Unačy pa Ukrainie znoŭ byŭ naniesieny ŭdar «Šachiedami» i rakietami
Rasija, jak i papiaredniaj nočču, naniesła ŭdar pa Ukrainie bieśpiłotnikami-kamikadze. Pad pahrozaj udaraŭ «Šachiedaŭ» byli ŭschodnija i centralnyja vobłaści: Sumskaja, Charkaŭskaja, Zaparožskaja, Čarkaskaja. Pavietranaja tryvoha była abvieščanaja taksama ŭ Dnieprapiatroŭskaj i Čarnihaŭskaj abłaściach. Byŭ nalot i na Kijeŭ, piša Bi-bi-si.
Karta pavietranych tryvoh
Akramia taho, paviedamlałasia pra pahrozu ŭdaru kryłatymi rakietami z rasijskich stratehičnych bambardziroŭščykaŭ: čatyry ź ich byli ŭ pavietry.
Tak, u Kijevie byŭ čutny mocny vybuch.
Manitorynhavyja kanały paviedamlali ab adnoj kryłataj rakiecie, jakaja lacieła ŭ napramku Kijeŭskaj vobłaści z poŭdnia.
Byŭ naniesieny ŭdar pa Dniapry. Tam była sieryja vybuchaŭ.
«Ničoha nie vykładvajcie», — nahadaŭ suhramadzianam mer Dniapra Barys Fiłataŭ.
Ukrainskija ŭłady i vajskoŭcy ličać, što publikacyja fota i videa miescaŭ papadańnia rakiet abo bieśpiłotnikaŭ, jak i pracy SPA, moža dapamahčy vorahu.