Znajści
Ałharytmičny łacinski varyjant
20.05.2023 / 16:004RusŁacBieł

Pradpryjemstva «Połack-Škłovałakno» niasie straty ad sankcyj

Pra heta kalektyvu padčas dnia infarmavańnia čystasardečna raskazaŭ hienieralny dyrektar, a padrabiaznaja spravazdača była raźmieščana na sajcie pradpryjemstva.

Adkrytaje akcyjaniernaje tavarystva «Połack-Škłovałakno». Fota: sajt pradpryjemstva polotsk-psv.by

Raniej kala 90 pracentaŭ pradukcyi AAT «Połack-Škłovałakno» ekspartavałasia na rynki Jeŭropy, Ukrainy, Karei, Japonii i inš. Adnak z druhoha paŭhodździa minułaha hoda ŭ suviazi z pavieličeńniem sankcyjnaha cisku nazirajucca prablemy z realizacyjaj pradukcyi ŭ krainach Jeŭropy i dalokaha zamiežža.

Pradpryjemstva adčuvaje ciažkaści z prachodžańniem płaciažoŭ, nazirajecca adtok klijentaŭ i admova bujnych kontrahientaŭ ad svaich abaviazacielstvaŭ, poŭnaje zakryćcio niekatorych rynkaŭ.

Niestabilnaja finansava-ekanamičnaja situacyja prymušaje pradpryjemstva padvoić abjom prodažu na biełaruskim rynku. Ale nieviadoma, jak heta budzie realizavana.

Uličvajučy, što realizacyja hatovaj pradukcyi ŭpała na 40% u paraŭnańni z anałahičnym pieryjadam minułaha hoda, na składach nazapasiŭsia trochmiesiačny abjom pradukcyi, a kredytny partfiel pavialičyŭsia praparcyjna hetamu abjomu.

U minułym hodzie pradpryjemstva pavialičyła pastaŭki ŭ Rasijskuju Fiederacyju. Ale, jak adznačyŭ hienieralny dyrektar, siońnia supiernictva na rynkach Rasii i Kitaja narastaje. Kab kankuravać, nieabchodna źnizić sabiekošt pradukcyi. Pa vynikach raboty za pieršy kvartał 2023 hoda ŭ struktury zatrat na vytvorčaść pradukcyi zarabotnaja płata z adličeńniami zajmaje 33 %, syravina i materyjały — 29 % (ź jakich impartny składnik — 80 %), paliŭna-enierhietyčnyja resursy — 26,5 pracenta.

Hienieralny dyrektar AAT «Połack-Škłovałakno» Ilja Ikan. Fota: sajt pradpryjemstva www.polotsk-psv.by

Na pradpryjemstvie dla 255 rabotnikaŭ z 15 maja pa 31 žniŭnia ŭstanoŭleny pieryjad prastoju z apłataj pracy ŭ pamiery 1,5 taryfnaj staŭki (taryfnaha akładu) prysvojenaha razradu ŭ adpaviednaści sa štatnym raskładam.

Dla 835 słužačych pradpryjemstva, jakija pracujuć pa piacidzionnym pracoŭnym tydni, z 5 červienia pa 3 vieraśnia ŭstanoŭleny niapoŭny čatyrochdzionny pracoŭny tydzień.

Ale nie tolki ekanomika chvaluje kiraŭnictva. Na zakančeńnie mierapryjemstva, jak adznačana ŭ jaho spravazdačy, namieśnik hienieralnaha dyrektara pa biaśpiecy, režymie i kadrach jašče raz nahadaŭ zavadčanam ab nieabchodnaści vykonvać infarmacyjnuju hihijenu ŭ internecie i sačyć za śpisam materyjałaŭ, pryznanych u našaj krainie ekstremisckimi.

Čytajcie jašče:

Jeŭrasajuz prydumlaje, jak uździejničać na krainy, što dapamahajuć abychodzić sankcyi

«Biełaruś maje adzin z najhoršych prahnozaŭ ekanomiki na nastupnyja piać hadoŭ» — Aleś Alachnovič paśla forumu Suśvietnaha banka i MVF

Alejnik spadziajecca, što kitajcy pry arhanizacyi pieramoŭ pamiž Ukrainaj i Rasijaj nie zabuduć i pra režym Łukašenki

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kraina biełarusaŭ/adkazać/
20.05.2023
Pradpryjemstva «Połack-Škłovałakno» niasie straty ad sankcyj Pra heta kalektyvu padčas dnia infarmavańnia čystasardečna raskazaŭ hienieralny dyrektar==================================================================
0
Yasha/adkazać/
20.05.2023
Hetaha kałapsu i treba było čakać. Z 2004 hoda na pradpryjemstvie AAT Połack-Škłovałakno zvolnili 4 prafsajuznych aktyvistaŭ Svabodnaha prafsajuza Biełaruskaha. Dvojčy zvalniali Staršyniu Piarvički SPB. Z 2022 hoda zvolnieny dziasiatki rabotnikaŭ za adbyvańnie administracyjnych aryštaŭ pa palityčnych abvinavačańniach. Z kastryčnika 2020 h. spyniena rehistracyja Pieršasnaj arhanizacyi rabotnikaŭ AAT Połack – Škłovałakno Svabodnaha prafsajuza Biełaruskaha.
0
Hviazdaboły saŭhasnyja/adkazać/
21.05.2023
Pracuj ciapier sam, načalnik, u svaim sterylnym infarmacyjnym asiarodku. I pichaj pradukcyju kudy chočaš.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera