Znajści
Ałharytmičny łacinski varyjant
26.05.2023 / 19:578RusŁacBieł

«Čajki i spajs — nie vielmi dobraje spałučeńnie». U Vialikabrytanii ptuški pačali kraści spajs i abkuranymi napadać na ludziej

Čajki, jakija vychoplivajuć ježu z ruk niaŭvažlivych ludziej, užo daŭno stali čymści zvyčajnym. Adnak ciapier ptuški vyjšli na absalutna novy ŭzrovień.

Fota: pixabay

U Vialikabrytanii čajki stali kraści spajs u spažyŭcoŭ narkotykaŭ i prosta źjazdžać z hłuzdu: ptuški ŭ takim stanie ŭžo pačali napadać na zvyčajnych ludziej. Pra heta 20 maja napisała vydańnie Daily Star sa spasyłkaj na vidavočcaŭ i paciarpiełych.

Niekatoryja ź ich raspaviali, što čajki vyryvajuć spajs prosta z ruk, źjadajuć jaho, a potym, pad upłyvam narkotyku, šalejuć. Ludzi nieadnarazova stanavilisia vidavočcami taho, jak čajki abjadalisia narkatyčnymi rečyvami i pačynali napadać na ludziej, pikirujučy na ich z vyšyni i nie adstajučy ad achviary roŭna da taho momantu, pakul sami prosta nie pavalacca na ziamlu ad stomlenaści.

Pavodle infarmacyi vydańnia, takoje stała adbyvacca ŭ Łondanie, Mančestery i mnohich inšych pieravažna prybiarežnych haradach Vialikabrytanii.

 «Čajki i spajs — nie vielmi dobraje spałučeńnie. Jany pieratvarajucca ŭ sapraŭdnych abkuranych psichapataŭ, ad jakich lepš ratavacca ŭ niejkich začynienych pamiaškańniach. Ale i ŭ hetym razie jany naŭrad ci adstanuć, pakul sami nie vydychnucca i nie pavalacca na tratuar», — raspavioŭ adzin z paciarpiełych vydańniu Daily Star.

Spajs — heta travianaja sumieś dla paleńnia, nasyčanaja sintetyčnymi kanabijoidami. Hety narkotyk mahutniejšy za marychuanu i moža vyklikać u čałavieka nieadekvatnyja pavodziny, halucynacyi, tremar i inšyja niehatyŭnyja nastupstvy. I kali spajs tak mocna ŭpłyvaje na ludziej, to što ŭžo možna kazać pra nievialikuju čajku.

Darečy, heta nie adzinaja navina pra dziŭnyja pavodziny čajek, jakija pa supadzieńni adbyvajucca jakraz u Vialikabrytanii. Niadaŭna dźvie brytanki paskardzilisia ŭ miedyja, što ich na praciahu niekalkich miesiacaŭ kožny dzień u adzin i toj ža pramiežak času teraryzujuć čajki, luta sprabujučy ŭvarvacca ŭ ich dom. Miascovyja ŭłady ŭ adkaz na heta tolki razvodziać rukami.

'Čytajcie jašče:

Za sorak hadoŭ papulacyja ptušak u Jeŭropie skaraciłasia na 60%

Zhraja kasatak patapiła ŭžo niekalki jachtaŭ kala bierahoŭ Jeŭropy i nie źbirajecca spyniacca

U Niderłandach kot učyniŭ patop u ratušy. Škoda aceńvajecca ŭ 20 tysiač jeŭra

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Jasny rozum, lepšaje žyćcio/adkazać/
26.05.2023
Narkotyki nie palepšać vaša žyćcio. Jany tolki sapsujuć vaša zdaroŭje j pahoršać vaša žyćcio. Kali vy niezadavolenyja, vyśviatlicie, čamu vy niezadavolenyja, j papracujcie nad vyrašeńniem prablemy. Nie marnujcie čas, hrošy j zdaroŭje na narkotyki.
1
daviedka/adkazać/
27.05.2023
Chorošo, čto korovy nie letajut obkuriennymi...
2
uvachod/adkazać/
27.05.2023
Ennot, karala nikatnu zabivaje kania, a niekatoryja ludzi kurać pa dva pački ŭ dzień. Arhanizmy u ptušak krychu inšyja i zasvojvańnie rečyvaŭ, vidać, krychu inšaje
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera