Znajści
Ałharytmičny łacinski varyjant
26.06.2023 / 14:503RusŁacBieł

Biełaruś admoviłasia budavać svoj port u Rasii

Biełaruś nie płanuje stvarać adziny port u Rasii paśla zakryćcia praz sankcyi dostupu da marskich partoŭ u Bałtyi, a budzie vykarystoŭvać dla ekspartu svaich hruzaŭ sietku marskich partoŭ u Rasii. Pra heta zajaviŭ «RIA Novosti» pasoł Biełarusi ŭ Rasii Dźmitryj Kruty.

Łukašenka ahladaje miesca dla budaŭnictva porta ŭ Pieciarburhu. Fota: president.gov.by

«Nasamreč ja b ciapier nie kazaŭ pra niejki adzin bazavy port dla Biełarusi. Siońnia my aktyŭna vykarystoŭvajem infrastrukturu 19 rasijskich partoŭ: ad Sankt-Pieciarburha da Kaśpija. I mnie takaja dyviersifikacyja, kali ščyra, padabajecca. Biezumoŭna, nam patrebnyja terminały dla ekspartu taho ž kaliju abo naftapraduktaŭ, jak bazavych našych hruzaŭ, ale i tut taksama jość niekalki varyjantaŭ: vykarystoŭvać party ad Sankt-Pieciarburha da Murmanska … Toje, što my siońnia nie składajem jajki ŭ adzin košyk i nie zacyklivajemsia na adnym bazavym, jak vy skazali, porcie — heta, musić, pravilnaja stratehija, i my budziem jaje padtrymlivać», — skazaŭ ambasadar.

Jon dadaŭ, što za paŭtara hoda rasijskija party całkam zamianili dla biełaruskaha ekspartu party, jakija raniej vykarystoŭvalisia ŭ Bałtyi.

Miž tym raniej nie adnojčy Łukašenka i ŭrad abmiarkoŭvali pytańnie stvareńnia biełaruskaha porta ŭ Rasii. 

Łukašenka z 2020 hoda rabiŭ hučnyja zajavy pra ŭłasnyja party Biełarusi na Bałtycy. 

U červieni 2022 hoda jon navat asabista naviedaŭ nibyta budaŭničuju placoŭku pad Sankt-Pieciarburham. 

Pavodle Łukašenki, biełaruski port stvaraŭsia ŭ pryharadzie Sankt-Pieciarburha Łamanosavie, na bierazie Finskaj zatoki. Ale praz dva miesiacy hetaje videa «Puła Piervoho» źniapraŭdziŭ svajoj zajavaj premjer Raman Hałoŭčanka. Jon zajaviŭ, što budaŭnictva, mahčyma, pačniecca da kanca 2022 hoda.

Jašče adzin terminał dla biełaruskich tavaraŭ płanavali pabudavać u porcie Murmanska, na zachodnim bierazie Kolskaj zatoki. 

U mai 2023 hoda biełaruski premjer Raman Hałoŭčanka rabiŭ ahlad mahčymych placovak dla porta ŭ Murmansku. 

«Miescy vydatnyja. U pryncypie, možna pačynać budavać. Zastałosia paru vyrašyć pytańniaŭ. […] Siońnia-zaŭtra budziem pieramovy pravodzić. Padrychtujem rašeńnie i praciahniem», — kazaŭ jon.

Čytajcie taksama:

Biełaruskija party ŭ Rasii: usio nie tak chutka abo nasamreč nikoli?

Dźmitryj Kruty skazaŭ, što ŭ Biełarusi nieŭzabavie budzie ŭłasny fłot. Prynamsi, jon u heta vieryć

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Bobr/adkazać/
26.06.2023
Pravilno. Začiem kriedity na eto tratiť. Spasitielu Rośsii za zasłuhi Kalininhrad otdielat
26.06.2023
Ty ŭžo daŭno skłaŭsia ŭ adzin košyk dakładniej - sam staŭšy tym košykam. Bo što takoje ŭvohule biełaruskaja ekanomika? Pravilna - maleńkaja častka ruskaj
1
Janka/adkazać/
26.06.2023
Spadar krutoj sprabuje zrabić dobruju minu pad čas drennaj hulni. Dyviersifikacija łahistyki ažno na 19 rasiejskich partoŭ adznačaje, što svabodnych mahutnaściaŭ u rasiejskich portach pad biełaruski kalij nie chapaje i kožnaja partyja biełaruskaha kaliju vymušana čakać svajho "akienca". vidavočna, što heta ŭskładniaje i padaražaje łahistyku. A terminał nie budujuć, bo sankcyi JEZ mohuć u luby momant paralizavać bałtyjski tranzit biełkalija praz dackija pralivy
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera