Znajści
Ałharytmičny łacinski varyjant
02.06.2023 / 17:074RusŁacBieł

«Uziali staryja tablicy CT». Jak pieraličyli bały na CE, choć heta i zabaroniena zakanadaŭstvam

RIKV siońnia pieraličyŭ vyniki centralizavanaha ekzamienu, jak śćviardžajecca, pa novaj raspracavanaj mietodycy (choć raniej u Minadukacyi zajaŭlali, što pa zakonie vyniki pieraličyć nielha, tamu ničoha mianiacca nie budzie). Pry hetym novaja mietodyka, zdajecca, zaklučajecca ŭ pavieličeńni pieršaha vyniku na 10-15 bałaŭ i supadaje ź mietadam padliku na RT. «Lusterka» daviedałasia detali ŭ vypusknikoŭ.

Fota: «Minskaja praŭda»

Vypusknica minskaj škoły Vieranika (hetaje i nastupnyja imiony źmienienyja — Red.) zdavała CE pa biełaruskaj movie. Pieršapačatkova jana atrymała 78 bałaŭ, dapuściŭšy dźvie pamyłki, a siońnia ŭbačyła ŭ asabistym kabiniecie zapavietnyja 90. Praz tydzień vyniki ekzamienu pieraličyli pa toj ža sistemie, jakaja była na RT. «Jak i pavinna być!» — ščaśliva kamientuje dziaŭčyna.

Hetak ža źmianiŭsia bał Ivana z Bresta: za adnu pamyłku i dva niapoŭnyja adkazy ŭ teście pa biełaruskaj movie jon pieršapačatkova atrymaŭ 78 bałaŭ, jakija siońnia pieratvarylisia ŭ 90.

A voś u adzinaccacikłaśnicy ź Viciebska Iryny vynik vyras na 10: zamiest pieršapačatkovych 86 bałaŭ za CE pa ruskaj u sistemie ciapier 96. U Jarasłava z Rečycy anałahičny plus: ciapier u jaho 92 bały za ekzamien pa ruskaj movie.

Jašče adna čytačka, Hanna ź Viciebska, vyjaviła dadatkovyja 14 bałaŭ da svajho vyniku: zamiest 75 pa ruskaj movie ŭ jaje 89 bałaŭ. «Na što ja i raźličvała», — dadaje dziaŭčyna i adznačaje, što sistema padliku sychodzicca z toj, jakuju ŭžyvali na RT.

Ź joj zhodny i Viktar ź Minska, u jakoha vynik ekzamienu pa ruskaj źmianiŭsia z 63 da 75: «Novaja mietodyka raźliku» — heta prosta staryja tablicy CT».

Dla syna Aleny ź Minska pieralik paŭpłyvaje i na hadavuju adznaku pa biełaruskaj u atestacie: z 44 bałaŭ vynik pavialičyŭsia da 56, a za hod zamiest 7 budzie 8. Sama žančyna pracuje nastaŭnicaj i taksama ŭpeŭnienaja: toje, što RIKV nazvaŭ novaj sistemaj, — heta prosta tablica pieravodu bałaŭ na RT sioleta.

Vyniki CE pa ruskaj i biełaruskaj movach školniki atrymali ŭ paniadziełak, 29 maja. Ubačanaje aburyła mnohich: bały paličyli pa novaj sistemie, i ŭ vyniku cana pamyłki dla tych, chto dapuściŭ usiaho adnu, była značna vyšejšaj, čym dla tych, chto daŭ šmat niapravilnych adkazaŭ. U toj ža dzień RIKV zajaviŭ, što vyniki słušnyja i nijakaha pieraliku nie budzie.

Praŭda, paśla taho jak skandał pryciahnuŭ uvahu Łukašenki i toj daručyŭ pieraličyć vyniki, pastanova RIKV źmianiłasia, niahledziačy na zabaronu ŭ zakanadaŭstvie.

Čytajcie taksama:

Pieršy CE pieraličać pa novaj mietodycy. Vyniki možna budzie daznacca ŭžo siońnia

«U mianie ŭ hałavie nie ŭkładvajecca». Što vypuskniki i ich baćki źbirajucca rabić z vynikami centralizavanaha ekzamienu?

Jak padličvajuć bały na centralizavanym ekzamienie i čamu heta schiema vyklikała abureńnie

Baćki zadali čynoŭnikam svaje pytańni pra centralizavany ekzamien. Voś što im patłumačyli pra pieralik bałaŭ

Minadukacyi: Adznaki na CE pierahladu nie padlahajuć. Apielacyju padać nielha

U skandał z centralizavanym ekzamienam svaje piać kapiejek ustaviŭ Łukašenka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Pravdorub /adkazać/
02.06.2023
Pietia, tut nie v bałłach dieło! Tut, Pietia iz rikz, dieło v tom, čto hosstruktury (rikz) očieriednoj raz pokazali, čto tam rabotajut niekompietientnyje, niehramotnyje, čvanlivyje ludiški! Vsiech pohanoj mietłoj i scanymi triapkami obratno v kołchoz!...
2
Pietie/adkazać/
02.06.2023
Pietia, vsie tak, odna popravočka - "imbieciłov".
0
Ruda/adkazać/
03.06.2023
Pietia, problema była v tom, čto mieždu lud́mi, nabravšimi 100 bałłov, i lud́mi, sdiełavšimi nieznačitielnyje ošibki, była v 25 bałłov! Siejčas ludi chotia by mohut konkurirovať s tysiačiej stobałlnikov, kotoryje pojaviliś nie tolko ot oblehčienija tiesta, no i ot massovoho śpisyvanija v dierievniach!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera