Znajści
Ałharytmičny łacinski varyjant
10.07.2023 / 16:133RusŁacBieł

U Ščorsach znoŭ pradajuć častku byłoha majontka Chraptovičaŭ, užo za biescań

U vioscy Ščorsy ŭ Navahrudskim rajonie płanujuć pradać budynak byłoj viandlarni ŭ siadzibie Chraptovičaŭ. Cana abjekta — 37 rubloŭ, paviedamlaje Hrodna.life. Aŭkcyjon adbudziecca 7 žniŭnia 2023 hoda.

Pabudova ŭniesienaja ŭ śpis historyka-kulturnych kaštoŭnaściej i znachodzicca na bałansie Navahrudskaha rajvykankama. Pavodle ŭmoŭ aŭkcyjonu, novy ŭładalnik pavinien raspracavać i zaćvierdzić prajekt rekanstrukcyi nie paźniej čym praz dva hady z momantu zaklučeńnia damovy.

Ramont treba pravieści nie paźniej čym praz try hady ad zaklučeńnia damovy. Pad što možna pierarabić byłuju viandlarniu, va ŭmovach aŭkcyjonu nie paviedamili.

Nižniaja častka budynka cahlanaja, nad joj vysoki dach, kryty hontaj. Na dachu płaŭnymi linijami vystupajuć vypukłyja dušniki. Cahlanyja ścieny dekaravanyja łapatkami, karnizam prostaha profilu i łučkovymi pieramyčkami nad akonnymi i dźviarnymi prajomami.

Raniej budynak byłoj viandlarni ŭžo vystaŭlali na prodaž, apošniaja sproba była ŭ lutym 2023 hoda. Tady za abjekt chacieli 9950 rubloŭ, ale budynak nichto nie nabyŭ. Ciapier canu źnizili da adnoj bazavaj vieličyni — 37 rubloŭ.

Siadziba ŭ Ščorsach u Navahrudskim rajonie kaliści naležała kancleru VKŁ Iaachimu Chraptoviču. U XVIII stahodździ jon uźvioŭ tut pałacava-parkavy ansambl u styli francuzskaha kłasicyzmu. Da našych dzion asnoŭny budynak siadziby nie acaleŭ, ale zachavaŭsia park i sažałki.

Da niadaŭniaha času ŭsie budynki siadziby ŭ Ščorsach naležali dziaržavie. Častka — adździełu kultury Navahrudskaha rajvykankama, častka — sielsavietu ŭ Ščorsach, častka — AAT «Ščorsy» (były kałhas «Zorka»). Z 2018 hoda siadzibu sprabavali pradać jak kompleks, paźniej — jak asobnyja budynki.

Z 2017 hoda nad zachavańniem i raźvićciom kompleksu pracavaŭ kulturna-aśvietnicki fond «Ščorsy i Chraptovičy» pad kiraŭnictvam Hanny Bułdy. Ale jon trapiŭ pad chvalu masavych likvidacyj hramadskich arhanizacyj u Biełarusi ŭ 2021−2022 hadach. Sud prajšoŭ 19 listapada minułaha hoda, 4 śniežnia rašeńnie ŭstupiła ŭ siłu.

Čytajcie taksama:

Śviacki pałac — tvor italjanskaha majstra dla pruskaha hrafa sa staražytnaha biełaruskaha rodu

Jašče dźvie knihi ź biblijateki Chraptovičaŭ viarnulisia na radzimu

U pałacy pieršaha biełaruskaha arnitołaha budzie muziej. Z pastaŭskaj rezidencyi Tyzienhaŭzaŭ narešcie źjedzie balnica

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
1
Ха-ха
0
Ого
0
Сумна
2
Абуральна
1
0
Biełarusy/adkazać/
10.07.2023
Kak možno prodavať istoriju??!!! EtoChrieptovič! Ministr inostrannych dieł VKŁ! TURISTIČIESKIJ OBJEKT! ETO KAKOJ OBLISPOŁKOM TAKIM DNOM OTMIETIŁSIA? turčin etot biezhołovyj ili iz Hrodno s nikom Kara? Hdie v kakom miestie ziemli tak postupajut s istorijej? Irazaluk, tut tožie ty našieł bsb?
0
sympał Sajman/adkazać/
10.07.2023
Jak na moj rozum, to najlepš byłuju viandlarniu prystasavać.... pa viandlarniu! I prodaž aŭtentyčnaj "viadliny ad Chrabtoviča" budzie česnym srodkam adbić patračanyja na vykup pomnika i prystasavańnie jaho ŭ adpaviednaści ź pieršapačatkovym pryznačeńniem.
0
ciesta i manka/adkazać/
10.07.2023
sympał Sajman, załataja viandlina budzie. Nie akupicca. Dy i ŭsie patencyjnyja pakupniki za zachodniaj miažoj.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930