Znajści
Ałharytmičny łacinski varyjant
02.06.2023 / 23:241RusŁacBieł

Hetyja dźvie raśliny — najlepšyja ačyščalniki pavietra

Mažliva, jany nie vielmi papularnyja ŭ jakaści chatnich raślin, ale ich patencyjał sapraŭdy ŭražvaje.

Vyjava: vecteezy

Adna z hałoŭnych pieravah vałodańnia pakajovaj raślinaj — heta naturalnaja sistema filtracyi pavietra. Tym nie mienš treba razumieć, što kolki b raślin nie było ŭ vašaj chacie, vielmi istotnaha ŭpłyvu na jakaść pavietra i źnižeńnie kancentracyi SO2 jany nie akažuć.

U suviazi z hetym usio bolš startapaŭ u zachodnich krainach źviartaje svaju ŭvahu na fotaaŭtatrofy — arhanizmy, jakija nie majuć karanioŭ, ale vyciahvajuć pažyŭnyja rečyvy z navakolnaha asiarodździa. Da takich adnosiacca moch i bahavińnie (ci vodaraści). 

Moch pryciahvaje siońnia vialikuju ŭvahu ekołahaŭ. U toj čas jak pasadka dreŭ siońnia — heta davoli papularnaje rašeńnie prablemy zabrudžanaha pavietra, siaredniaje darosłaje dreva moža pahłynać tolki kala 22 kh vuhlakisłaha hazu ŭ hod. Miž tym moch tak dobra pieraŭtvaraje SO2 u kisłarod, što mochavy hazon siaredniaha pamieru, pa padlikach The Oxygen Project, moh by pahłynać stolki vuhlakisłaha hazu, kolki 275 darosłych drevaŭ. 

Tamu ŭžo siońnia na rynku źjaŭlajucca prapanovy ścien z žyvoha mochu dla čyściejšaha haradskoha pavietra, a kampanii robiać ačyščalniki pavietra z kansiervavanaha mochu i inšych naturalnych pavietranych filtraŭ, naprykład, kakosavaha vałakna.

Techničnyja prablemy

Moch i bahavińnie lepš za ŭsio rastuć u naturalnym asiarodździ. Na adkrytym pavietry moch moža dobra raści ŭ cieni, ale ŭ domie jamu patrabujecca bolš śviatła i padtrymańnie patrebnaj tempieratury, kab praduchilić zahnivańnie. Zachavać žyvy moch u pamiaškańni abo na vulicy bolš za niekalki dzion — nie samaja prostaja zadača. Tamu bolšaść siońniašnich efiektyŭnych pavietranych filtraŭ z mochu hruvastkija i patrabujuć šmat palivu i elektryčnaści.

Siońnia, kali vy bačycie ŭ domie moch, to čaściej za ŭsio jon vysušany abo zakansiervavany. I choć vyhladaje heta davoli stylova i pryjemna, ale amal usie ścieny z mochu, apracavanyja chimikatami i afarbavanyja ŭ roznyja kolery, u vyniku nie zdolnyja pahłynać stolki ž SO2, jak zdarovy žyvy arhanizm (choć, jak ni dziŭna, kansiervavany moch usio jašče moža filtravać pavietra). Praź niekatory čas taki moch łuščycca, bladnieje i patrabuje absłuhoŭvańnia abo zamieny.

Jakija varyjanty isnujuć užo siońnia

Na hety momant adna z samych papularnych kampanij pa vytvorčaści mochavych ačyščalnikaŭ pavietra na rynku, badaj, Briiv, raspaviadaje Inverse. U jaje praduktach vykarystoŭvajecca 100-adsotkavy bijaraskładalny kansiervavany moch, jaki paddajecca kampastavańniu. Jak śćviardžajecca na sajcie kampanii, u jaje ačyščalnikach vykarystoŭvajecca 90 % pryrodnych i adnaŭlalnych materyjałaŭ, a adna pryłada zabiaśpiečvaje vypracoŭku takoj ža kolkaści kisłarodu, jakuju zabiaśpiečvali b 3043 pakajovyja raśliny siaredniaha pamieru.

Ačyščalnik pavietra Briiv / Vyjava: Briiv

Pradukcyja kampanii Moss Pure, naadvarot, zroblenaja z žyvoha mochu i nie patrabuje palivu, soniečnaha śviatła abo dadatkovaha dohladu. Pa słovach kampanii, pradukty Moss Pure byli pratestavanyja na ačystku pavietra siertyfikavanaj łabaratoryjaj u ZŠA, i vyniki pakazali, što za dźvie chviliny ačyščalnik Moss Pure ačyściŭ pavietra ad 30 adsotkaŭ vuhlakisłaha hazu, a taksama ad pyłu, alerhienaŭ i virusaŭ. Patent na technałohiju brenda zaraz razhladajecca.

Pradukcyja kampanii Moss Pure / Vyjava: Moss Pure

Bahavińnie vyrablaje 60 % usiaho kisłarodu na płaniecie; šmatlikija kampanii ŭžo vyroščvajuć vodaraści dla ŭłoŭlivańnia vuhlarodu. Naprykład, u amierykanskaj kampanii AlgenAir stvaryli pieršy i pakul adziny spažyviecki pradukt na rynku (pad ramantyčnaj nazvaj Aerium) z vykarystańniem bahavińnia dla źnižeńnia ŭzroŭniu SO2 u pamiaškańni. 

Aerium pracuje, zapampoŭvajučy pavietra ŭ šklany kantejnier, napoŭnieny miljardami drobnaha mikrabahavińnia. Śviatłodyjodny padśviet pryłady zabiaśpiečvaje bieśpierapynny fotasintez. Dziakujučy pompie, unutry padtrymlivajecca cyrkulacyja vady i bahavińnie patrymlivajecca žyvym i ruchomym. Paśla taho, jak vodaraści skončać svoj žyćciovy cykł, źmieściva Aerium možna vylić u vazony ŭ jakaści ŭhnajeńnia.

Ačyščalnik pavietra Aerium / Vyjava: AlgenAir

Kampanija śćviardžaje, što Aerium maje takuju ​​ž fotasintetyčnuju zdolnaść, jak i 25 pakajovych raślin, ale kampanija na hetym spyniacca nie źbirajecca i ŭžo prezientavała pratatyp ustanoŭki mahutnaściu bolš za 5000 raślin.

Kali ekałohija čamuści vučyć nas, kažuć u kampanii, dyk heta tamu, što samyja maleńkija adnakletačnyja arhanizmy mohuć upłyvać na zdaroŭje samych składanych formaŭ žyćcia, u tym liku i nas. Kampanija maje ambitnyja płany, jakija praduhledžvajuć dalejšaje ŭklučeńnie mikrabahavińnia ŭ architekturu, vykarystańnie jaho ŭ jakaści bijapaliva abo sadovaha ŭhnajeńnia, a ŭ pierśpiektyvie navat i dla vyrašeńnia hłabalnych charčovych prablem.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
68
Панылы сорам
5
Ха-ха
6
Ого
13
Сумна
4
Абуральна
10
0
Matvey/adkazać/
03.06.2023
Kaliś Niamieččyna prapanavała vialikija hrošy kab adnavić bałoty ŭ Biełarusi. Bałoty jak i moch ličylisia lohkimi Jeŭropy, u dadatak abaraniali lasy ad zasuchi. Mahčyma siońnia byŭ by inšy ekałahičny koler Biełarusi, kudy lepšy adnavi ŭ svoj čas častku bałotaŭ. Łukašyzm vialikaja strata času ŭ tym liku pa pytańniam ekałohii i zdaroŭja jak dla Biełarusi tak i Jeŭropy navohuł.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930