Viarchoŭnaja Rada Ukrainy denansavała pahadnieńnie ź Biełaruśsiu ŭ śfiery piensijnaha zabieśpiačeńnia
Viarchoŭnaja Rada Ukrainy 29 maja prahałasavała za denansacyju pahadnieńnia pamiž Ukrainaj i Biełaruśsiu ab harantyjach pravoŭ hramadzian u halinie piensijnaha zabieśpiačeńnia.
Za denansacyju prahałasavaŭ 301 narodny deputat pry 226 minimum nieabchodnych, pra heta paviedamiŭ deputat Jarasłaŭ Žalaźniak.
Raniej u pačatku krasavika Kabiniet ministraŭ Ukrainy ŭchvaliŭ zakonaprajekt ab denansacyi padpisanaha 14 śniežnia 1995 hoda ŭ Kijevie pahadnieńnia z uradam Biełarusi ab harantyjach pravoŭ hramadzian u halinie piensijnaha zabieśpiačeńnia.
Dakumient rehuluje pytańnie dziaržaŭnaha piensijnaha zabieśpiačeńnia hramadzian, jakija pastajanna žyli abo pierajechali na pastajannaje pražyvańnie ŭ krainy-padpisanty.
U pryvatnaści, havorka išła ab naličeńni piensij pa ŭzroście, pa invalidnaści, za vysłuhu hadoŭ i ŭ vypadku straty karmilca.
Damova stracić jurydyčnuju moc praz šeść miesiacaŭ paśla taho dnia, jak Biełaruś atrymaje paviedamleńnie Ukrainy ab jaje denansacyi.
Z pačatku rasijskaha vajennaha ŭvarvańnia va Ukrainu, jakoje padtrymała kiraŭnictva Biełarusi, ukrainski ŭrad skasavaŭ, denansavaŭ, spyniŭ dziejnaść abo vyjšaŭ z bolš jak 20 dvuchbakovych pahadnieńniaŭ, damoŭ i miemarandumaŭ. Denansujuć damovy ź Biełaruśsiu i inšyja jaje susiedzi.
Čytajcie taksama:
Urad Litvy denansavaŭ pahadnieńnie ź Biełaruśsiu ab pamiežnym supracoŭnictvie
Łatvija denansavała pahadnieńnie ab inviestycyjach ź Biełaruśsiu
Ukraina denansavała pahadnieńnie ab supracy i kaapieracyi ź Biełaruśsiu ŭ VPK
