Znajści
Ałharytmičny łacinski varyjant
18.05.2023 / 16:161RusŁacBieł

Biełaruskija śpiektakli ŭ varšaŭskaj afišy. Raskład na ŭsio leta

Novaja pradziusarskaja inicyjatyva Inexkult zapuskaje teatralny fiestyval dla biełarusaŭ i ŭsich tych, chto cikavicca biełaruskaj kulturaj. «Inex fest» raściahniecca na try letnija miesiacy i pakaža dziesiać vydatnych pastanovak biełaruskich kamand.

Ahułam svaju pracu hledačam pradstaviać bolš za piaćdziasiat tvorcaŭ — aŭtaraŭ i aŭtarak, mastakoŭ i mastačak, režysioraŭ i režysiorak, akcioraŭ i aktrys. Usie śpiektakli projduć na roznych varšaŭskich placoŭkach, a kupić kvitki možna prosta ciapier.

Asablivaść teatralnaj afišy «Inex fest» — mahčymaść kupić abaniemient na ŭsie pakazy adrazu, heta ŭzvažanaja inviestycyja ŭ raźvićcio biełaruskich kulturnickich prajektaŭ za miažoj i prosta vyhadnaje ŭkładańnie va ŭłasny volny čas. Bonusam da nabytaha abaniemienta stanuć zaprašalniki na letnija premjery-niespadziavanki — ad Jury Dzivakova ci ad Alaksanda Harcujeva. Što kankretna heta budzie — my pakul nie razhałošvajem.

U raskładzie pradstaŭlenyja śpiektakli samych roznych žanraŭ dla dziaciej i darosłych, amataraŭ sučasnaj muzyki i najnoŭšaj litaratury:

5 červienia — «Vyjdu ź lesu, vyciahnu chrybiet, i jon budzie mnie zamiest miača». Režysiorka — Palina Dabravolskaja (Biełaruś)

Mižnarodny prajekt z aktrysami ź Biełarusi, Polščy i Ukrainy (na polskaj movie), jakija stvarajuć žanočy śpieŭ praz manałohi ŭ žyvym muzyčnym supravadžeńni. Śpiektakl pra emihracyju, pošuk siabie i zachavańnie ŭnutranaj chatniaj chimii. Pra pošuk biaśpiečnaj prastory, jaje budovu i naradžeńnie. Pra žančynu, jaje pryrodu, žadańnie schavacca i być adkrytaj, značnaść byćcia razam.

12, 13 červienia — «Šept». Režysior — Raman Padalaka (Biełaruś)

«Šept» (rež. Raman Padalaka). Fotv: Zofia Ewsk

Heta sproba daśledavać i adčuć tradycyju lekavańnia słovam, što źnikaje ŭ Biełarusi razam z apošnimi nośbitkami. Śpiektakl paŭstaŭ na asnovie adnajmiennaj knihi fatohrafa-dakumientalista Siarhieja Leskiecia, jaho śladami my vypraŭlajemsia ŭ padarožža da «ludziej prastory mifa». 

13, 14 lipienia — «Kamiedyja Judzifi». Režysior — Pavieł Pasini (Polšča)

Novaja interpretacyja biblejskaj historyi, jakaja ciaham stahodździaŭ nieadnarazova pryciahvała ŭvahu mastakoŭ, kampazitaraŭ i paetaŭ. Sproba asensavać žyćcio i ŭčynki Judzifi ź siońniašniaha punktu hledžańnia, zrazumieć nie tolki relihijnyja, ale i psichałahičnyja matyvy pavodzin biblejskich hierojaŭ, sproba vytłumačyć ich historyju jak univiersalnuju prytču ab sutyknieńni losaŭ čałavieka ź niaŭmolnym ruchavikom historyi.

28 lipienia — «Mama Zoja, Biełaruś». Aksana Hajko (Biełaruś), Fija Adler Sandbład (Šviecyja), Pieter Ełmiers (Šviecyja) i ansambl

U asnovie śpiektakla lažyć realnaja historyja mamy režysiorki i kiraŭnicy teatra «Kryły Chałopa» — Aksany Hajko. Zoja naradziłasia ŭ biednaści i strachu praź siem hadoŭ paśla zakančeńnia Druhoj suśvietnaj vajny ŭ Biełarusi, jakaja stahodździami padviarhałasia akupacyi i napadam. Praz asobu Zoi my daśledujem pieražyvańni žančyn u adnym z samych despatyčnych hramadstvaŭ Jeŭropy, imknieńnie ludziej da svabody, piaščoty i, mahčyma, da novaj pary abutku.

29 lipienia — «Biespracoŭnaje dreva». Režysiorka — Śviatłana Bień (Biełaruś)

Historyja dreva, jakoje vymušanaje pakinuć park, dzie ŭsio svajo žyćcio prapracavała… drevam. Jaho čakaje daroha, poŭnaja pryhod, cudoŭnych, niebiaśpiečnych, a časam absalutna niečakanych. Heta historyja pra toje, što kožny moža dapamahčy inšym, znajści siabroŭ i svaju važnuju spravu. Navat kali ty pazbaŭleny doma i zvyčajnaha ładu žyćcia.

18, 19 žniŭnia — «Husi-ludzi-lebiedzi». Režysior — Alaksandr Harcujeŭ (Biełaruś)

«Husi-ludzi-lebiedzi» (rež. Alaksandr Harcujeŭ). Fota: Maciek Rukasz

Heta antyŭtapičny i fantasmaharyčny pohlad na budučyniu Biełarusi na padstavie adnoj z častak mahutnaha ramana Alhierda Bachareviča.

«Husi-ludzi-lebiedzi» (rež. Alaksandr Harcujeŭ). Fota: Maciek Rukasz

Jak dalej składziecca los krainy? Vymaloŭvajecca sumnaja karcina: poŭnaj dehradacyi padlahajuć mova, kultura, maral, technałohii. Niama bolš na hetych ziemlach takoha paniaćcia jak Biełaruś.

19 žniŭnia — «rEvalucyja Zajca». Režysior — Jura Dzivakoŭ (Biełaruś)

«rEvalucyja Zajca» (rež. Jura Dzivakoŭ). 

«rEvalucyja Zajca» — heta interaktyŭny teatralny prajekt mastački, scenohrafki i piedahoha Taćciany Dzivakovaj, jaki składajecca z vystavy, teatralnaj pastanoŭki i majstar-kłasaŭ, dzie ŭdzielniki zrobiać svajho kazačnaha piersanaža. Pryhody žyvioł stanuć padstavaj dla razmoŭ pra našy emocyi, patreby i ščyraje siabroŭstva.

25 žniŭnia — SarmaTY/JA. Režysiorka — Palina Dabravolskaja (Biełaruś)

Heta muzyčny monaśpiektakl, jaki spałučaje narodnuju muzyku z chip-chopam. Trahičnaja historyja pra niemahčymaść ukaranicca na čužoj ziamli pavodle paemy Maryi Martysievič. Historyja kachańnia i śmierci. Ciomnaja, pulsujučaja rytmam, pačućciovaja.

Śpiektakli stvoranyja biełaruskimi i mižnarodnymi kamandami z udziełam biełarusaŭ. Heta ŭzory tvorčaj siły, pracoŭnaha impetu, kłopatu i prafiesijnaj padtrymki teatralnaj supolnaści. Zaprašeńnie pabyć razam u niapeŭnyja časy.

Na svaich staronkach u sacyjalnych sietkach kamanda Inexkult budzie padrabiazna pradstaŭlać fiestyvalnyja śpiektakli i raskazvać pra pastanovačnyja kamandy. Tamu varta padpisacca.

Pa ŭsich pytańniach možna źviartacca pa adrasie: [email protected].

Kvitki na ŭsie mierapryjemstvy fiestyvalu dastupnyja pa spasyłcy

Čytajcie taksama:

Fiestyval «Paŭnočnaje źziańnie» projdzie ŭ listapadzie

U Vierchnim horadzie budzie hučać biełaruskaja kłasika

U kancy maja vyjdzie biełaruski pierakład knihi «Śvińni»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
mikola ramanau/adkazać/
18.05.2023
Pospehu i udaczy !
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera