Znajści
Ałharytmičny łacinski varyjant
14.07.2023 / 09:34RusŁacBieł

Dva puciepravody na Daŭhabrodskaj i dva ŭ centry horada. Jakija masty ŭ Minsku čakaje ramont

Za minułyja niekalki hadoŭ u stalicy kapramont abo rekanstrukcyju źviedała 18 mastavych zbudavańniaŭ, ale jašče kala dziasiatka abjektaŭ staić u čarzie na abnaŭleńnie. Pra budaŭničyja raboty na haradskich puciepravodach «Minsk-Navinam» raspavioŭ dyrektar «Hardarbuda» Siarhiej Panieŭ.

Fota: «Minsk-Naviny»

Na puciepravodzie pamiž vuł. Maskoŭskaj i vuł. Čkałava asnoŭnyja raboty ŭžo pačali. Paźniej budaŭniki pačnuć ramont na moście, jaki viadzie da vulicy Brest-Litoŭskaj.

Jašče adzin abjekt — mastavoje zbudavańnie pamiž praśpiektam Niezaležnaści i vulicaj Maskoŭskaj. Tut praduhledžvajecca demantaž šeraha apor kala čyhunačnych puciej i pieraŭtvareńnie puciepravoda ŭ doŭhapralotny. Prajektavańnie płanujuć zaviaršyć da kanca 2023 h., a sami budaŭniča-mantažnyja raboty pačać paśla taho, jak jany skončacca na puciepravodzie pamiž vuł. Čkałava i Maskoŭskaj. Takim čynam spadziajucca paźbiehnuć transpartnaha kałapsu ŭ centry horada.

Kapramont z madernizacyjaj čakaje i most na vuł. Vaŭpšasava nad čyhunkaj. Raspracoŭka prajektna-kaštarysnaj dakumientacyi ŭžo vykanana, zaraz treba budzie razabracca z kampiensacyjaj uładalnikam haražoŭ, raźmieščanych pad puciepravodam. Haražy buduć źniesienyja. Budaŭničyja raboty pačnuć, kali skončać kapramont mastavoha zbudavańnia pamiž vuł. Zaparožskaj i Radyjalnaj. Jaho majuć namier zaviaršyć u vieraśni.

Abnavić płanujuć dva puciepravody na vuł. Daŭhabrodskaj: nad čyhunkaj u rajonie Minskaha zavoda šaściareniek i nad vuł. Vaniejeva. Dla hetych abjektaŭ ciapier raspracoŭvajecca prajektna-kaštarysnaja dakumientacyja.

Jašče adzin kandydat na kapramont znachodzicca na skryžavańni vuł. Karła Libkniechta i praśpiekta Žukava. Prajektnuju dakumientacyju ŭ «Hardarbudzie» raźličvajuć atrymać vosieńniu.

U płanach kapramontu z madernizacyjaj taksama masty cieraz raku Śvisłač na praśpiekcie Niezaležnaści, vuł. Haładzieda i vuł. Pulichava.

Čytajcie taksama:

Adna pałasa ŭ kožny bok. Na moście pamiž Maskoŭskaj i Čkałava ŭ Minsku transpart ruchajecca pa novaj schiemie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
0
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031