Znajści
Ałharytmičny łacinski varyjant
05.07.2023 / 11:442RusŁacBieł

Zvyšmahutny štorm u Niderłandach: admienienyja sotni avijarejsaŭ, paralizavany ruch transpartu

Viecier dasiahaje paryvaŭ da 120 kiłamietraŭ za hadzinu.

Štorm «Poli» ŭ Niderłandach surjozna parušyŭ pavietranaje i čyhunačnaje złučeńnie ŭ krainie, ułady zaklikali ludziej zastavacca doma praz mocny viecier.

Nacyjanalny mietearałahičny instytut abviaściŭ čyrvony kod štarmavoha papiaredžańnia dla bolšaj častki krainy — samy vysoki ŭzrovień niebiaśpieki. Viecier dasiahaje paryvaŭ da 120 kiłamietraŭ za hadzinu, jak paviedamlaje «Jeŭrapiejskaja praŭda» sa spasyłkaj na niderłandskuju teleradyjokampaniju NOS.

U miastečku Viejk-an-Zieje na poŭnač ad Amsterdama ŭžo vyznačyli chutkaść vietru — 145 kiłamietraŭ za hadzinu. Heta samy mocny paryŭ vietru, jaki kali-niebudź byŭ u lipieni.

Pa danych Weerplaza, štorm «Poli» — samy mocny letni štorm, jaki kali-niebudź naziraŭsia.

Amsterdamski aeraport Schipchoł, adzin z samych zahružanych jeŭrapiejskich vuzłoŭ, admianiŭ bolš za 300 rejsaŭ. Čakajecca, što ruch budzie abmiežavany jak minimum da 15:00 pa miascovym časie.

Žychary pravincyi Paŭnočnaja Hałandyja, u jakuju ŭvachodzić Amsterdam, atrymali abviestki na mabilnyja telefony z papiaredžańniem zastavacca doma i padrychtavać numary ekstrannych słužbaŭ na vypadak niebiaśpieki dla žyćcia. Pablizu nasielenaha punkta Ałkmaara mahutny viecier pierakuliŭ hruzavik.

Čyhunačny apieratar NS spyniŭ uvieś ruch ciahnikoŭ na poŭnačy Niderłandaŭ, a šašu na poŭnač ad Amsterdama pierakryli praz padzieńnie dreŭ.

Amsterdamskaja transpartnaja kampanija GVB vyrašyła časova nie zapuskać aŭtobusy i tramvai praz ekstremalnyja ŭmovy nadvorja.

U červieni meryja Paryža vyrašyła zakryć usie zialonyja zony stalicy i mohiłki dla naviedvalnikaŭ, kab nie dapuścić niaščasnych vypadkaŭ padčas navalnicy.

Čytajcie taksama:

3 lipienia staŭ samym haračym dniom na płaniecie ŭ historyi nazirańniaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Žvir/adkazać/
05.07.2023
120 km/h. heta kolki budzie mietraŭ na siekundu ? 33,3 ? Pravilna ? Dyk heta j nie achci-vochci, dla prymorskaj dziaržavy. Tut takoje taksama zdarałasia, śvietłafory z darožnymi znakami lotali ŭ pavietry, i što ? Na bierazie heta zaŭždy adčuvalna, navat 17 m/s., jak učora, dajuć prykuryć ! Mora raŭło, jak tysiača drakonaŭ !
0
Mooring tail/adkazać/
05.07.2023
Zvyšmahutny... Dy pry takoj chutkaści vietru navat švartoŭki da SPMaŭ dzie-nidzie dazvalajucca.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031