Znajści
Ałharytmičny łacinski varyjant
09.07.2023 / 17:026RusŁacBieł

Strałkoŭ patłumačyŭ, našto patrebny adzin adnamu Łukašenka i «Vahnier»

Łukašenka vydatna razumieje, što ŭ vypadku pačatku smuty ŭ Rasii Biełaruś pratrymajecca na niekalki sutak daŭžej i nie bolej, miarkuje pałkoŭnik FSB u adstaŭcy, a ciapier błohier Ihar Strałkoŭ (Hirkin).

Jaŭhienij Pryhožyn i Alaksandr Łukašenka. Fota: AP, Getty Images

Na dumku Ihara Strałkova, Łukašenka, u adroźnieńnie ad šmat jakich rasijskich palitykaŭ, «jašče niešta ciamić». Pa jaho słovach, Łukašenka pabačyŭ mahčymaść skarystacca situacyjaj, atrymać niejkija palityčnyja dyvidendy dla siabie asabista i dla Biełarusi.

«Jon nie zusim durań i vydatna razumieje, što ŭ vypadku pačatku smuty ŭ Rasijskaj Fiederacyi Biełaruś pratrymajecca na niekalki sutak daŭžej i nie bolej. Smuta ŭ Rasijskaj Fiederacyi aŭtamatyčna adklučyć Biełaruś ad vielmi maštabnaha finansavaha, syravinnaha i resursnaha siłkavańnia i zrobić krainu i jaho asabista lohkaj achviaraj zachodnich partnioraŭ».

Tamu Łukašenka, jak praciahvaje Strałkoŭ, prajaviŭ vielmi vysokuju stupień zacikaŭlenaści ŭ losie Rasijskaj Fiederacyi «nie tolki jak dojnaj karovy, ale i jak haranta jaho asabistaj biaśpieki».

Z druhoha boku, na pohlad Strałkova, dumać, što Łukašenka ŭsio chutka vyrašyŭ tolki dziakujučy svajmu dypłamatyčnamu talentu, naiŭna. Pośpiech jaho pasiarednictva zaležaŭ nie ad jaho talentaŭ, a ad situacyi, jakaja skłałasia.

«Ja amal upeŭnieny, što Pryhožyn sam šukaŭ kampramis, zhubiŭšy padtrymku toj elitnaj hrupy, jakaja za im stajała. Ci tyja ludzi, jakija jaho na miaciež błasłavili, adklikali mandat. Ci jany paličyli, što jon zajšoŭ vielmi daloka. Dalej, čym jany dapuskali. Ci ich raźlik budavaŭsia na tym, što, jak tolki pačniecca miaciež, Pucin pojdzie na sastupki i adchilić Šajhu. I na hetym usio spynicca.

A Pucin nie pajšoŭ u ich na povadzie i nie staŭ hetaha rabić. Jany apynulisia ŭ situacyi, kali iści dalej — značyć uvodzić krainu ŭ chaos (a jany da hetaha byli nie hatovyja, bo sami zaležać ad hetaj sistemy i razam ź joj by abrynulisia). Ci zdavacca. U hetym vypadku jany pryniali rašeńnie spynić miaciež».

U vyniku, jak adznačaje Strałkoŭ, Pryhožyn zastaŭsia biez padtrymki hetaj hrupy i sam nie rašyŭsia raźvivać situacyju. Pryčyna hetaha ŭ tym, jak ličyć palityk, što jon taksama častka hetaj sistemy i naŭrad ci byŭ hatovy da zachopu ŭłady ŭ Maskvie.

«A Łukašenka byŭ u patrebny čas u patrebnym miescy, kab uzhadnić kampramis pamiž dźviuma elitnymi hrupami», — zrabiŭ vysnovu Strałkoŭ.

Čytajcie jašče:

Niamieckaja raźviedka prasłuchoŭvała Pryhožyna i Łukašenku padčas buntu ŭ Rasii — miedyja

«Łukašenka moža stać miratvorcam na svaju hałavu, bo Pucin pomślivy». Analityk — pra vyniki miaciažu i Pryhožyna ŭ Biełarusi 

«Ludzi nie razumiejuć, što i my prahmatyčna da hetaha padychodzim». Łukašenka patłumačyŭ, jak źbirajecca vykarystoŭvać «vahnieraŭcaŭ»

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Prošče havara/adkazać/
09.07.2023
Smatraščy, skora ivo ždiot druhaja forma i kazionnaja pajka biez prava pierapiski.
1
rom/adkazać/
09.07.2023
Łuka koniečno tolko vyihrał…
1
Vielikij i mohučij/adkazać/
09.07.2023
Smatraščy, śledujet pisať "kak by eto ni razdražało". 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera