Znajści
Ałharytmičny łacinski varyjant
17.05.2023 / 21:355RusŁacBieł

Varta pryhladacca da ptušak na palach. Mahčyma, atrymajecca zafiksavać siensacyju

Takuju rekamiendacyju daje telehram-kanał «Dzikaja pryroda pobač», bo maje ŭžo dva paviedamleńni, što ŭ Biełarusi sioleta nibyta ŭžo bačyli dropaŭ (drofaŭ), jakich u nas nie nazirali ŭžo bolš za 70 hadoŭ.

Zdymak ilustracyjny. Fota: José Antonio Lagier Martin / Wikimedia Commons

Samyja apošnija dakładnyja rehistracyi hetych ptušak adnosiacca da 50-ch hadoŭ minułaha stahodździa. Tady adzinkavych ptušak bačyli ŭ vakolicach horada Vysokaje i kala vioski Martyniuki (asabistaje paviedamleńnie Fiodara Kuźko). Abiedźvie łakacyi, jak i papiarednija rehistracyi, znachodziacca ŭ Kamianieckim rajonie.

I voś niečakana kanału «Dzikaja pryroda pobač» cikavuju infarmacyju paviedamiŭ Vadzim Prakapčuk. Jahony siabra, Ivan Kalada, 7 maja ŭ tym ža Kamianieckim rajonie kala vioski Chadasy nibyta bačyŭ dropaŭ — samca i dźviuch samak. Mužčyna vielmi dobra razhledzieŭ ptušak — jany byli na poli niedaloka ad darohi. Ivan navat sfatahrafavaŭ ich z aŭto na telefon, ale, na žal, jakaść fota atrymałasia niezdavalniajučaja.

Pra jašče adno mahčymaje nazirańnie dropaŭ paviedamiŭ Alaksandr Marzan. 14 maja jon nibyta bačyŭ dźviuch bujnych ptušak, vielmi padobnych da dropaŭ, na poli kala homielskaj trasy, pamiž Drahičynam i Antopalem.

Drop — masiŭnaja ptuška z šyrokimi hrudźmi i toŭstaj šyjaj, pamieram prykładna z busła. Jon uklučany ŭ Čyrvonyja knihi ŭsich krain.

Čytajcie taksama:

Na Homielščynie zaŭvažyli vielmi redkuju dla Biełarusi ptušku

Paviartalisia z vyraju vialikija arlacy. Ale nie va ŭsich hetych redkich u nas ptušak usio dobra

Ptuški niaredka sutykajucca z šybami, asabliva padčas mihracyj. Jak im pamahčy ŭratavacca?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Siaroža /adkazać/
18.05.2023
Skorieje vsieho oni priletieli siuda iz-za vojny v Ukrainie. Dumaju bojevyje diejstvija vynudili mnohich životnych ujti sieviernieje.
0
umka/adkazać/
18.05.2023
a tam ža zaminiravana
0
Juzik sa stancyi Kruleŭščyna/adkazać/
18.05.2023
Varta pryhladacca da ptušak na palach. Mahčyma, atrymajecca zafiksavać siensacyju

Dyk ža dajcie choć jakuju mietadyčku! Adkul mnie viedać, što pierad mnoj siensacyja siadzić ci biehaje?
Ja niejak byŭ u Hałubickaj puščy... Staić na lasnoj darozie niejkaja vializnaja ptuška... Spałochałasia mianie. Dyk jana nie toje, što pyrchnuła i palacieła! Jana mietraŭ 15 razhon nabirała -- jak ciažki bambavik -- i tolki tady adarvałasia ad ziamli! A što za ptuška? Dy, piarun jaje viedaje! A była b mietadyčka, dyk sam by rady daŭ!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera