Znajści
Ałharytmičny łacinski varyjant
13.07.2023 / 11:093RusŁacBieł

U Hruziju pryjechali daktary z Polščy dla miedycynskaha abśledavańnia Michaiła Saakašvili

Hrupa polskich daktaroŭ pačała ŭsiebakovaje miedycynskaje abśledavańnie byłoha prezidenta Hruzii Michaiła Saakašvili, jak paviedamiŭ premjer-ministr Polščy Matevuš Maraviecki, piša Meduza.io.

Irakli Gedenidze/Pool Photo via AP

Pradstaŭnik partyi «Adziny nacyjanalny ruch» Hieorhij Čaładze ŭdakładniŭ, što ŭ Hruziju prybyli piać daktaroŭ. Pavodle jaho słoŭ, terminy ich misii nie abmiežavanyja: jany prabuduć u krainie stolki, kolki spatrebicca. Miedycynskaje zaklučeńnie budzie kanfidencyjnym, jaho pieradaduć krainam ES.

Pieramovy ab miedycynskim abśledavańni Saakašvili vialisia niekalki miesiacaŭ: ułady Polščy jašče ŭ sakaviku 2023 hoda kazali, što hatovyja adpravić daktaroŭ, adnak Hruzija doŭha nie davała na heta zhody.

«Paśla šaści miesiacaŭ zatrymak urad narešcie dazvoliŭ daktaram naviedać Michaiła Saakašvili ŭ balnicy. Daktary vyvučać jaho stan i paśla zrobiać svaje vysnovy», — skazaŭ ahienctvu AFP advakat byłoha prezidenta Dzita Sadzahlišvili.

Michaił Saakašvili znachodzicca pad vartaj z kastryčnika 2021 hoda. Saakašvili, jakomu hruzinskija sudy zavočna vynieśli prysudy pa niekalkich spravach, aryštavali paśla taho, jak jon viarnuŭsia ŭ krainu, nielehalna pierajšoŭšy miažu.

Pad aryštam, jak nieadnarazova zajaŭlali advakaty palityka, stan zdaroŭja Saakašvili rezka pahoršyŭsia. Z maja 2022 hoda palityk znachodzicca ŭ tbiliskaj klinicy «Vivamied». Padčas sudovych pasiadžeńniaŭ 20 daktaroŭ zajavili, što Saakašvili znachodzicca ŭ vielmi ciažkim stanie. U lutym 2023 hoda paviedamlałasia, što Saakašvili važyŭ 67 kiłahramaŭ. Pierad aryštam jon važyŭ 116 kiłahramaŭ pry roście 195 santymietraŭ.

U lutym 2023 hoda Tbiliski haradski sud adchiliŭ chadajnictva abarony Saakašvili ab jaho vyzvaleńni z-za krataŭ abo adterminoŭki prysudu pa stanie zdaroŭja. U sakaviku anałahičnaje rašeńnie pryniaŭ Apielacyjny sud. U mai Jeŭrapiejski sud pa pravach čałavieka taksama adchiliŭ prośbu advakataŭ ab vyzvaleńni Saakašvili dla lačeńnia za miažoj.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Mojša/adkazać/
13.07.2023
Značyć niama tam dyktatury
0
mikola/adkazać/
13.07.2023
Jakoga prystoinaga czalaveka zmarnavali !
0
Žvir/adkazać/
13.07.2023
mikola, što ty viarzieš ? Movu vučy, pišaš, sam nie razumieješ što...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera