Znajści
Ałharytmičny łacinski varyjant
24.07.2023 / 08:382RusŁacBieł

Barbienhiejmier: «Barbi» pieramahła «Apienhiejmiera» (ale ŭ vyjhryšy ŭvieś Halivud)

Kinakamiedyja «Barbi», dziejańnie jakoj adbyvajecca ŭ śviecie dziciačych cacak, stała pieramožcam u bitvie za hladackija simpatyi ź filmam «Apienhiejmier», jaki raspaviadaje pra stvaralnika amierykanskaj jadziernaj bomby. Supraćstajańnie hetych dźviuch stužak, jakija vyjšli ŭ prakat u adzin dzień, 21 lipienia, atrymała nieaficyjnuju nazvu «Barbienhiejmier» i stała znakam viartańnia cikavaści hledačoŭ da kinaindustryi paśla pandemii karanavirusa, piša Bi-bi-si.

Marho Robi (vykanaŭca roli Barbi) na znakamitaj płoščy kinateatraŭ Lester-Skvier u Łondanie. 12 lipienia 2023 hoda. Fota: Photo by Wiktor Szymanowicz/Anadolu Agency via Getty Images 

Pavodle źviestak kampanii Warner Bros, paśla pieršaha ŭikendu prakatu «Barbi» staŭ samym paśpiachovym filmam u ZŠA i Kanadzie i sabraŭ u hetych krainach za piatnicu, subotu i niadzielu 155 młn dalaraŭ. Pry hetym našmat surjoźniejšy «Apienhiejmier» za hetyja ž try dni vyručyŭ u ZŠA 92,7 młn dalaraŭ, paviedamlaje kampanija Universal Pictures, jakaja vypuściła jaho.

Va ŭsim śviecie pośpiech «Barbi» byŭ jašče ŭražalniejšym: zbory jarkaj kamiedyi režysiora Hrety Hiervih z Marho Robi i Rajanam Hoślinham u hałoŭnych rolach skłali 337 młn dalaraŭ. Pry hetym hledačy va ŭsich krainach zapłacili za kvitki na «Apienhiejmier» 174 młn dalaraŭ.

Jak adznačaje ahienctva Reuters, dva filmy — heta praktyčna poŭnaja supraćlehłaść adzin adnamu: kali dziejańnie filma «Barbi» adbyvajecca ŭ śviecie cacak, to trochhadzinny «Apienhiejmier» (jaho chronamietraž na hadzinu bolšy, čym u kankurenta) režysiora Krystafiera Nołana raspaviadaje dramatyčnuju historyju navukoŭca, jaki staŭ baćkam amierykanskaj jadziernaj bomby.

Ale padobnaja aryjentacyja na dosyć roznyja aŭdytoryi pryviała da rezkaha ŭsplosku hladackaj cikavaści da kino ŭ cełym.

Prablemy kinaindustryi

Da vychadu hetych dvuch filmaŭ prodažy kvitkoŭ u kino hetym letam byli davoli słabymi: stužka pra supierhieroja «Fłeš» pravaliłasia, čarhovaja sieryja epapiei «Indyjana Džons» pakazała siabie nie zanadta dobra, a vyniki siomaha ź liku filma «Misija nievykanalnaja» vyjavilisia nižejšymi za čakańni.

U Halivudzie taksama pačałasia zabastoŭka aŭtaraŭ scenaroŭ i akcioraŭ, jakaja pieraškadžaje kinavytvorčaści (niekatoryja vykanaŭcy rolaŭ u «Apienhiejmiery» pajšli strajkavać prosta padčas premjery filma).

Usio heta adbyvajecca na fonie ahulnaha źmianšeńnia kolkaści ludziej, jakija naviedvajuć kinateatry: apošnim usio ciažej vytrymlivać kankurencyju sa stryminhavymi servisami.

Ale «Barbienhiejmier» dapamoh trochi palepšyć situacyju.

Pavodle danych Amierykanskaj Asacyjacyi ŭładalnikaŭ kinateatraŭ, bolš za 200 tysiač amierykancaŭ kupili kvitki, kab pahladzieć abodva filmy za adzin dzień.

Markietynhavaja kampanija «Barbi» pry hetym była našmat ahresiŭniejšaj: na rynak vypuścili sotni tematyčnych praduktaŭ, a niekatoryja budynki ŭ Łondanie ŭ honar premjery byli padśviečany ružovym koleram. Mnohija hledačy prychodzili pahladzieć film u ružovaj vopratcy.

«Pryjšli ŭsie, — cytuje Reuters ekśpierta ŭ halinie kinabiznesu Džefa Boka z kampanii Exhibitor Relations Co. — Pahladzieć hetyja dva filmy zachacieli pradstaŭniki ŭsich słajoŭ nasielnictva — i heta mienavita toje, što treba Halivudu».

Čytajcie taksama:

Čaho čakać ad filma «Barbi», pra jaki ŭsie havorać — uražańni ad premjery

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
3
Ха-ха
2
Ого
2
Сумна
1
Абуральна
1
2
važniejšim iz iskusstv dla nas javlajetsia NIE kino ! (antilenina)/adkazać/
24.07.2023
ale ŭ vyjhryšy ŭvieś Halivud

bolš u kinateart ni nahoj
24.07.2023
SŠA praviat mirom. Tak čto Rośsija dołžna śmiriťsia, čto u nieje nie budiet svojeho Hollivuda.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930