Coca-Cola kuplaje vytvorcu harełki Finlandia
Jeŭrapiejski partnior amierykanskaj Coca-Cola Co. kupiŭ kampaniju Brown-Forman Finland, jakaja vałodaje brendam Finlandia. Košt uhody aceńvajecca ŭ $220 młn, jak paviedamlaje Office Life.
Fota: Mark Lennihan / AP
Zaviaršeńnie ŭhody čakajecca ŭ druhim paŭhodździ. Jak adznačajuć u Coca-Cola HBC, hetaja kupla dazvolić kampanii pašyryć biznes pa raźlivie premijalnych ałkaholnych napojaŭ.
Finlandia bolš za 17 hadoŭ pradavałasia ŭ tym liku praz dystrybjutarskuju sietku Coca-Cola. Tamu ŭ hetym biznesie vytvorcu haziroŭki ŭsio bolš-mienš zrazumieła.
Na fonie naviny ab uhodzie akcyi Coca-Cola HBC na tarhach u paniadziełak u Łondanie i Afinach tańniejuć na 1,2 i 2,1%, a papiery Brown-Forman, naadvarot, daražejuć na 0,8%.
Prodažy biełaruskaj «dački» Coca-Cola «Koka-Koła Bieŭrydžyz Biełaruś» — u 2022 hodzie vyraśli na 6%.
Čytajcie taksama:
Niamiecki brend vynajšaŭ hadžet dla lanivych: da ciubika z sousam prykrucili videlec
Mark Formelle źbirajecca adkryć jašče 40 kram u Rasii
Brytanski Vogue upieršyniu vypuściŭ numar, nadrukavany šryftam Brajla
