Miadźviedzieŭ pahražaje Ukrainie vajnoj biez kanca
Kanflikt va Ukrainie moža praciahnucca dziesiacihodździ, pry ciapierašniaj uładzie i paśla zaklučeńnia pieramirja ŭsio paŭtorycca, pra heta zajaviŭ namieśnik staršyni Rady biaśpieki, eks-prezident Rasii Dźmitryj Miadźviedzieŭ.
Dźmitryj Miadźviedzieŭ. Fota: AP
«Hety kanflikt vielmi nadoŭha. Heta ŭsio na dziesiacihodździ, musić. Heta novaja realnaść, novyja ŭmovy žyćcia», — skazaŭ jon žurnalistam padčas vizitu ŭ Vjetnam.
Jon miarkuje, što kanflikt moža paŭtaracca ź niekatoraj pieryjadyčnaściu ŭ niekalki hadoŭ — kali ŭkrainskija ŭłady nie źmieniacca.
«Pakul tam takaja ŭłada, budzie, skažam, try hady pieramirja, dva hady kanfliktu, i znoŭ usio paŭtorycca. Treba źniščyć samu pryrodu nacysckaj ułady ŭ Kijevie», — skazaŭ namieśnik staršyni Rady biaśpieki.
Čytajcie taksama:
Miadźviedzieŭ raskazaŭ dzieciam, što ŭ Rasii «nie zdryhaniecca ruka» ŭžyć jadziernuju zbroju
Ekśpiert patłumačyŭ mety radykalnych vykazvańniaŭ Dźmitryja Miadźviedzieva
