Znajści
Ałharytmičny łacinski varyjant
25.05.2023 / 23:105RusŁacBieł

Navukoŭcy rychtujucca da zapusku spadarožnika z dreva. Dakładniej, draŭlanaha

Novaje navukovaje daśledavańnie prademanstravała, što draŭnina moža być vielmi tryvałym materyjałam na arbicie.

Japonskija vučonyja z Kijockaha ŭniviersiteta i japonskaha startapa Sumitomo Forestry sumiesna ź Japonskim ahienctvam aerakaśmičnych daśledavańniaŭ realizavali cikavy prajekt.

Meta daśledavańnia zaklučałasia ŭ tym, kab minimizavać kolkaść kaśmičnaha śmiećcia, jakoje nazapasiłasia na arbicie za apošnija dziesiacihodździ. Teoryja hruntujecca na tym, što draŭnina, jak naturalny i ekanamičny materyjał na asnovie vuhlarodu, bolš ekałahičnaja, čym inšyja sučasnyja alternatyvy. Spadarožniki, zroblenyja z dreva, mohuć prosta zhareć pry paŭtornym uvachodzie ŭ atmaśfieru Ziamli biez utvareńnia pabočnych škodnych praduktaŭ.

Prafiesar Kijockaha ŭniviersiteta Takaa Doi (Takao Doi) z hetaj nahody adznačaje: 

«My vielmi zaniepakojenyja tym, što ŭsie spadarožniki, jakija znoŭ traplajuć u atmaśfieru Ziamli, zharajuć i pakidajuć drabniutkija čaścicy aksidu aluminiju, jakija buduć znachodzicca ŭ vierchnich płastach atmaśfiery na praciahu mnohich hadoŭ».

Da taho ž, jak pakazali papiarednija daśledavańni, praviedzienyja ŭ łabaratoryjach na Ziamli, dreva vytrymlivaje šyroki dyjapazon tempieratur — ad minus 150 da plus 150 hradusaŭ pa Celsiju. A madelavańnie ŭmoŭ, blizkich da vakuumu, pakazała niaznačnaje strukturnaje razbureńnie draŭniny.

U sakaviku 2022 hoda na Mižnarodnuju kaśmičnuju stancyju było adpraŭlena try vidy draŭniny, kab pravieryć jaje ŭstojlivaść da takich niespryjalnych umoŭ, jak ekstremalnyja pierapady tempieratury i radyjacyja.

Na arbicie ŭzory znachodzilisia ŭ śpiecyjalnym moduli ciaham dzieviaci miesiacaŭ. Pa viartańni na Ziamlu ich daśledavali vučonyja, jakija byli vielmi zadavolenyja atrymanymi vynikami.

Jak adznačajecca ŭ pres-relizie, niahledziačy na ​​ekstremalnyja ŭmovy kaśmičnaj prastory, jakija ŭklučajuć značnyja źmieny tempieratury, uździejańnie intensiŭnych kaśmičnych pramianioŭ i niebiaśpiečnych soniečnych čaścic na praciahu 270 dzion, vyprabavańni paćvierdzili adsutnaść raskolin, defarmacyj, adsłojvańnia abo paškodžańnia pavierchni.

Usie try ŭzory draŭniny nie pakazali defarmacyi paśla znachodžańnia ŭ kosmasie. Vyniki ekśpierymienta taksama paćvierdzili adsutnaść źmieny masy ŭ kožnym uzory draŭniny da i paśla znachodžańnia ŭ kosmasie.

Nastupnym etapam, pa słovach prafiesara Doi, budzie raspracoŭka inžyniernaj madeli spadarožnika, zatym navukoŭcy zojmucca vyrabam lotnaj madeli. Zapusk pieršaha štučnaha spadarožnika z dreva płanujecca na 2024 hod sumiesna z NASA.

Daśledčaja hrupa vyznačyła, što ich spadarožnik LignoSat budzie vyrableny z draŭniny mahnolii z-za jaje idealnych ułaścivaściaŭ.

Jak adznačajecca ŭ pres-relizie, napiaredadni zapłanavanaha zapusku štučnaha spadarožnika z dreva navukoŭcy daśledujuć fundamientalny miechanizm dehradacyi materyjałaŭ na nanaŭzroŭni. Ich vysnovy mohuć pryvieści da stvareńnia tryvałych i vysokafunkcyjanalnych materyjałaŭ z dreva dla novych sposabaŭ vykarystańnia.

Čytajcie jašče:

Vučonyja dakazali, što raśliny ŭmiejuć razmaŭlać

Mahčyma, navukoŭcy razhadali sakret kołcaŭ Saturna

NASA zapuściła servis, jaki pakazvaje minułaje i budučyniu Soniečnaj sistemy

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kazik/adkazać/
26.05.2023
chch, ja pa zahałoŭku pierš padumaŭ, što na drevie budzie puskavaja ŭstanoŭka
0
chch/adkazać/
27.05.2023
Kazik, typu rahatki?)
dyk heta ž jakuju rezinku treba budzie naciahnuć)
0
vieličynia /adkazać/
27.05.2023
Kazik, dyk tak i napisana. Bo dreva heta raślina, a draŭnina materyjał.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera