Znajści
Ałharytmičny łacinski varyjant
20.06.2023 / 10:307RusŁacBieł

Pravaabaroncy Naście Łojcy pryznačyli 7 hadoŭ kałonii

U Minskim haradskim sudzie skončyŭsia sud nad pravaabaroncaj Nastaj Łojkaj. Jaje abvinavačvali pavodle č. 3 art. 130 Kryminalnaha kodeksa (raspalvańnie inšaj sacyjalnaj varožaści). Praces zrabili zakrytym. Siońnia byŭ vyniesieny vyrak — 7 hadoŭ kałonii, paviedamlaje Miedyjazona.

Nasta Łojka ŭ sudzie. Fota Sb.by

Padstavaj dla kryminalnaj spravy staŭ dakład «Pieraśled anarchistaŭ, antyfašystaŭ, levych i sacyjalnych aktyvistaŭ u Biełarusi» (2017 — žnivień 2018 hoda). U im nibyta dajecca krytyčnaja acenka dziejnaści supracoŭnikaŭ milicyi. Pravaabaroncy pahražała da 12 hadoŭ kałonii. Spravu razhladała sudździa Alena Šylko, piša «Viasna».

Nasta Łojka — viadomaja pravaabaronca, jakaja zajmajecca pravami čałavieka, nadaje asablivuju ŭvahu pytańniam baraćby z dyskryminacyjaj i roŭnaści, pravam inšaziemcaŭ i asob biez hramadzianstva, niefarmalnaj adukacyi ŭ halinie pravoŭ čałavieka. Jana viadomaja ekśpiertka pa pytańniach svabody schodaŭ, pravavych miechanizmaŭ abarony pravoŭ čałavieka, manitorynhu sudovych pracesaŭ, pracy z vałanciorami, a taksama baraćby z movaj varožaści i złačynstvami na hlebie nianaviści.

Pavodle viersii abvinavačańnia, u adnym z pravaabarončych dakładaŭ ab pieraśledzie anarchisckaj supolnaści ŭ Biełarusi za 2018 hod źmiaščajecca niehatyŭnaja acenka dziejańniaŭ supracoŭnikaŭ milicyi, jakaja stała padstavaj dla zaviadzieńnia suprać jaje kryminalnaj spravy. 

Nastu niekalki razoŭ zatrymlivali pa administracyjnych spravach, davali sutki, adpuskali, ale jana pryncypova admaŭlałasia vyjazdžać. 

U kancy kastryčnika jaje zatrymali i zaviali kryminalnuju spravu.

«Na raźvitańnie [ŭ apraŭdańnie] ja chaču tabie niešta raspavieści pra dzień našaj apošniaj sustrečy, 28.10.2022. Praz 30 chvilin, jak ja vyjšła z domu ŭ 15:30, ja stajała ŭ kalidory na vulicy Revalucyjnaj, 3, šyroka rasstaviŭšy nohi i [ŭtknuŭšysia] łbom u ścianu (heta nazyvajecca «łastaŭka»). Akramia ŭdaraŭ u śpinu i huku elektrašokiera, mnie skazali, što ciabie im pryjdziecca zabić — Mikałaj Tałčkoŭ «nie chacieŭ ryzykavać svaimi ludźmi». Ale potym nibyta amapaŭcy prapanavali inšy varyjant — dać mnie 20 siekund, kab zahnać ciabie ŭ dušavy pakoj. Ja płakała i bajałasia, pa leśvicy sa mnoj išli ludzi z aŭtamatami. Pierad dźviaryma mnie pierašpilili kajdanki z-za śpiny — pierad tułavam. Ruki treślisia, kali ja adčyniała dźviery. Hłybokaje dychańnie tolki troški dapamahło, ja čakała, što ty adrazu adčuješ niebiaśpieku ŭ prysutnaści złych ludziej, ale ty vyjšaŭ u kalidor da mianie i radasna machaŭ chvastom. U kajdankach ja navat nie mahła ŭziać ciabie za ašyjnik — prosta adčyniła dźviery ŭ dušavy pakoj i stała prasić ciabie zajści tudy…» — apisvała jana zatrymańnie ŭ adnym sa svaich listoŭ da lubimaha sabaki.

Viadoma, što ŭ dvoryku Centra izalacyi pravaparušalnikaŭ Nastu pakidali biez vopratki za skarhu. 

U SIZA № 1 Nasta Łojka vučyć francuzskuju i polskuju movy, šmat čytaje. Jak i da zatrymańnia, praciahvaje jeści tolki viehanskuju ježu. Viadoma, što Nasta za kratami pakutuje ad prablem sa straŭnikam. Jana nie moža jeści toje, čym kormiać u SIZA. Davodzicca charčavacca tolki tym, što atrymlivaje z voli praź pieradačy i što možna nabyć u turemnaj kramie.

Čytajcie taksama:

Byłaja źniavolenaja raskazała pra sustreču z Nastaj Łojka i siamjoj Liviantaŭ za kratami

«Byvaj, darahi sabaka. Ty — samaje darahoje, što ŭ mianie było ŭ žyćci». Nasta Łojka napisała ščymlivy list svajmu sabaku

«Kali hetyja ludzi napisali mnie pra ŭmovy, u jakich budzie žyć Eryk, ja paškadavała, što ja nie Eryk». Što ciapier z sabakam palitźniavolenaj Nasty Łojki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Špak/adkazać/
20.06.2023
Počiemu sudy tajnyje, boišsia svojej łži?
2
Połk K/adkazać/
20.06.2023
Nielha čakać, treba zachodzić užo zaraz.
1
Andruś/adkazać/
20.06.2023
Niejkaja Alena Šylko, jakuju na pasadu sudździ pryznačyŭ i ŭ luby momant moža z hetaj pasady zvolnić asabista łukašenka - palityčny apanient Łojki (a značyć, Šylko znachodzicca ŭ stanie pracoŭnaj zaležnaści ad palityčnaha apanienta Łojki i nie mieła prava razhladać palityzavanuju kryminalnuju spravu) svaimi dziejańniami parušyła fundamientalnyja standarty pravasudździa. 
"Kožny čałaviek, dla vyznačeńnia jaho pravoŭ i abaviazkaŭ i dla ŭstanaŭleńnia abhruntavanasci pradjaŭlenaha jamu kryminalnaha abvinavačańnia, maje prava, na padstavie poŭnaj roŭnasci, na toje, kab jaho sprava była razhledžana publična i z zachavańniem usich patrabavańniaŭ spraviadlivasci niezaležnym i niepraduziatym sudom" (artykuł 10 Usieahulnaj dekłaracyi pravoŭ čałavieka). 
Alena Šylko nie źjaŭlajecca biesstarońniaju, bo zaležyć ad łukašenki. Alena Šylko pazbaviła prava na razhlad spravy Łojki publična. Pry hetym padstavy, jakuju jana pryviała ŭ abhruntavańnie zakryćcia tak zvanaha sudovaha pasiedžańnia, - "mahčmaści razhałošvańnia ekstremisckich materyjałaŭ" navat łukašyscki Kryminalna-Pracesualny kodeks nie praduhledžvaje dla zakryćcia pracesu. 
Za svaje złačyntvy Alena Šylko budzie rana ci pozna adkazvać. Jana načna maładziejšaja za łukašenku, a tamu zmoža dačakacca źmieny ŭłady ŭ Biełarusi. Škada tolki jaje rodzičaŭ i, kali jość, dziaciej - bo hańba budzie pieraśledavać jašče nie adno pakaleńnie jaje naščadkaŭ. 
Zakrytaść sudovaha pasiadžeńnia paćviardžaje sfabrykavanaść abvinavačvańniaŭ i adsutnaść dokazaŭ viny Nasty Łojki, jakija možna było b pradjavić hramadskaści. Adpaviedna, Šylko jašče, vielmi imavierna budzie adkazvać i za vyniasieńnie niepravasudnaha prysudu. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031