Znajści
Ałharytmičny łacinski varyjant
15.07.2023 / 12:0412RusŁacBieł

Nuncyj Ante Jozič pravioŭ inaŭhuracyju Apostalskaj administratury dla hreka-katolikaŭ u Biełarusi

15 lipienia Boskaja liturhija z udziełam apostalskaha nuncyja adbyłasia z hetaj nahody ŭ chramie dušpastarskaha centra Praviednaha Jazepa ŭ Minsku, paviedamlajuć «Vatykanskija naviny». 

Ante Jozič. Fota: Catholic.by

Takim čynam raspačałasia aficyjnaja dziejnaść Apostalskaj administratury, stvoranaj Papam Franciškam 30 sakavika 2023 hoda.

Apostalskaja administratura pryraŭnoŭvajecca pa statusie da dyjacezii, što, u svaju čarhu, praduhledžvaje zasnavańnie ijerarchii i paśviačeńnie ŭ biskupski san apostalskaha administratara (siońnia im źjaŭlajecca Siarhiej Hajek), čaho hreka-katoliki ŭ Biełarusi nie mieli z kanca vajny.

Nahadajem, što BPC Maskoŭskaha patryjarchata aburyłasia dziejnaściu hreka-katolikaŭ u Biełarusi i prasiła pasłańnika Papy, byłoha apostalskaha nuncyja ŭ Biełarusi Kłaŭdya Hudžeroci abmiežavać ich dziejnaść u Biełarusi.

***

Pa stanie na pačatak 2020-ch u Biełarusi dziejničaje 14 parafij, u tym liku čatyry ŭ Minsku, kolkaść viernikaŭ składaje niekalki tysiač. 

Unijackaja (hreka-katalickaja) carkva, stvoranaja ŭ vyniku Bieraściejskaj unii 1596 hoda, isnavała na terytoryi ciapierašniaj Respubliki Biełaruś da likvidacyi jaje carskimi ŭładami ŭ 1839 hodzie. Na terytoryi Padlašša ŭnijactva pratrymałasia da 1876 hoda.

U XVIII i XIX stahodździach unijatami była absalutnaja bolšaść biełarusaŭ. Unijactva mieła šancy stać nacyjanalnaj carkvoj, bo vyłučała biełarusaŭ i ad palakaŭ, i ad rasiejcaŭ.

Adrodžanaja hreka-katalickaja carkva ŭ siekularyzavanaj postsavieckaj Biełarusi nie stała masavaj.

Aficyjnaje pravasłaŭje zastałosia pad kantrolem Maskvy, a za apošni čas pieratvaryłasia ŭ ideałahičnuju strukturu dyktatury, tady jak kataliki, pratestanty i hreka-katoliki zachoŭvajuć niezaležnaść ad dziaržavy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
26
Панылы сорам
0
Ха-ха
0
Ого
2
Сумна
1
Абуральна
2
6
hoblen/adkazać/
15.07.2023
Jazep)) Džo Stalin! A po tiemie: počiom opium dla naroda?)
0
Ĺ/adkazać/
16.07.2023
Jury, usie ŭnijaty mieli pradziedaŭ pravaslaŭnych, a tyja praprapradziedaŭ kryvickaj viery
0
Aresa/adkazać/
16.07.2023
Ĺ, byccam vy sami nia viedajecie praz što adbyłasia Bieraściejskaja unija...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930