Znajści
Ałharytmičny łacinski varyjant
15.06.2023 / 09:168RusŁacBieł

Hienierał Biełakonieŭ raskazaŭ pra krainu ź impierskimi ambicyjami, jakaja choča zachapić Biełaruś. I heta nie Rasija

Były načalnik Hienieralnaha štaba Uzbrojenych sił Biełarusi, a ciapier staršynia Pastajannaj kamisii pa nacyjanalnaj biaśpiecy Pałaty pradstaŭnikoŭ Nacyjanalnaha schodu Aleh Biełakonieŭ raskazaŭ, čaho bajacca ŭłady, i prapanavaŭ stvaryć svaje «siły salidarnaści».

Aleh Biełakonieŭ. Skrynšot videa BT

«Jany nie mohuć supakoicca»

Biełakonieŭ prakamientavaŭ na telekanale «Biełaruś 1» zajavu eks-ministra nacyjanalnaj abarony Polščy Skšypčaka pra toje, što Polšča maje padtrymać «vojski, jakija buduć vieści apieracyju suprać Łukašenki». Były vajskoviec vykazaŭ mierkavańnie, što

«ciapier u apazicyi zastaŭsia adziny sposab — płan «Pieramoha», jaki praduhledžvaje ŭzbrojeny pieravarot i siłavoje źviaržeńnie ŭłady. Druhoha varyjanta ŭžo niama. Jany pasprabavali ŭžo ŭsio».

Na dumku deputata, «Polšča, jakuju skiroŭvajuć Złučanyja Štaty, ciapier sprabuje zaniać centralnaje miesca ŭ Jeŭropie».

«Impierskija ambicyi ich pierapaŭniajuć. Heta datyčyć jak Ukrainy, tak i zachodnich terytoryj Respubliki Biełaruś. Biełaruś nie vystaŭlaje terytaryjalnych pretenzijaŭ nikomu. A jany nie mohuć supakoicca. Jany chočuć tolki terytoryju i taho, kab biełaruski narod pieratvaryŭsia ŭ nasielnictva hetaj terytoryi.

Toje, što jany sprabavali zrabić u 2020 hodzie i ad čaho jany nie adychodziać ciapier, padtrymlivajučy terarystyčnyja arhanizacyi, jakija stvaryła spadarynia Cichanoŭskaja», — prypisaŭ deputat rasijskija ambicyi Polščy.

Były vajskovy vykazaŭ prapanovy:

«Kali Jeŭropa tak baicca Rasijskuju Fiederacyju, to davajcie stvorym svaje jeŭrapiejskija «siły salidarnaści» i ŭklučym tudy Zachodniuju vajennuju akruhu Rasijskaj Fiederacyi, Biełaruś i Ukrainu.

Tady nichto nie budzie ni z kim vajavać. Usio budzie spakojna».

Biełakonieŭ zhadaŭ, što tam, dzie niekali stajali savieckija vojski ŭ krainach Jeŭropy, ciapier stajać vojski NATA.

«Jany mohuć rabić usio, što zachočuć. Mohuć pavialičvać kolkaść, stvarać bazu za bazaju, ale toje, što tyčycca stasunkaŭ Rasii i Biełarusi, to havorać ab tym, što idzie akupacyi Biełarusi», — adznačyŭ deputat.

«Harantavać abaronienaść ad prylotaŭ bieśpiłotnikaŭ ja nie mahu»

Biełakonieŭ razvažaje, što sposaby viadzieńnia vojnaŭ źmianilisia. «Sa zjaŭleńniem bieśpiłotnaj avijacyi ich stała składana zasiakać srodkami raźviedki i stancyjami supraćpavietranaj abarony. Takija pryloty mohuć być i ŭ Biełarusi. Bo dalnaść bieśpiłotnych latalnych aparataŭ moža składać i tysiaču, i dźvie tysiačy kiłamietraŭ».

Na pohlad deputata i byłoha vajskovaha, ni adna dziaržava nie moža skazać, što jana na siońnia ad hetaha abaronienaja.

«Jość srodki radyjoelektronnaj baraćby. Ale skazać, što my harantavana abaronienyja ad takich prylotaŭ, ja na siabie takuju adkaznaść uziać nie mahu»,

— zajaviŭ Biełakonieŭ.

«Nas prosta nienavidziać tolki tamu, što my razam z Rasijaj», — vykazaŭsia jon.

Čytajcie jašče:

Ledź nie zahubiŭ karjeru praz praparščyka, što skraŭ tank. Chto taki hienierał Biełakonieŭ, jaki prapanavaŭ dziejničać mietadami viermachta

Apublikavany prajekt zakona pra narodnaje apałčeńnie. Raskazvajem, što ŭ im

Minabarony Biełarusi vydzieliła rekordnyja 3,1 młn rubloŭ na zakup bieśpiłotnikaŭ «Supierkam». Takija ž madeli Rasieja vykarystoŭvała va Ukrainie

«Hipierbałoid inžyniera Haryna». Biełaruś i Rasija anansavali, što stvarajuć «vielmi mahutnuju» łaziernuju zbroju suprać bieśpiłotnikaŭ 

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
11
Ха-ха
19
Ого
1
Сумна
2
Абуральна
29
1
Mar/adkazać/
15.06.2023
Chorošo ustroiłsia etot russkij tovariŝ. Prijechał v Biełaruś iz Rośsii, jemu obieśpiečili kaŕjeru, a tiepieŕ on sčitajet našu stranu svojej i imiejet nahłosť vieŝať ot imieni biełarusov o poddieržkie Rośsii. Da on ni s odnim biełarusom blizko nie obŝajetsia, v jeho okružienii vsie takije žie ponajechavšije.
Iz vsiech narodov tolko russkije imiejut nahłosť sčitať svojej lubuju stranu, kuda ich volej słučaja zaniesło i hdie oni prižiliś.
1
Miefodzij/adkazać/
15.06.2023
Vas nienavidziać, bo vy złačyncy
1
Vikipiedyja/adkazać/
15.06.2023
Oleh Aleksiejevič Biełokoniev (rod. 15 maja 1965, s. Barabaš, Chasanskij rajon, Primorskij kraj, RSFSR, SSSR

Rodiłsia 15 maja 1965 hoda v siele Barabaš Chasanskoho rajona Primorskoho kraja. V Vooružionnych siłach SSSR s 1983 hoda.V 1987 hodu s otličijem okončił Omskoje vysšieje obŝievojskovoje komandnoje učiliŝie imieni M. V. Frunzie 

Jak i zaŭsiedy, bolšaja častka łukašystaŭ - pryjechali z ŭschodu. Ničoha pra našuju historyju nie viedajuć, ale ličać što majuć prava vykazvać svaje kaštoŭnaje mierkavańnie pra toje, jak nam žyć
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930