Znajści
Ałharytmičny łacinski varyjant
28.05.2023 / 11:394RusŁacBieł

Ukraina atrymaje rakiety AIM-9. Što heta značyć?

Rakiety AIM-9 pryznačajucca dla viadzieńnia pavietranaha boju, tamu, chutčej za ŭsio, Ukraina płanuje padčas kontrnastupu vykarystoŭvać avijacyju.

Rakieta AIM-9L. Fota: Wikimedia Commons

Pra heta ŭ svaim videastrymie raskazaŭ vajskovy ekśpiert Aleh Ždanaŭ.

Pra pastaŭki hetaha vidu rakiet abviaściła ministarka abarony Kanady. Rakiety AIM-9 pastupili na ŭzbrajeńnie VPS ZŠA ŭ 1956 hodzie. Heta była pieršaja ŭ śviecie kiravanaja rakieta kłasa «pavietra — pavietra». Z toj pary rakieta pastajanna ŭdaskanalvałasia. Heta adna z samych starych, samych tannych i ŭdałych rakiet kłasa «pavietra — pavietra».

Rakieta raspracavanaja dla vykarystańnia padčas pavietranaha boju. Jaje dalokaść pieršapačatkova składała 5 kiłamietraŭ, a ŭ novych madyfikacyjach jana dasiahaje 35 kiłamietraŭ.

Ždanaŭ adznačaje, što hetaja rakieta samaja masavaja. Na siońnia ich było vypuščana kala 200 tysiač štuk. Rakieta maje hałaŭnuju častku, jakaja sama navodzicca na ciepłavy siłuet celi.

AIM-9 vykarystoŭvajucca praktyčna ŭsimi źniščalnikami zachodniaha ŭzoru. Jana znachodzicca na ŭzbrajeńni kala tryccaci krain. U toj ža čas rakieta moža być lohka adaptavanaja pad Su-27 i MiH-29, jakija maje na ŭzbrajeńni Ukraina.

Pieršaja partyja, jakuju atrymaje Ukraina, naličvaje 49 rakiet. U dalejšym, jak ličyć ekśpiert, rakietu mohuć pieradavać pa ahulnym śpisie vajskova-techničnaj dapamohi ad krain-partnioraŭ.

Ždanaŭ padkreślivaje, što pieradača hetych rakiet havoryć ab tym, što Ukraina miarkuje ŭ časie kontrnastupu vieści pavietranyja bai z avijacyjaj praciŭnika.

Čytajcie jašče:

«Kinžał» akazaŭsia blefam. Heta budzie mieć vialikija nastupstvy

ZŠA paćvierdzili ŭdzieł u «kaalicyi źniščalnikaŭ». Dziaržavy abmiarkujuć, kali dać F-16 Ukrainie

CNN: Ukraina sapraŭdy ŭžo vykarystoŭvała rakiety Storm Shadow

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Mi/adkazać/
28.05.2023
mikola, zabylisia ŭ trola spytać
4
mikola/adkazać/
28.05.2023
Mi, Mi, Mi, Mi, Mi, Mi, Mi, Mi, / Vy kali nebudz navuczycesja ZARTY razumec ? Ni use za troli-hrenoli !
1
Jeje/adkazać/
29.05.2023
Hitlirkaput, zdavajso.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031