Znajści
Ałharytmičny łacinski varyjant
31.07.2023 / 20:1611RusŁacBieł

Volha Harbunova patłumačyła, što dalej z hrašyma z marafonu

Pradstaŭnica Abjadnanaha pierachodnaha kabinieta Biełarusi pa sacyjalnaj palitycy, inicyjatarka marafonu salidarnaści «Nam nie ŭsio adno!», jaki prajšoŭ na minułych vychadnych, Volha Harbunova siońnia raskazała pra vyniki zboru hrošaj i nastupnuju praceduru dalejšaha raźmierkavańnia sabranaj sumy 574 356 jeŭra.

Volha Harbunova ad pačatku adznačyła, što vydatkaŭ na samu arhanizacyju marafonu jaje kamandaj niama, a «prafiesijny ŭkład studyj, redakcyj, žurnalistaŭ, partnioraŭ, kansultantaŭ, našych vałancioraŭ, jakija adkazvali za sajt dla zboru danataŭ i kamunikacyju, acanić prosta niemahčyma — jon fantastyčny».

Ciapier, pavodle słoŭ Harbunovaj,

«usie sabranyja hrošy lažać na rachunkach płaciežnych sistem Stripe, PayPal i ŭ kryptakašalkach. Praz tydzień paśla zakryćcia marafonu Stripe pieraviadzie hrošy ŭ bank».

Bankaŭskaja kamisija budzie składać 3—5 % ad sabranaj sumy.

Paśla ŭsie sabranyja srodki buduć pieranakiravanyja ŭ 13 pravaabarončych inicyjatyŭ i fondaŭ salidarnaści. Hrošy pamiž imi buduć raźmierkavanyja ŭ peŭnych praporcyjach, adpaviedna zapytam na padtrymku, jakija ŭ ich jość ciapier.

«Pa damoŭlenaści z fondami i inicyjatyvami hrošy pojduć na pramuju dapamohu palitviaźniam i ich siemjam. Hrošy nie pojduć ni na administracyjnyja vydatki hetych arhanizacyj, ni na apłatu pracy ich supracoŭnikaŭ», — padkreślivaje Harbunova.

Prazrystaść raźmierkavańnia budzie kantralavacca śpiecyjalna stvoranaj naziralnaj radaj, u jakuju ŭvojdzie jak sama Harbunova, tak i pradstaŭniki aŭtarytetnych niezaležnych biełaruskich ŚMI.

«Na praciahu tydnia naziralnaja rada prymie rašeńnie ab raźmierkavańni srodkaŭ, fond padpiša damovy z arhanizacyjami i ažyćciavić pieravody. Praz dva miesiacy arhanizacyi zrobiać spravazdaču — i naziralnaja rada publična raskaža ab vynikach».

Čytajcie taksama:

«Biełarusy, ja nami hanarusia!» Śviatłana Cichanoŭskaja źviarnułasia da biełarusaŭ pa vynikach marafonu «Nam nie ŭsio adno!»

«Hrantasosy kupajucca va ŭzajemnym kryvaduššy». Capkała aplavaŭ marafon salidarnaści

Śviatłana Kurs prapanavała pravieści jašče adzin marafon — dla biełaruskich vajaroŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
45
Панылы сорам
4
Ха-ха
4
Ого
1
Сумна
2
Абуральна
1
10
Acab/adkazać/
31.07.2023
Sačycie za rukami: kabinet źbiraje hrošy, kabinet stvaraje vertykalnuju dystrybutyŭnuju strukturu z trynaccaci padkabinetaŭ, kabiniet stvaraje nahladovuju radu dziela kantrolu transparentnaści dystrybucyi, 13 padkabinetaŭ dajuć spravazdaču nahladovaj radzie stvoranaj kabinetam, nahladovaja rada stvoranaja kabinetam paviedamlaje praź śmi dobra/kiepska (detali spravazdačy 13 padkabinetaŭ buduć sakretnyja). Zrešty, sprava z kantrolem dziejnaści razmnožanych bajpołaŭ takaja ž. Kabinet pa-nad ŭsio stavić zachavańnie struktury, i ździajśniaje nietransparentny(!) kantrol. Vybudovu bssr 3.0 ŭ vyhnalni (2.0 – Łukašenkaŭ bssr) liču paśpiachova zavieršanaj.
6
Acab/adkazać/
31.07.2023
Pra hrošy sa zboru, jakija nia pojduć na administravańnie trynaccaci padkabinetaŭ. Moža i nia pojduć, buhałteryja dazvalaje pavialičyć dolu administravańnia ź inšych krynicaŭ nadychodu hrošaj (biudžetaŭ dziaržavaŭ-donaraŭ).
1
Pierad tyk jak tryźnić, pačytaj artykuł/adkazać/
31.07.2023
Acab, ty jak łukašyst-manipulatar, jaki navat nie zdoleŭ zasvoić tekstu artykuła na niekalki abzacaŭ, dzie čornym pa-biełarusku napisana: “ Prazrystaść raźmierkavańnia budzie kantralavacca śpiecyjalna stvoranaj naziralnaj radaj, u jakuju ŭvojdzie jak sama Harbunova, tak i pradstaŭniki aŭtarytetnych niezaležnych biełaruskich ŚMI.”
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031