Znajści
Ałharytmičny łacinski varyjant
29.06.2023 / 08:08RusŁacBieł

Chor z Čyrvonaha kaścioła zaśpiavaŭ na płoščy Śviatoha Piatra ŭ Vatykanie

«Malusia za ciabie, Biełaruś», — prahučała na płoščy Śviatoha Piatra. U składzie biełaruskaj delehacyi, jakaja pryviezła ŭ Vatykan kopii maryjnych abrazoŭ, što ŭšanoŭvajucca ŭ Biełarusi, byŭ chor kaścioła Śviatych Symona i Aleny ŭ Minsku «Hołas dušy», paviedamlaje Biełaruskaja słužba Vatykanskaha radyjo.

Chor vykanaŭ niekalki šmathałosych baharodzičnych biełaruskich śpievaŭ, nadaŭšy aŭdyjencyi z pantyfikam bolš uračysty charaktar.

Kali Papa nabliziŭsia da biełaruskich pilihrymaŭ, chor vykanaŭ u jaho honar Plurimos annos z pažadańniem doŭhich hadoŭ žyćcia.

Fota: Vatican News

Papa Francišak błasłaviŭ kopii abrazoŭ, a taksama atrymaŭ u dar śpis ikony Maci Božaj Budsłaŭskaj.

Nahadajem, što ŭ vyniku zahadkavaha pažaru, što zdaryŭsia ŭ Čyrvonym kaściole Minska 26 vieraśnia, śviatynia była začynienaja, a viernikam navat zabaranili malicca kala jaje. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie, i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.

Ciapier słužby parafii prachodziać u kafiedralnym kaściole.

Čytajcie taksama:

Adstaŭka Zavalniuka — umova viartańnia Čyrvonaha kaścioła

Śviataram dazvolili zajści ŭ zakryty Čyrvony kaścioł. Razruchi, pra jakuju havorać ułady, jany tam nie pabačyli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera