Hreka-katalickamu śviataru Alaksandru Šaŭcovu dadali 30 sutak aryštu
Budsłaŭskija ŭračystaści jon praviadzie za kratami.
Alaksandr Šaŭcoŭ
Siońnia sud u Połacku asudziŭ Alaksandra Šaŭcova pavodle novych artykułaŭ KaAP. Da papiaredniaha prysudu dadali 30 sutak, u vyniku śviatar praviadzie za kratami 45 dzion. Heta aznačaje, što Šaŭcoŭ budzie vyzvaleny 8-ha lipienia, praz tydzień paśla Budsłaŭskaha festu, piša «Chryścijanskaja vizija».
Były nuncyj Apostalskaj Stalicy ŭ Biełarusi, arcybiskup Kłaŭdya Hudžeroćci prybudzie na sioletnija ŭračystaści ŭ Budsłaŭ u jakaści papskaha lehata (admysłovaha pasłańnika). Takim čynam, padčas jaho vizitu hreka-katalicki śviatar budzie znachodzicca ŭ turmie.
Tydzień tamu pačaŭsia vitok represij suprać biełaruskich śviataroŭ. Siarod zatrymanych unijacki śviatar Aleś Šaŭcoŭ, ksiondz Andrej Kulik ź Mioraŭ i ksiondz Viačasłaŭ Adamovič ź Miorskaha rajona, a taksama sieminaryst Uładzisłaŭ Bieładzied.
