Znajści
Ałharytmičny łacinski varyjant
30.05.2023 / 10:047RusŁacBieł

Na dopytach u KDB «za danaty» ciapier patrabujuć zdavać jašče i znajomych, jakija vychodzili na pratesty

U krainie praciahvajuć zdaracca vypadki, kali tych, chto danaciŭ na dapamohu paciarpiełym ad hvałtu siłavikoŭ u 2020-m, vyklikajuć u KDB, dapytvajuć i abkładajuć štrafami. Ale ciapier KDB pajšło dalej i patrabuje ad ludziej zdavać znajomych, jakija vychodzili na pratesty. 

U pieršuju čarhu havorka idzie pra tych, chto danaciŭ u 2020-2021 u fond «Bajsoł». Biełaruskija śpiecsłužby praz zapyty ŭ banki identyfikavali koła asobaŭ, z čyich rachunkaŭ u hety čas płaciažy chadzili praz Facebook, praź jaki išła asnoŭnaja masa danataŭ. 

Hetych ludziej, pieravažna z zamožnych kołaŭ ajcišnikaŭ i biznes-mieniedžaraŭ, vyklikajuć na dopyty ŭ KDB, dzie prymušajuć pakazać historyju płaciažoŭ u fejsbuku. 

Kali jość danaty na palityčnyja kampanii — z čałavieka pad pahrozaj kryminalnaha pieraśledu patrabujuć vypłacić dziesiacikratnuju sumu na karyść režymu. Jak raskazvali raniej, heta nie mienš za 500 dalaraŭ, a ŭ vypadku z ajcišnikami — nie mienš za tysiaču. 

Kali čałaviek vałodaje biznesam abo pracuje top-mieniedžaram, ale achviaravaŭ praz fejsbuk adnosna nievialikuju sumu, to ŭ KDB mohuć pryznačyć advolny pamier «adkupnych». 

«Dali stolki, kab adčuli», — skazaŭ «Našaj Nivie» mieniedžar adnoj ź minskich kampanij. 

U toj ža čas dachodziać śviedčańni, što na takich dopytach apieratyŭniki KDB nastojliva prosiać ci biezapielacyjna patrabujuć (u zaležnaści ad situacyi) ad čałavieka nasuprać «zdać» kahości sa svaich znajomych. 

«U mianie dapytvali, chto z maich znajomych vychodziŭ na pratesty. Maŭlaŭ, kali nie skažu, buduć nastupstvy. Ja nazvaŭ ludziej, jakija vyjechali ź Biełarusi praź pieraśled. Adpaviedna, orhanam i tak viadoma pra ich udzieł, a viartacca jany nie źbirajucca», — skazaŭ nam adzin z surazmoŭcaŭ. 

Historyju paćvierdziŭ i inšy čałaviek, jaki adnosna niadaŭna byŭ na adpaviednym dopycie. 

«Ja «nie zmoh» uspomnić svaich znajomych. Skazaŭ, što tolki sam byŭ taki durań, a ciapier škaduju», — skazaŭ jon. 

Čytajcie taksama:

Stała viadoma, jak KDB vyličvaje tych, chto danaciŭ u «Bajsoł» 

Krynicy: Jančeŭski prydumaŭ, kab prahramistaŭ za danaty 2020-ha nie sadzili, ale ździrali kampiensacyju ŭ dziesiacirazovym pamiery

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Mar/adkazać/
30.05.2023
Mnohije ludi chodili odni, biez rodstvieńnikov i druziej. U niekotorych v okružienii ludi, kotoryje pobaivaliś chodiť na marši, a u niekotorych rodstvieńniki poddierživali Łuku. Tak v čiem problema skazať, čto chodił odin. Začiem juliť i dumať, koho možno sdať, a koho niet.
0
chtości/adkazać/
30.05.2023
Sprabujuć jašče i niedavier miž ludźmi pasiejać, aproč stracha. Nie zabyvajmasia, chto sapraŭdnyja złačyncy, dy kolki ich adsotkaŭ!
1
AlesGut /adkazać/
30.05.2023
Strojat skotnyj dvor na zadvorkach Rośsii, tak i prablema jak raz u tym što pahadžajucca. Voś naprykład ty ŭžo pahadziŭsia, kali zirnuć na movu tvajho kamientu
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera