Znajści
Ałharytmičny łacinski varyjant
27.05.2023 / 15:306RusŁacBieł

Ukrainskija dyviersanty atakavali vioski Broŭničy i Sušany ŭ Branskaj vobłaści Rasii

«Nravitsia, nie nravitsia, tierpi, moja krasavica» — hetym ździeklivym vyrazam z namiokam na zhvałtavańnie Pucin adkryvaŭ vajnu va Ukrainie, jakaja, pa prahnozie Łukašenki, pavinna była skončycca za try-čatyry dni. Miž tym na našych vačach rasijskaja armija pierachodzić u hłuchuju abaronu, a vajennyja dziejańni pieranosiacca na terytoryju Rasijskaj Fiederacyi.

Ukrainskija vajskoŭcy. Fota: USU

U subotu rasijskija ŭłady paviedamili pra źniščeńnie ŭsiedarožnika «Niva» rasijskaj armii ŭ Branskaj vobłaści. Dva vajskoŭcy zahinuli. U vioskach Broŭničy i Sušany, kudy zajšła ŭkrainskaja dyviersijnaja hrupa, praciahvajecca boj.

«Niva» Minabarony Rasii paśla ŭdaru ŭkrainskaha drona-kamikadze. Skrynšot ź miascovych pablikaŭ

Adnačasova siońnia ŭranku bieśpiłotniki atakavali rasijskija naftapravody ŭ Pskoŭskaj vobłaści Rasii kala paŭnočnaj miažy Biełarusi i ŭ Ćviarskoj vobłaści — za sotni kiłamietraŭ ad miažy Ukrainy.

Ukrainskaja artyleryja ŭrańni naniesła ŭdar pa miescy raźmiaščeńnia rasijskich vojskaŭ u byłym domie adpačynku ŭ akupavanym Biardziansku, za 140 kiłamietraŭ ad linii frontu, paviedamili rasijskija vajenkary. Paśla abiedu chvost dymu źjaviŭsia ŭžo ŭ porcie Biardzianska. A ŭčora ŭviečary dźvie ŭkrainskija rakiety pacelili ŭ rasijski abjekt na terytoryi zavoda «Azoŭstal» u akupavanym Maryupali.

U Sievastopal viarnuŭsia rasijski karabiel «Ivan Churs», atakavany ŭkrainskimi bieśpiłotnikami. Rasijskija ŚMI paviedamlajuć, što jon pryjšoŭ svaim chodam.

U Biełharodskaj vobłaści ŭkraincy prasavali artyleryjaj rasijskija pazicyi ŭ pryhraničnych rajonach, u tym liku ŭ horadzie Šabiekina, a ŭ Kurskaj vobłaści abstralali fartyfikacyjnyja ŭmacavańni na miažy.

Były kiraŭnik «Raskosmasa» Dźmitryj Rahozin u telehramie paviedamiŭ, što abstreły rasijskich pazicyj uzdoŭž linii frontu pad Zaparožžam i Danieckam dasiahnuli niečuvanaj raniej intensiŭnaści.

Siońnia rasijskija ŭłady pryznali taksama, što 23 maja stracili jašče adzin šturmavik Su-24 pad Mielitopalem. Lotčyk zdoleŭ pryziamlić paškodžany samalot na aeradromie, paśla čaho prahučaŭ vybuch.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Juraś/adkazać/
27.05.2023
[Red. vydalena]
0
Usič /adkazać/
28.05.2023
Brovniči i Sušany - čisto biełaruskije toponimy
0
Censor/adkazać/
30.05.2023

To be reminded :

https://datatowel.in.ua/pop-composition/languages-census-1897

AND TODAY ?

Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera