pracoŭnuju knižku i znajšła pracu kiroŭcam-mižnarodnikam u polskim aŭtaparku adnoj ź litoŭskich kampanij.

Alona adznačyła, što najmalnik navat nie zavodziŭ ź joj razmovu pra jaje ŭzrost, niespraktykavanaść. Hałoŭnym byli dopusk da pracy ad miedykaŭ i žadańnie samoha rabotnika pracavać.

U lutym minułaha hoda Alona advučyłasia na «kod 95» (siertyfikat dla pracy kiroŭcam u transpartnaj firmie ŭ Jeŭropie), prajšła dvuchtydniovuju stažyroŭku i adpraviłasia ŭ samastojnyja rejsy pa Jeŭropie na aŭtarefryžaratary.

«U rejsach chaciełasia sieści i zapłakać»

Ź pieršych rejsaŭ žančyna pačała raspaviadać pra svaju pracu i žyćcio ŭ Instagram, a potym — i ŭ TikTok. Ale niekatoryja karystalniki (čaściej heta mužčyny) dosyć niehatyŭna reahujuć na jaje videa: chtości pasyłaje «na kuchniu varyć boršč», inšyja źjedliva nazyvajuć «babulaj».

«Vam niama čaho rabić? Čamu vy ličycie, što miesca žančyny tolki na kuchni? I tak — ja babula: majoj unučcy ŭžo paŭtara hoda. Tak što mnie ŭsio adno na vašy słovy», — kazała ŭ žyvym efiry Alona.

Žančyna adznačała, što ad jeŭrapiejcaŭ takich vykazvańniaŭ nie pačuješ, da taho ž jany bolš spahadlivyja: kali patrebna dapamoha, to jany adhuknucca. Choć Alona praktyčna zaŭsiody spraŭlajecca sama.

Alona lubić zajmacca sportam. U rejsie minimum raz na tydzień jana robić kompleks praktykavańniaŭ. Dla hetaha biare z saboj hanteli, humki dla adciskańnia, dyvanok. Fota z Instagram Alony

«Praŭda, spačatku ŭ rejsach byvali vypadki, praź jakija prosta chaciełasia sieści i zapłakać. Ale ja dumała, a sens mnie płakać — ad hetaha ž situacyja nie źmienicca. Pamiataju, u Italii navihatar pavioŭ mianie pa vuzkim hornym sierpantynie, dzie z adnaho boku — abryŭ. Ja jechała maksimum 70 km/h, a ŭ hałavie byli dumki, što ŭpadu ciapier u prorvu, a kali zastanusia žyvaja, to viertalot budzie furu vyciahvać, kolki ž mnie daviadziecca za heta apłačvać.

Adlehłaść u 29 kiłamietraŭ ja jechała paŭtary hadziny, usia majka była mokraja ad potu. A potym akazałasia, što heta mnie navihatar niapravilna naładzili, tamu pajechała praź ćmutarakań».

Paśla takich vypadkaŭ Alona nie daviaraje całkam navihataru i zaŭsiody praviaraje infarmacyju, jakuju prapanuje hadžet. Časam padychodzić da kaleh na darozie, kab udakładnić pravilnaść prakładzienaha maršrutu.

«Ale navat na adlehłaści mnie dapamahaje moj siabar Jurka, jon taksama bajkier i dalnabojnik. Darečy, heta dziakujučy jamu ja i syšła ŭ pieravozki. Ja zaŭsiody jamu telefanuju, kali pałamaŭsia matacykł abo kali nie viedaju, jak uviazać hruz. Dobra, kali ŭ žyćci ŭ čałavieka jość taki siabar».

«Adčuvaju siabie karalevaj»

Byli ŭ pracy Aleny i niepryjemnyja momanty, kali na parkinhach davodziłasia «adšyvać» padpitych kalehaŭ. Ale pa-sapraŭdnamu strašna było ŭ Francyi, kali ŭnačy dźviery jaje «refa» ŭskryli złačyncy.

«U mianie na refie sihnalizacyja stajała, jana adrazu zavyła, a ja nie zrazumieła, što heta. Vyjšła z kabiny pahladzieć, pajšła vakoł mašyny: zzadu dźviery adčynienyja, ale nikoha nie było, bandziuhi spałochalisia huku i źbiehli. Voś tut u mianie chaładok pa śpinie i pajšoŭ, zrazumieła, čym heta mahło skončycca».

Z tych časoŭ Alona trymajecca mieraŭ aściarohi: nie vyskokvaje z fury pasiarod nočy na dvor, a kali kładziecca spać, to fiksuje dźviery kabiny znutry, kab staronnija nie mahli ich uskryć zvonku.

Žančyna raspaviadała, što rabaŭniki fur dahetul užyvajuć mietad usypleńnia kiroŭcaŭ z dapamohaj zapusku ŭ kabinu hazu, asabliva heta raspaŭsiudžana ŭ Francyi. Tamu dalnabojnica ŭvieś čas pakidaje adkrytym luk, tady prytok śviežaha pavietra nie daść zadychnucca, kali tak zrobiać i ź joj.

U rejs kiroŭca biare vialiki zapas adzieńnia — na vypadak, kab byli čystyja rečy, kali pamyć ich u darozie nie atrymajecca. Viadoma, jość varyjant «na vychad» — sukienka i tufli na abcasach, a taksama try vialikija kaśmietyčki z dohladnaj i dekaratyŭnaj kaśmietykaj. Padpisčyki Aleny adnojčy navat prasili prademanstravać, što jana biare z saboj u rejs. Fota z Instagram Aleny

Praz hod kiroŭca pierajšła ŭ inšuju firmu, ciapier jana vozić štorny paŭpryčep. Pracavać na im fizična ciažej, čym na refryžaratary: dalnabojnicy treba rassoŭvać i zasoŭvać ciažki tent, ciahać doški, jakija macujucca na bartach, zaciahvać ramiani, što ŭtrymlivajuć hruz. Ale i tut Alona znajšła pazityŭ: usie hetyja dziejańni jana ŭsprymaje jak fizičnyja praktykavańni dla ciahlic, jakich joj tak nie chapała ŭ minułaj kampanii.

Niejak Alonie prapanoŭvali pierajści pracavać na bazu kampanii i dapamahać maładym kiroŭcam: nie było b rejsaŭ, ale šmat pracy z dakumientami. Žančyna admoviłasia ad hetaha, maŭlaŭ, zusim nie jaje.

«Mnie padabajecca jechać, kožny dzień hladzieć na niešta novaje. Adčuvaju siabie karalevaj — siadžu vysoka, mašyna vialikaja, a vakoł usio maleńkaje. Heta daje ŭpeŭnienaść, enierhiju. Asabliva ja lublu jeździć pa Francyi, Mima viosak, ruin i staražytnych zamkaŭ. Ciapier, zdajecca, muškieciory vyskačać da ciabie na darohu».

«U mianie šmat płanaŭ napieradzie»

Žančyna pracuje na kadencyjach: niekalki tydniaŭ rejsaŭ čarhujucca z adpačynkam. Błohierka kaža, što, prapracavaŭšy navat try-čatyry tydni, stomlenaści jana nie adčuvaje, «jak byccam tolki ŭčora zastupiła». A prabyŭšy doma niekalki dzion, razumieje, što sumuje pa pracy. Navat kalehi mužčyny dzivilisia jaje vytryvałaści.

«Za sutki pracy ja atrymlivaju 400 złotych (kala 300 rubloŭ). Zaraz ja budu pracavać šeść tydniaŭ, voś i ličycie moj zarobak. Viadoma, z hetaha treba adniać maje vydatki ŭ rejsach, za kadencyju šeść tydniaŭ heta prykładna 500 jeŭra. Adkłaści hrošy atrymlivajecca. Da prykładu, za pieršy hod pracy ja nakapiła 8000 jeŭra».

Pa słovach Alony, u vydatkach na ježu jana siabie nie abmiažoŭvaje: što padabajecca, to i kuplaje. Kali ŭ rejsach vypadajuć vychodnyja, to časam jana zachodzić u kaviarniu, kab pasprabavać tam što-niebudź smačnaje ź miascovaj kuchni. Naprykład, niadaŭna była ŭ restaracyi kala Vierony, dzie vyrašyła ŭpieršyniu ŭ žyćci pasprabavać vustryc i dazvoliła sabie vypić krychu vina.

Fota z Instagram Alony

Alona raskazvaje, što ŭ jaje była vialikaja mara, na jakuju raniej nie chapała hrošaj, — zrabić padciažku skury tvaru i blefarapłastyku. Hetyja apieracyi jana zmahła dazvolić sabie paśla pieršaha zarobku dalnabojnicy. A potym jašče źmianiła pryčosku: uvieś čas była z karotkaj stryžkaj, a stała błandynkaj z afrykanskimi kasicami.

Charakterna, što na strym (a jana ich pravodzić štodnia i pa niekalki razoŭ) Alony kožny raz padklučajucca ad niekalkich dziasiatkaŭ da niekalkich sotniaŭ čałaviek. Pryčym siarod ich davoli šmat žančyn, starejšych za 40 hadoŭ, jakija chočuć źmianić svajo žyćcio, ale nie navažvajucca heta zrabić, maŭlaŭ, uzrost užo nie toj.

«Mianiać svajo žyćcio nikoli nie pozna, — vielmi časta kaža Alona ŭ svaich efirach. — Pahladzicie na mianie. Nie treba ničoha bajacca, davajcie ruchacca napierad. Naprykład, u mianie šmat płanaŭ napieradzie. Z najbližejšych — adpačyć na Kubie. A doŭhaterminovyja — nabyć kvateru dzie-niebudź u Ispanii na bierazie mora i žyć tam».

Čytajcie taksama:

U siecivie źjaviłasia karta ŭsich aŭtadaroh śvietu. Jak tam vyhladaje Biełaruś?

«My pazažyralisia». Što havorać biełaruskija dalnabojniki pra kankurencyju z azijatami

«Za pustuju kvateru zapłaciŭ pad 190 rubloŭ, nie pracavaŭ navat chaładzilnik». Biełaruskija dalnabojščyki ŭ šoku ad svaich žyrovak

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031