Znajści
Ałharytmičny łacinski varyjant
20.06.2023 / 23:094RusŁacBieł

Milicyja admoviłasia šukać vinavatych u vandaliźmie ŭ «viciebskich Kurapatach»

U mai hetaha hoda nieviadomyja vandały kala vioski Chajsy Viciebskaha rajona pałamali niekalki kryžoŭ, źniščyli miemaryjalnyja šyldy i pakazalniki da jamin u lesie, dzie ŭ 1930-ja hady adbyvalisia rasstreły tak zvanych «vorahaŭ naroda». Pa hetym fakcie ŭ milicyju byŭ nakiravany zvarot, ale siłaviki admovilisia reahavać na fakty vandalizmu, piša «Viciebskaja viasna».

Zvarot u milicyju nakiravaŭ pravaabaronca Pavieł Levinaŭ. Jon prasiŭ dać pravavuju acenku dziejańniam nieviadomych, jakija papsavali miemaryjał, stvorany ŭdzielnikami inicyjatyvy «Chajsy — viciebskija Kurapaty» i nieabyjakavymi hramadzianami, jakija šanujuć histaryčnuju pamiać.

Adkaz Paŭłu Levinavu byŭ karotki: maŭlaŭ, supracoŭniki milicyi praviali pravierku i nie znajšli padstaŭ dla praviadzieńnia raźbiralnictva. Inakš kažučy, Viciebski RAUS admoviŭsia raspačynać administracyjnuju abo kryminalnuju spravu pa fakcie vandalizmu ŭ «viciebskich Kurapatach».

Sioletni vypadak vandalizmu — nie pieršy ŭ historyi narodnaha miemaryjała ŭ Chajsach. U 2015-m hodzie stvaralnik inicyjatyvy Jan Dziaržaŭcaŭ užo źviartaŭsia ŭ milicyju Viciebskaha rajona z nahody źniknieńnia niekalkich kryžoŭ. Tady jon napisaŭ zajavu jak ułaśnik majomaści, jakuju skrali nieviadomyja. Była zaviedziena administracyjnaja sprava, na miesca vyjazdžali supracoŭniki milicyi, i ź ich dapamohaj navat udałosia znajści niekalki kryžoŭ, złamanych i patoplenych u bałacinie.

Adnak vinavatych nie stali šukać i tady: Janu Dziaržaŭcavu dali adkaz, što administracyjnuju spravu spyniajuć, bo jon panios niaznačny materyjalny ŭron.

Čytajcie taksama: 

U Kurapatach kamunalniki śpiłoŭvali drevy, tyja padali na kryžy

«Nie vyklučaju, što pa zahadzie miascovych uładaŭ». U «viciebskich Kurapatach» źniščyli kryžy, šyldy i ŭkazalniki da miescaŭ rasstrełaŭ

Pamiatny znak Vacłavu Łastoŭskamu ŭ Kurapatach ačyścili ad nadpisaŭ vandałaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Supovoj pakietik/adkazać/
21.06.2023
Łukašisty, vidimo, rassčityvajut žiť viečno. A v krajniem słučaje - i pośle pieriechoda v mir inoj polzovaťsia tiemi žie privilenijami, čto i siejčas. Nienavisť k etomu sortu ludiej množitsia nie po dniam, a po časam. Vpołnie vozmožno, v niedalekom buduŝiem kto-to otyhrajetsia i na ich mohiłach. Intieriesno, zadumyvałsia li kto-nibud́ iz hospod činovnikov na etu tiemu?
0
Bhagawan/adkazać/
21.06.2023
Hałounaje padčas śledstva - nie vyści na samich siabie!
0
Aleś/adkazać/
21.06.2023
Kaniešnie, navošta siabie šukać
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
1234
567891011
12131415161718
19202122232425
26272829