Znajści
Ałharytmičny łacinski varyjant
24.05.2023 / 09:496RusŁacBieł

Źmianiajucca praviły karystańnia kvadrakoptarami. Što nieabchodna dla palotaŭ i kamu daduć dazvoł?

Z 4 červienia źmianiajucca praviły karystańnia kvadrakoptarami. Jakija dakumienty buduć nieabchodnyja dla palotaŭ i ci dazvolać zdymać prosta dla dušy? Na pytańni śpiecyjalisty adkazali partału planetabelarus.by. Pierakazvajem asnoŭnaje.

Fota: Lars Nissen / Pixabay

Nieabchodna budzie prajści kursy i zarehistravać dron

Novyja praviły prapisany ŭ Instrukcyi pa paradku dziaržaŭnaha ŭliku i ekspłuatacyi hramadzianskich bieśpiłotnych latalnych aparataŭ (jana zaćvierdžana letašnim zahadam № 268 Departamienta hramadzianskaj avijacyi). Zhodna ź joj,

z 4 červienia dla vykanańnia palotaŭ dronami ŭsim ich uładalnikam abo apierataram nieabchodna prajści adpaviednaje navučańnie. Čałaviek pavinien prajści kurs pa ekspłuatacyi koptaraŭ i potym rabić heta kožnyja piać hadoŭ. Sami koptary nieabchodna zarehistravać u Departamiencie hramadzianskaj avijacyi.

«Heta značyć, što ich uładalnik pavinien pryjści ŭ Departamient, pakazać svoj siertyfikat, jaki paćviardžaje prachodžańnie navučańnia, dać sam bieśpiłotnik i skrynku ad jaho. Na padstavie hetaha BŁA staviać na ŭlik i prysvojvajuć jamu rehistracyjny numar. Heta nieabchodna dla naładžvańnia ŭliku i kantrolu nad vykarystańniem BŁA, a taksama pavietranaj prastory Biełarusi», — kaža Leanid Spatkaj, były vajskovy lotčyk, vykładčyk kursaŭ pa padrychtoŭcy apierataraŭ bieśpiłotnych latalnych aparataŭ.

Uładalnik bieśpiłotnika moža zapisacca na kursy (naprykład, u DTSAAF), prajści 24-hadzinnuju prahramu padrychtoŭki i paśla pravierki viedaŭ atrymać siertyfikat, kopiju jakoha nieabchodna mieć pry vykanańni palotaŭ.

Navučańnie na adkrytuju katehoryju dazvalaje lotać usiudy, akramia haradoŭ i zakrytych dla palotaŭ zon.

Kali čałaviek ličyć, što jon padrychtavany i biez kursaŭ, to možna pryjści adrazu zdać ispyt.

Što rabić tym, chto choča fatahrafavać z dapamohaj dronaŭ?

Kali latalny aparat abstalavany fota— abo videapryładaj, jakaja znachodzicca na stabilizavanym padviesie, jak «Fantom» abo «Mavik», i zapisvaje infarmacyju na nośbity, jakija raźmieščany ŭ samim bieśpiłotniku ci ŭ pulcie kiravańnia im, heta ličycca aerafotazdymkaj. U takim vypadku nieabchodna atrymać dazvoł Hienieralnaha štaba Ministerstva abarony.

«Dla hetaha padajecca zajaŭka, atrymlivajecca dazvoł na zdymku, zatym u Hienieralny štab padajucca fatahrafii, kab tam mahli pierakanacca, što na ich nie patrapili abjekty, jakija nie pryznačany dla šyrokaha koła. Kali zdymki robiacca tolki dla ŭnutranaha vykarystańnia arhanizacyjaj, to prablem budzie mienš. Hałoŭnaje —nie vystaŭlać ich u adkryty dostup», — tłumačyć Spatkaj.

Takim čynam, akramia rehistracyi kvadrakoptara ŭ Departamiencie hramadzianskaj avijacyi, treba mieć dva dazvoły: na palot i asobna na zdymku.

Ale kali vy zdymajecie na ŭbudavanuju kamieru, heta nie ličycca aerafotazdymkaj.

Dzie, akramia centra DTSAAF, možna prajści navučańnie i atrymać siertyfikat apieratara?

Naprykład, u Nacyjanalnaj akademii hramadzianskaj avijacyi i Biełaruskim technałahičnym univiersitecie. Ale prahrama Nacyjanalnaj akademii hramadzianskaj avijacyi nacelena ŭ pieršuju čarhu na pavyšeńnie kvalifikacyi, faktyčna jana padychodzić tolki tym apierataram BŁA, jakija ŭžo majuć nieabchodny dośvied. Biełaruski technałahičny ŭniviersitet u asnoŭnym supracoŭničaje ź lashasami.

Tyja ludzi, jakija prajšli navučańnie i zarehistravali kvadrakoptar, pavinny ŭ pracesie jaho vykarystańnia mieć pry sabie kopii ŭsich nieabchodnych dakumientaŭ: paśviedčańnia ab rehistracyi kvadrakoptara i siertyfikata apieratara.

Ale heta jašče nie ŭsio.

Abaviažuć dakładvać pra kožny palot

«Pryjechaŭšy ŭ toje miesca, na jakoje vy padavali zajaŭku i atrymali dazvoł na palot, vy abaviazany źviazacca z rajonnym centram kiravańnia pavietranym rucham i paviedamić dyśpietčaru, što zhodna z peŭnaj zajaŭkaj budziecie tut vykonvać paloty, dapuścim, z 10 da 17 hadzin. Pry kožnym novym uźlocie nieabchodna dakładvać pra toje, što vy ździejśnili jaho.

Skončyŭšy palot, vy pavinny paviedamić pra heta dyśpietčaru, a taksama skazać, ci płanujecie vykonvać nastupnyja paloty», — kaža Leanid Spatkaj.

Kali pierajazdžaješ na novaje miesca, to pra heta taksama treba apaviaščać dyśpietčara. Navat kali novy ŭźlot płanujecca ŭ tym ža kvadracie.

Što rabić tym apierataram kvadrakoptaraŭ, jakija pavinny vykonvać niejkuju pracu nad haradami?

Leanid Spatkaj tłumačyć:

«Im treba prajści navučańnie dla atrymańnia śpiecyjalnaj katehoryi, jakaja dazvalaje vykonvać u tym liku paloty nad haradami. Hetaja prahrama tolki dla jurydyčnych asob, jaje praciahłaść pavialičycca z 24 da 40 hadzin. Košt takoha kursa taksama budzie bolšy, na ŭzroŭni 500—600 rubloŭ.

Heta tyčycca tolki teoryi. Kali vučań nie ŭmieje lotać, to dadatkova spatrebicca 16 hadzin praktyčnych zaniatkaŭ, ź ich 8 hadzin naziemnaj padrychtoŭki i 8 hadzin palotaŭ. Tyja, chto ŭžo ŭmieje lotać, mohuć adrazu zdać kvalifikacyjny ekzamien.

Dazvoł na palot nad horadam, na fotazdymku abo praviadzieńnie niejkich śpiecyfičnych rabot, biezumoŭna, atrymać budzie bolš składana».

Jakoje pakarańnie za paloty biez dazvołu?

«U Administracyjnym kodeksie jość artykuł, jaki praduhledžvaje pakarańnie za parušeńnie praviłaŭ vykarystańnia pavietranaj prastory. U Kryminalnym kodeksie pramych ukazańniaŭ na heta niama, ale takija dziejańni možna traktavać jak chulihanstva abo nienaŭmysnaje pryčynieńnie škody.

Kali palot vykonvajecca ŭ zabaronienaj zonie abo pablizu ad jaje, to zhodna ź dziejnym zakanadaŭstvam siłavyja struktury majuć prava adkryć ahoń na paražeńnie.

Nijakaj kampiensacyi za stratu bieśpiłotnika jaho ŭładalnik u takim vypadku nie atrymaje, bo jon parušyŭ dziejnyja praviły. Navat kali palot vykonvaŭsia pa zajaŭcy i vypadkova vyjšaŭ za miežy dazvolenaj zony, a bieśpiłotnik byŭ zastrachavany», — adkazvaje Siarhiej Pietrusioŭ, namieśnik dyrektara pa vučebnaj rabocie — načalnik vučebna-mietadyčnaha adździeła centra padrychtoŭki, pavyšeńnia kvalifikacyi i pierapadrychtoŭki kadraŭ DTSAAF. 

Što da čutak pra zabaronu vykarystoŭvać kvadrakoptary fizičnym asobam, to takija razmovy sapraŭdy viaducca, ale pakul niama zakona, jaki b vyznačaŭ kankretnyja terminy, kali budzie ŭviedziena zabarona i jak doŭha jana budzie dziejničać, nie prapisany rajony, na jakija hetaja zabarona budzie raspaŭsiudžvacca. Ale śpiecyjalisty jaje nie vyklučajuć.

Praviły dla jurasob

Jurydyčnyja asoby taksama mohuć vykonvać paloty dronami ŭ dźviuch katehoryjach: adkrytaj i śpiecyjalnaj. U pieršym vypadku praviły dla fizičnych i jurydyčnych asob adnolkavyja, uklučajučy zabaronu na paloty nad haradami.

«Kali supracoŭnikam MNS treba manitoryć stan lasnych masivaŭ, to jany prachodziać navučańnie pa adkrytaj katehoryi. Adnak manitorynh inžyniernych sistem, raźmieščanych na terytoryi haradoŭ, heta ŭžo śpiecyjalnaja katehoryja. Kali vy jak fizičnaja asoba majecie dahavor padradu ź jakoj-niebudź arhanizacyjaj žyllova-kamunalnaj haspadarki na abśledavańnie, naprykład, dachaŭ budynkaŭ, to dla vykanańnia palotaŭ spatrebicca siertyfikat śpiecyjalnych katehoryj, tak jak jany buduć prachodzić u nasielenym punkcie», — tłumačyć Spatkaj.

Fatahrafavać prosta dla siabie mohuć i nie dazvolić.

«Kali [siertyfikat patrebny] dla taho, kab prosta lotać nad Minskam i rabić zdymki dla ŭłasnaj zabavy, a potym publikavać ich u sacyjalnych sietkach, to Departamient hramadzianskaj avijacyi nie vydaść siertyfikat lotnaj prydatnaści.

Kali vy płanujecie rabić heta ŭ intaresach niejkaj arhanizacyi (naprykład, ŚMI abo vydaviectva), to nieabchodna zaklučyć damovu, na padstavie jakoj moža być atrymany adpaviedny siertyfikat», — kaža Spatkaj.

U pieraliku dakumientaŭ, nieabchodnych apierataram dronaŭ, taksama paznačana miedycynskaje zaklučeńnie ab prydatnaści da vykanańnia palotaŭ. Tyja, chto płanuje vykonvać paloty ŭ śpiecyjalnych katehoryjach, pavinny buduć prachodzić ahlad u avijacyjna-miedycynskim centry naroŭni z dyśpietčarskim składam.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
miascovy2/adkazać/
24.05.2023
[Red. vydalena]
0
Achachach/adkazać/
24.05.2023
rom, nie dołožiť, a faktičieski doniesi na samoho siebia, skoro i dla zaniatija sieksom nužno budiet prochodiť obučienije i połučať siertifikat ili dazvoł. I pieried každym aktom nužno budiet doniesti, i pośle okončanija tožie)
0
Vpieried i s pieśniami/adkazać/
24.05.2023
Zdieś niedavno niekotoryje udivlaliś tomu, čto moł ničieho strašnoho niet v tom, čto nužno budiet soobŝať o svojom vnž - moł eto žie prosto soobŝiť. Soobŝajtie riežimu o každom vašiem čichie - o vsiej podnohotnoj. Etot riežim vam jeŝie novych «zakonov» napridumajet. Nacisty, kotoryje sovieršali priestuplenija, tožie eto diełali ssyłajaś na zakony riejcha. Jeśli vy takije zakonoposłušnyje - vpieried, donositie na siebia, ispołniajtie łukašickije «zakony» v stranie, hdie riežimu nie do zakonov!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera