Znajści
Ałharytmičny łacinski varyjant
17.06.2023 / 23:4813RusŁacBieł

«My pazažyralisia». Što havorać biełaruskija dalnabojniki pra kankurencyju z azijatami

Apošnim časam u krainach ES źjaviłasia tendencyja najmać kiroŭcaŭ-dalnabojnikaŭ z dalokaj Azii. Naprykład, ź Indyi. Viadoma, što Indyja — kraina z amal paŭtara miljarda nasielnictva. Što nakont hetaha dumajuć našy kiroŭcy, ci nie paciaśniać ich u krainach Jeŭrasajuza azijackija kalehi? Raźbiraŭsia «Hancavicki čas».

 

Kiroŭca-azijat na jeŭrapiejskim parkinhu

U červieni 2023 hoda indyjskaja presa paviedamlała, što ŭ hetaj krainie nabirali kiroŭcaŭ dla pracy ŭ Vienhryi. Im abiacali zarobak ad 1125 da 1687 jeŭra. Pavodle adkrytych krynic, siaredni zarobak u Indyi składaŭ da 400 dalaraŭ u miesiac, tamu, viadoma, prapanova dla indyjskich kiroŭcaŭ zdajecca pryvabnaj. Ci nie bajacca ŭ suviazi z hetym biełaruskija kiroŭcy kankurencyi?

«My pazažyralisia»

Dalnabojnik Alaksandr raskazaŭ, što bačyŭ na pracy ŭ Jeŭropie navat kaleh ź Filipin. Jon raspavioŭ, jakija plusy dla pracadaŭcaŭ u takich kiroŭcaŭ.

«Ja pracavaŭ z uźbiekami, jany tut bolš časta. A ŭ adnoj firmie byŭ navat ź filipincami. U čym zacikaŭlenaść? Nu, viadoma, u mienšaj apłacie pracy. My tut bližej da ES, «pazažyralisia». Chočam 85—100 jeŭra ŭ sutki. Azijaty ž pracujuć za 50—60 jeŭra, a to i mienš.

A dla pracadaŭcy jość plusy. Tyja ž samyja indyjcy abo filipincy na anhlijskaj movie razmaŭlajuć svabodna. A my anhlijskaj praktyčna nie viedajem. Vaźmi 100 biełarusaŭ abo 100 ukraincaŭ, nu piać čałaviek ź ich buduć viedać anhlijskuju movu. A vaźmi 100 filipincaŭ — ź ich piać tolki nie buduć viedać anhlijskuju.

Pryjazdžajuć, pracujuć narmalna. Ja asabliva nie mieŭ kantaktaŭ, jany bolš sa svaimi ziemlakami majuć znosiny».

Spytalisia, ci nie baicca Alaksandr kankurencyi:

«Mnie zdajecca, jany mocnaj kankurencyi nam nie składuć. Usio ž taki Jeŭropa jość Jeŭropa, dla nas heta bolš zvykła, čym dla ich. A dla ich heta inšaja cyvilizacyja. Ja dumaju, jany doŭha zatrymlivacca nie buduć: pryjechali, zarabili hrošaj i źjechali. Asnovu buduć składać palaki, litoŭcy, łatyšy, ukraincy, biełarusy», — upeŭnieny Alaksandr.

«Kankuravać treba pa prafiesijnych jakaściach»

Kiroŭca Siarhiej — ź Biełarusi. Doŭha pracavaŭ «na kruhach» (na maršrutach ES — Rasija — Kazachstan). Ciapier, u siłu situacyi, jakaja skłałasia, pracuje ŭ litoŭskaj firmie.

Jon ličyć, što nie treba raspaŭsiudžvać mify pra kaleh z Azii. I kali kiroŭca budzie prafiesijanałam, to nie maje značeńnia, ź jakoj jon krainy, pracu znojdzie.

«Asabista ja liču, što ŭsio heta hreblivaje staŭleńnie i mify pra ich — heta nie što inšaje, jak adsutnaść razumieńnia kankurentnych pieravah. Našy kiroŭcy ničym nie lepšyja i nie horšyja za kiroŭcaŭ z Azii i Afryki. A ź pieravah tolki miesca pražyvańnia, jakoje bližej da Jeŭropy.

Ja liču, što kankuravać treba nie pa nacyjanalnaści i miescy pastajannaha pražyvańnia, a pa prafiesijnych jakaściach. Takich, jak viedańnie normaŭ i praviłaŭ pieravozki hruzaŭ, zamiežnych moŭ i ŭsiaho astatniaha, što źviazana z prafiesijaj».

«Jany taksama chočuć lepšaj doli»

U čacie dalnabojnikaŭ pa Jeŭropie vykazaŭsia kiroŭca Arciom:

«Jany taksama chočuć lepšaj doli. Plus na anhlijskaj narmalna razmaŭlajuć. Z adnym mieŭ znosiny na parkinhu ŭ Hałandyi, były lekar-fizijaterapieŭt. Stereatypny indyjec z turbanam, jon kaža, što ad pracy kiroŭcam nierealna kajfuje.

Ja ŭpeŭnieny, što kali b biełarusam adkryli miažu całkam, bieź lišniaj ciahaniny ź vizami, našych vadził było b praz adnaho», — kaža Arciom.

Ci budzie kankurencyja ź indyjcami?

Na hetaje pytańnie lepš, napeŭna, adkazać niekatorymi ličbami. U Indyi dalnabojnik zarablaje ŭ miesiac kala 35 tysiač rupij — heta mienš za 400 dalaraŭ. U ES jon moža zarablać u try-čatyry razy bolš. Ale heta bolš za šeść tysiač kiłamietraŭ ad domu.

Indyjskija kiroŭcy ŭžo pracujuć u takich bujnych jeŭrapiejskich kampanijach, jak Girteka, Waberer's i inšych. U Indyi niama niedachopu pracy dla kiroŭcaŭ. I navat naadvarot: na 100 hruzavikoŭ prypadaje tolki 70 kiroŭcaŭ. Heta značyć, u Indyi deficyt kiroŭcaŭ.

U takich umovach časta maje značeńnie psichałahičny faktar: praściej pracavać doma, bližej da siamji, choć i budzieš mieć mienšy zarobak. U Indyi kiroŭca biez pracy nie zastaniecca.

Biełaruskich i ŭkrainskich dalnabojnikaŭ u ES usio bolš

Pavodle statystyki, u 2022 hodzie ŭ Polščy było vydadziena 36 649 paśviedčańniaŭ kiroŭcy dla asob ź Biełarusi, a taksama 59 108 — dla asob z Ukrainy. Heta značyć, što na adzin atestat biełarusa prypadała 1,6 atestata ŭkrainca.

Prytok biełaruskich kiroŭcaŭ značna paskoryŭsia. Dla paraŭnańnia, u 2021 hodzie na adzin atestat ź Biełarusi prypadała 2,7 — z Ukrainy (suadnosiny 60 960 da 22 378). U 2020 hodzie roźnica była jašče bolš prykmietnaj, bo na adnu «čyrvonuju papieru» biełarusa prypadała cełych 3,2 ukrainca (suadnosiny 48 858 da 15 307).

Čytajcie taksama:

«Za pustuju kvateru zapłaciŭ pad 190 rubloŭ, nie pracavaŭ navat chaładzilnik». Biełaruskija dalnabojščyki ŭ šoku ad svaich žyrovak

Paśla 16 maja biełaruskija strachavyja kampanii pierastanuć vypisvać «Zialonyja karty». Jak budziem vyjazdžać paśla?

Polšča dabivajecca, kab u novy sankcyjny pakiet ES uklučyli zabaronu na rehistracyju transpartnych firmaŭ ź Biełarusi i Rasii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
21
Панылы сорам
9
Ха-ха
4
Ого
10
Сумна
4
Абуральна
10
1
Dalnoboj/adkazać/
18.06.2023
Ajtišnik, a hdie vy pročli choť słovo ot mienia protiv učioby i samoraźvitija. Vam hovoriat čto zarpłata ukazannaja javlajetsia narušienijem Jevropiejskich zakonov o trudie voditielej dalnobojŝikov. Nazvanije staťji "Pozažiraliś" kakim bokom k vašim tołdyčinijam o učiobie........ Ili u vas inohda nie do zakonov? Tohda i siditie v svojej stranie.
0
Ajtišnik/adkazać/
18.06.2023
Dalnoboj, tak vy naviernoje staťju płocho pročitali, słovo «pozažiraliś» v staťje kak raz i prozvučało v tom kontiekstie, čto sriedi 100 dalnobojŝikov iz Biełarusi, tolko 5% budiet boleje mienieje vładieť anhlijskim. V to vriemia kak bolšinstvo vychodciev iz Azii znajut jeho na chorošiem urovnie. Pričiem biełarusy chotiat i 100 jevro połučať, no pri etom ničieho nie hotovy radi etoho diełať, nie mohut dažie elemientarno anhlijskij vyučiť chotia by do urovnia, kotoryj nieobchodim dla vypołnienija raboty. Vy koniečno možietie i dalšie pitať illuzii, čto takaja situacija s niechvatkoj voditielej budiet prodołžaťsia viečno, čto možno zariažať 100. No povieŕtie, biźnies najdiet kak eto riešiť zakonnym putiem. Svobodnyj rynok i konkuriencija sdiełajut svoje dieło. Poetomu nie nužno zdieś kidaťsia jarłykami v stile miestnych nieadiekvatov pro «nie do zakonov». V svoje vriemia krupnyje passažirskije avia kompanii tožie tak dumali, poka nie pojaviłaś biźnies modiel s łoukostierami. I tohda mnohije, kak i vy siejčas, proročili im bankrotstvo. No siejčas s nimi vynuždieny sčitaťsia, boleje toho, bolšinstvo avia hihantov zapustili svoi łoukost linii.
0
Fiedzia/adkazać/
20.06.2023
Počitał staťju, srazu vidno čto ona levaja, napisana čiełoviekom, kotoryj połnosťju nie v tiemie, napisana połnaja čuš!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930