Ź biełaruskich futbolnych kłubaŭ praciahvajuć zdymać ački
Na pasiadžeńni 22 maja Kamitet pa kłubnym licenzavańni ABFF pryniaŭ rašeńnie źniać z salihorskaha «Šachciora» jašče piać ačkoŭ, ź minskaha «Enierhietyka» — try, z babrujskaj «Biełšyny» — adno.
Fota ilustracyjnaje
«Za parušeńnie artykuła 54 rehłamientu na padstavie punkta 5 dadatku IX rehłamientu ŭ adpaviednaści z punktam 2.6 artykuła 7 rehłamientu prymianić da FK «Biełšyna», FK «RCAR BDU» («Enierhietyk») i FK «Šachcior» sankcyju ŭ vyhladzie pazbaŭleńnia peŭnaj kolkaści turnirnych ačkoŭ, a mienavita: FK «Biełšyna» — adno turnirnaje ačko ŭ siezonie 2023 hoda, FK «RCAR BDU» — try turnirnyja ački ŭ siezonie 2023 hoda, FK «Šachcior» — piać turnirnych ačkoŭ u siezonie 2023 hoda.
Futbolnyja kłuby majuć prava abskardzić rašeńnie Kamiteta pa kłubnym licenzavańni na praciahu troch pracoŭnych dzion u apielacyjnym kamitecie pa kłubnym licenzavańni ABFF», —havorycca ŭ pres-relizie ABFF.
Pakarańnie vyniesiena za toje, što futbalisty «Biełšyny» i «Enierhietyka» atrymali ŭ 2022 hodzie hrašovyja srodki hatoŭkaj, nie adlustravanyja ŭ buchhałtarskim uliku kłubaŭ i nie ŭklučanyja ŭ spravazdačnaść. «Šachcior» ža paciarpieŭ za toje, što ŭ 2022 hodzie nie adlustroŭvaŭ u buchhałtarskim uliku ŭ poŭnym abjomie abaviazacielstvy kłuba zhodna z pracoŭnymi damovami.
Raniej hetyja kłuby byli surova pakaranyja až da pazbaŭleńnia zavajavanych u minułym hodzie miedalaŭ za praviadzieńnie dahavornych matčaŭ.
Čytajcie taksama:
«Šachcior» padaŭ apielacyju na rašeńnie ABFF pa spravie ab damoŭnych matčach
Čamu apošni kiejs z dahavarniakami ŭ biełaruskim futbole — lutaja hańba
U salihorskaha «Šachciora» zabrali čempijonstva 2022 hoda, a taksama 30 ačkoŭ u hetym siezonie
