Znajści
Ałharytmičny łacinski varyjant
29.06.2023 / 18:002RusŁacBieł

Palitźniavolenaja pravaabaronca Nasta Łojka stała «Vybitnaj vypusknicaj» EHU

29 červienia ŭ Jeŭrapiejskim humanitarnym univiersitecie 11-y raz uručyli ŭznaharodu «Vybitnamu vypuskniku». Treci hod zapar uznaharoda prysudžajecca palitźniavolenym. Sioleta ŭ naminacyi pieramahła palitźniavolenaja Nasta Łojka, asudžanaja dziesiać dzion tamu da siami hadoŭ kałonii, paviedamlaje «Viasna».

Ksienija Malukova atrymlivaje hanarovy siertyfikat ad rektara EHU Kšyštafa Rybińskaha

Praz toje, što Nasta ŭtrymlivajecca ŭ SIZA, hanarovy siertyfikat pryniała jaje siabroŭka i mahistrantka EHU Ksienija Malukova. Jana vystupiła z mocnaj pramovaj, u jakoj uzhadała inšych palitźniavolenych, jakija atrymali takuju ŭznaharodu EHU ŭ papiarednija hady.

«Kožny raz, kali ja prychodžu ŭ EHU, ja baču na došcy honaru fatahrafiju majho siabra i tavaryša Mikoły Dziadka, jon vybitny vypusknik EHU 2021 hoda. Mikoła — anarchist, palitołah, žurnalist i błohier, čałaviek, jaki druhi raz u žyćci atrymaŭ palityčnaje źniavoleńnie terminam piać hadoŭ i ciapier znachodzicca ŭ turmie №1 u Hrodnie. Ciapier na došcy honaru budzie visieć fotazdymak jašče adnoj majoj siabroŭki Nasty Łojki.

Nasamreč ja nie pavinna ciapier stajać na hetaj scenie. Na hetaj scenie pavinna stajać vybitnaja vypusknica 2022 hoda Taćciana Kuzina i ŭručać hetuju premiju Łojcy. Taćciana Kuzina — suzasnavalnica škoły maładych mieniedžaraŭ publičnaha administravańnia Sympa, ekśpiertka daśledčaha prajekta bipart, mahistarka palitałohii. 17 sakavika hetaha hoda Taćcianu asudzili na dziesiać hadoŭ pazbaŭleńnia voli ŭ kałonii ahulnaha režymu. Siońnia, prosta ciapier, Tania siadzić u Minsku, na vulicy Vaładarskaha, u SIZA-1. U tym ža horadzie, na toj ža vulicy, napeŭna, u susiedniaj kamiery z Taniaj, u SIZA numar 1, prosta zaraz siadzić maja darahaja Nasta Łojka, vybitnaja vypusknica 2023. Roŭna 10 dzion tamu sud vynies prysud dla Nasty — siem hadoŭ źniavoleńnia».

U honar Nasty va ŭniviersitecie budzie ŭstanoŭlena imiannaja tablička.

20 červienia ŭ Minskim haradskim sudzie Nastu Łojku asudzili da siami hadoŭ kałonii pavodle č. 3 art. 130 KK (raspalvańnie inšaj sacyjalnaj varožaści) za padrychtoŭku dakłada «Pieraśled anarchistaŭ, antyfašystaŭ, levych i sacyjalnych aktyvistaŭ u Biełarusi» (2017 — žnivień 2018 hoda). U im nibyta dajecca krytyčnaja acenka dziejnaści supracoŭnikaŭ milicyi. Sud prachodziŭ u zakrytym režymie, tamu padrabiaznaści i pazicyja samoj Nasty nieviadomyja.

Čytajcie taksama:

«Jana ličyła, što niejki zakon u Biełarusi jašče pracuje» — pravaabaronca ab prysudzie Naście Łojcy

Byłaja źniavolenaja raskazała pra sustreču z Nastaj Łojka i siamjoj Liviantaŭ za kratami

«Byvaj, darahi sabaka. Ty — samaje darahoje, što ŭ mianie było ŭ žyćci». Nasta Łojka napisała ščymlivy list svajmu sabaku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
mikola/adkazać/
29.06.2023
Nejak usio tut  padazrona ! Universytet i stolka mnoga *kryminalnikau* ! Nesta tut ni tak. Treba  nesta mjanjac !
1
Nikifor/adkazać/
29.06.2023
Tak etot univier borcov za vsio chorošieje hotovit, ili śpiecialistov?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031