Znajści
Ałharytmičny łacinski varyjant
20.05.2023 / 09:06RusŁacBieł

ZŠA paćvierdzili ŭdzieł u «kaalicyi źniščalnikaŭ». Dziaržavy abmiarkujuć, kali dać F-16 Ukrainie

Daradca prezidenta ZŠA pa nacyjanalnaj biaśpiecy Džejk Salivan paćvierdziŭ, što Vašynhton dałučycca da namahańniaŭ inšych dziaržaŭ pa navučańni ŭkrainskich lotčykaŭ vykarystoŭvać źniščalniki čaćviortaha pakaleńnia, uklučajučy F-16.

Źniščalnik F-16, los pastavak jakoha Ukrainie zaležyć ad ZŠA. Fota: Wikimedia Commons

Pradstaŭnik Biełaha doma na bryfinhu dla žurnalistaŭ nahadaŭ, što ZŠA i sajuźniki ŭ apošnija miesiacy zasiarodzilisia na pieradačy Ukrainie srodkaŭ i techniki, nieabchodnych dla praviadzieńnia efiektyŭnych nastupalnych apieracyj hetaj viasnoj i letam, piša «Ukrainskaja praŭda».

«My dali Ukrainie toje, što joj treba, na asnovie ciesnych kansultacyj pamiž našymi vajskoŭcami i ich vajskoŭcami. A ciapier my pierajšli da abmierkavańnia ŭdaskanaleńnia ŭkrainskich VPS jak častki našych doŭhaterminovych abaviazacielstvaŭ pa samaabaronie Ukrainy», — rastłumačyŭ jon.

Salivan paćvierdziŭ, što ŭ nastupnyja miesiacy ZŠA i sajuźniki buduć abmiarkoŭvać, kali i ŭ jakoj kolkaści Ukraina atrymaje sučasnyja źniščalniki.

Na pytańnie, čamu ZŠA nie zadavolili prośbu Ukrainy ab F-16 raniej, daradca Bajdena padkreśliŭ, što pryjarytetam dla Vašynhtona była padrychtoŭka Kijeva da kontrnastupleńnia i pieradača adpaviednych srodkaŭ: ad tankaŭ i bajavych mašyn da reaktyŭnych sistem załpavaha ahniu i artyleryjskich bojeprypasaŭ.

«Źniščalniki F-16 nie źjaŭlajucca častkaj hetaha naboru [srodkaŭ]. I prezident [Bajden] ukazvaŭ na toje, što dla met hetaha kontrnastupu mahčymaści F-16 u paraŭnańni z usim astatnim, pra što ja kazaŭ, nie byli pieršačarhovymi», — dadaŭ Salivan.

Raniej na hetym tydni Vialikabrytanija abviaściła pra pačatak pracy mižnarodnaj kaalicyi krain, nacelenaj na navučańnie ŭkrainskich lotčykaŭ vykarystoŭvać źniščalniki čaćviortaha pakaleńnia, u tym liku i F-16. U jaje ŭžo ŭvachodziać Brytanija, Niderłandy, Bielhija, Danija, Złučanyja Štaty i Partuhalija.

Čytajcie taksama:

ZŠA ŭ apošnija tydni dali zrazumieć jeŭrapiejskim sajuźnikam, što dazvolać pieradać Ukrainie źniščalniki F-16 — CNN

Samaloty F-16 Ukrainie: što heta pamianiaje

CNN: Ukraina sapraŭdy ŭžo vykarystoŭvała rakiety Storm Shadow

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031