Znajści
Ałharytmičny łacinski varyjant
24.07.2023 / 19:2810RusŁacBieł

Hiermanija razhladaje mahčymaść viarnucca da atamnaj enierhietyki

Vosiem niamieckich atamnych stancyj mohuć viarnucca ŭ enierhietyčnuju sietku krainy. Hety krok padtrymlivajecca nasielnictvam i pryniasie ekanamičnuju vyhadu. Adnak palityki suprać.

15 krasavika hetaha hoda Hiermanija zakryła svaje apošnija try atamnyja elektrastancyi. Z tych časoŭ ceny na enierhanośbity stali vyšejšyja, čym da enierhietyčnaha kryzisu. Kraina stała nieta-imparcioram elektraenierhii, paciarpieła niamieckaja pramysłovaść. Ciapier mnohija zavody pieranosiacca ŭ ZŠA i inšyja krainy.

Jak piša Bild.de, daśledčyki amierykanskaj kansałtynhavaj kampanii Radiant Energy Group vyvučyli pytańnie mahčymaści pierazapusku jadziernych reaktaraŭ Hiermanii. U chodzie daśledavańnia było praviedziena apytańnie siabroŭ praŭleńnia, supracoŭnikaŭ i ekśpiertaŭ enierhietyčnych kampanij i byłych apierataraŭ atamnych stancyj.

Navukoŭcy adznačajuć, što ŭdzielniki dali padrabiaznuju infarmacyju ab prablemach, źviazanych ź pierazapuskam zhadanych atamnych elektrastancyj, pry ŭmovie, što jany zastanucca ananimnymi.

Daśledčyki vyjavili, što 67 % niemcaŭ vystupajuć za vykarystańnie jadziernaj enierhii. Hety krok spyniŭ by spad pramysłovaj vytvorčaści Hiermanii. Navukoŭcy pišuć, što dla hetaha niama niepieraadolnych pieraškod. Ale patrebnyja «prahmatyzm» i «aktyŭnaść».

U daśledavańni adznačajecca, što viartańnie da atamnaj enierhietyki padtrymlivajecca hramadskaściu, jano ekanamična vyhadnaje i ździajśnialnaje. Da taho ž jano moža dapamahčy ŭ dasiahnieńni metaŭ ES pa abaronie klimatu.

Atamnaja elektrastancyja kala Hrande ŭ Nižniaj Saksonii była spyniena 31 śniežnia 2021 hoda. Fota: www.gettyimages.com

Pavodle słoŭ aŭtaraŭ, kali b Hiermanija skasavała paetapnuju admovu ad atamnaj enierhietyki, ekanomika krainy mahła b vyjhrać ad cen na elektraenierhiju, jakija byli b navat nižejšyja za amierykanskija.

Navukoŭcy malujuć zmročnuju karcinu aktualnaj ekanamičnaj situacyi:

«U mai 2023 hoda ekanamičnyja danyja pakazvajuć padzieńnie pramysłovaj vytvorčaści z-za niaŭstojlivych cenaŭ na enierhiju». I prahnazujuć: «Pierazapusk vaśmi niamieckich AES zabiaśpiečyć bolš za 85 teravat-hadzin elektraenierhii na hod pry zatratach na vypracoŭku 25 jeŭra».

Jak adznačaje Bild.de, takaja kolkaść elektraenierhii składaje 40% pramysłovych patreb Hiermanii. Heta adpaviadaje enierhaspažyvańniu chimičnaj, naftachimičnaj, mašynabudaŭničaj i pryborabudaŭničaj halin, jakija ŭnosiać kala 250 miljardaŭ jeŭra za hod u vałavy ŭnutrany pradukt.

Takim čynam, jadziernaja enierhietyka mahła b istotna ablehčyć žyćcio Hiermanii jak pramysłovamu centru, jaki ŭ ciapierašni čas znachodzicca pad vialikim ciskam z-za vysokich cenaŭ na enierhanośbity.

Kolki času moža spatrebicca na pierazapusk vyviedzienych z ekspłuatacyi AES? Aŭtary daśledavańnia adznačajuć, što ŭ najlepšym vypadku spatrebicca dzieviać miesiacaŭ, kab viarnuć u stroj bolšaść stancyj. Bolš realistyčna, što šeść AES mohuć być znoŭ zapuščanyja na praciahu dzieviaci-dvanaccaci miesiacaŭ, u toj čas jak dźvium inšym moža spatrebicca ad dvuch da troch hadoŭ, pierš čym jany znoŭ zmohuć pastaŭlać elektraenierhiju.

Samaja vialikaja pieraškoda na hetym šlachu nie techničnaja, a palityčnaja. Nieabchodny pierahlad Zakona ab atamnaj enierhii. Jak adznačaje Bild.de, fiederalny ministr ekanomiki i siabra partyi zialonych Robiert Chabiek (Robert Habeck) prytrymlivajecca admovy ad atamnaj enierhietyki, addajučy pieravahu ŭ ciapierašni čas bolšamu vykarystańniu vuhalnaj enierhii.

Aŭtary adznačajuć, što akramia hetaha vialikaj prablemaj dla bolšaści AES źjaŭlajecca padrychtoŭka novaha techničnaha piersanału dla ekspłuatacyi stancyj. Akramia taho, u dvuch vypadkach na ramont, rekanstrukcyju i atrymańnie novych dazvołaŭ na ekspłuatacyju spatrebicca niekalki hadoŭ.

Navukoŭcy adznačajuć, što kali b płany byli realizavanyja, to vykidy CO2, jakija vydzialajucca pry vytvorčaści elektraenierhii ŭ Hiermanii, mahli b skaracicca da 80 miljonaŭ ton na hod za košt zamieny vuhalnych elektrastancyj pierazapuščanymi atamnymi.

Čytajcie jašče:

Hiermanija pieravodzić žytło na centralizavanaje ciepłazabieśpiačeńnie

Niemcy nie padtrymlivajuć čatyrochdzionny pracoŭny tydzień

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
4
Ха-ха
0
Ого
1
Сумна
3
Абуральна
5
0
Vzhlad na hipiertiekt/adkazać/
24.07.2023
Vaši ssyłki pośle bild bityje. Viedut nie tuda.
1
Donald/adkazać/
25.07.2023
Mierkielichu treba ŭ turmu - stolki škody narabiła krainie sa svaim froindam z Maskvy
0
Nie hovoritie błažiennoj tolko!/adkazać/
25.07.2023
U Hriety srok śvietit i tut takaja novosť, ona nie pierieživiet!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930