Znajści
Ałharytmičny łacinski varyjant
31.05.2023 / 19:332RusŁacBieł

«Nieviadomyja biełaruskija teksty z atačeńnia Kalinoŭskaha 1863 hoda». Biełaruski moładzievy chab zaprašaje na «Kavu z historykam»

2 červienia, u piatnicu, Biełaruski moładzievy chab u Varšavie zaprašaje na čarhovuju «kavu z historykam». Hetym razam Aleś Smalančuk budzie prezientavać vypusk redahavanaha im almanacha Homo Historicus za 2023 hod, a asabliva spynicca na nieviadomych biełaruskich tekstach z atačeńnia Kalinoŭskaha 1863 hoda.

Reč u tym, što sioletni štohodnik akurat raspačynajecca artykułam pra raniej nieviadomyja biełaruskamoŭnyja teksty, jakija stvaralisia ŭ atačeńni Kastusia Kalinoŭskaha.

Dakumienty h. zv. Biernardzinskaj kalekcyi dazvalajuć pahłybicca ŭ prablemu «Kalinoŭski i biełaruskaja nacyjanalnaja ideja» i adkryvajuć novyja staronki ŭ historyi paŭstańnia 1863 hoda.

Nasamreč jano było vajnoj, centralnym elemientam jakoj stała paniaćcie svabody.

I daśledčykam varta jašče raz zadumacca nad pytańniem, za jakuju svabodu zmahalisia paŭstancy? Sacyjalnaje ci nacyjanalnaje było jaje sensam?

Inšy bok hetaj prablemy — taja niesvaboda, jakuju pryniesła na štykach Rasijskaja Impieryja. Jakija ślady jana pakinuła ŭ našaj historyi?

I, kaniešnie, zaŭsiodnaje «praklataje pytańnie» pra košt sproby vyrvacca z-za krataŭ źniavolvańnia.

Sustreča adbudziecca ŭ piatnicu, 2 červienia, u 18:30 pa adrasie: Varšava, płošča Kanstytucyi, 6 (pl. Konstytucji 6).

A dla tych, chto nie zmoža dałučycca da imprezy niepasredna ŭ Biełaruskim moładzievym chabie, budzie ładzicca tranślacyja na Youtube.

Hladzicie taksama:

«Biełaruś 2020. Vajna ściahoŭ i palityčnych łozunhaŭ». Biełaruski moładzievy chab zaprašaje na «Kavu z historykam»

«Ci byli ŭ biełarusaŭ lehiendy pra niabiesnych žycharoŭ?» Biełaruski moładzievy chab zaprašaje na «kavu z historykam»

«Jak zdabyć zamak». Biełaruski moładzievy chab zaprašaje na «kavu z historykam»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
mikola/adkazać/
31.05.2023
A blizei mesca sustreczy ne znaisli ? Damovilisja b adrazu sustrecca u Ameryke ! Udaczy !
0
Prafiesar Preabraženski/adkazać/
01.06.2023
Škaduju, što sustreča nia ŭ Biełarusi. Ja vyjechać nie mahu.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera