Rasijanin sprabavaŭ prarvacca praź miažu ŭ bok Biełarusi. Jon vyvoziŭ dziaciej, jakim zabaroniena pakidać Šviecyju
Jak paviedamlaje kanał «MotolkoPomohi» sa spasyłkaj na čaty, siońnia kala 8:30 čorny BMW Ch5, za rulom jakoha, papiarednie, byŭ hramadzianin RF z Čačni, sprabavaŭ prarvacca praź miažu z Polščy ŭ Biełaruś. Jon prataraniŭ polski šłahbaum, ale prabiŭ koły na siaredzinie mosta na pamiežnym pierachodzie Ciarespal — Brest.
Ludzi ŭ čatach pišuć, što na siaredzinie mosta nad Buham rasiejca złavili, u aŭto prabita minimum adno koła, na miesca pryjechali polskija pamiežniki i nadzieli na kiroŭcu kajdanki.
Taksama paviedamlajecca, što ŭ aŭto ź im była žonka z tryma dziećmi, jany pierabiehli ŭ Biełaruś.
Pa infarmacyi RMF FM, dvum dzieciam, jakich viezła rasijskaja para, zabaroniena pakidać Šviecyju, u ich šviedskija pašparty.
Paśla sproby praryvu ruch z Polščy ŭ Biełaruś na hetym pierachodzie byŭ spynieny. Z boku Biełarusi časova pierakryvali ruch, častku mašyn vypuścili, astatnija stajać.
Aficyjnaj infarmacyi pakul nie było.
Čytajcie taksama:
Polšča zakryvaje miažu dla pryčepaŭ ź biełaruskimi i rasijskimi numarami
Litva admianiaje abaviazkovyja dazvoły na ŭjezd u pamiežnuju zonu ź Biełaruśsiu i Rasijaj
Homielski abłvykankam zabaraniŭ raźvivać ahraekaturyzm na Sažy i Dniapry pobač z Ukrainaj
