Znajści
Ałharytmičny łacinski varyjant
26.05.2023 / 18:263RusŁacBieł

Va Ukrainie pachavali Mirasłava Łazoŭskaha FOTA

Fota raźvitańnia ź Mirasłavam Łazoŭskim apublikavaŭ Połk Kastusia Kalinoŭskaha.

«Jon addaŭ svajo žyćcio, kab nastupnaje pakaleńnie nie žyło ŭ rabstvie. Bo rabstva — heta najhoršaje prynižeńnie dla volnaha čałavieka», — havorycca ŭ paviedamleńni pres-słužby Pałka.

«My nikoli nie zabudziem ciabie. Svajoj pracaj ty natchniaŭ i budzieš natchniać tych, chto stajaŭ pobač z taboj u hetaj vajnie z Rasijaj. Ty staŭ u šerahi najlepšych z nas i ŭžo ź niabios hladziš, jak my praciahvajem našu ahulnuju spravu», — adznačajuć jahonyja pabracimy.

Mirasłaŭ Łazoŭski — adzin ź piaci bajcoŭ-kalinoŭcaŭ, jakija niadaŭna zahinuli pad Bachmutam. Jon naradzisia ŭ Minsku, jaho baćka pachodzić sa Słuččyny, a mama — z Mahiloŭščyny. Skončyŭ jon Biełaruski nacyjanalny techničny ŭniviersitet.

U 1995 hodzie Mirasłaŭ ustupiŭ u zasnavanaje Mikołam Statkievičam «Zhurtavańnie biełaruskich vajskoŭcaŭ», u tym ža hodzie staŭ adnym sa stvaralnikaŭ «Biełaha lehijona» — vajenizavanaj patryjatyčnaj arhanizacyi, metaj jakoj była dapryzyŭnaja padrychtoŭka moładzi.

Siabry «Biełaha lehijona» byli aktyŭnymi ŭdzielnikami mitynhaŭ i šeściaŭ u 1996-1999 hadach. Arhanizacyja syšła ŭ padpolle na pačatku 2000-ch.

Apošni raz zhadki pra «Bieły lehijon» źjaŭlalisia ŭ 2017 hodzie. Tady Łazoŭskaha i byłych kiraŭnikoŭ arhanizacyi zatrymali pa «spravie patryjotaŭ», adnak nieŭzabavie vyzvalili z-pad varty.

U 2013 hodzie Mirasłaŭ Łazoŭski zasnavaŭ knižnuju sieryju «Biełaruś u vojnach», jaje metaj jon nazyvaŭ raspaŭsiudžvańnie navukova-papularnych vydańniaŭ ab historyi Biełarusi.

Pracavaŭ inžynieram, a paśla — u vydaviectvie «Knihazbor», jakoje źlikvidavali ŭłady ŭ studzieni 2023 hoda.

Čytajcie taksama:

«Zusim trochi nie dajšoŭ». Pabracim Mirasłava Łazoŭskaha pra jaho hibiel

«Nam patrebny vajenny dośvied, treniravacca, bo napieradzie Biełaruś». Pabracim uspaminaje Mirasłava Łazoŭskaha

«My 20 hadoŭ rychtavali budučuju elitu siłavych struktur». Siarhiej Bulba — pra Mirasłava Łazoŭskaha i ich pracu za kadram

Siarod piaci kalinoŭcaŭ, što zahinuli pad Bachmutam, byŭ Mirasłaŭ Łazoŭski, zasnavalnik «Biełaha lehijona»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
13
Pachom/adkazać/
26.05.2023
Počiemu Bulby niet tam?
4
mikola/adkazać/
26.05.2023
Za Nashu i Vashu Svabodu !    Puham ZJAMLJA !
1
Volha/adkazać/
26.05.2023
Pachom,škło(ŭ)vata tabie pucham. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031