Siońnia ŭ Minsku niekalki chvilin bačyli hihancki fantan pamieram sa šmatpaviarchovik. Što heta było?
Vielizarny fantan vyšynioj sa šmatpaviarchovik niekalki chvilin biŭ siońnia kala handlovaha centra Globo na vulicy Umanskaj. Minaki zdymali jaho na videa. Što heta było, ahienctva «Minsk-Naviny» pacikaviłasia ŭ namieśnika hałoŭnaha inžyniera filijała «Minskija ciepłavyja sietki» RUP «Minskenierha» Andreja Žeški.
«Filijałam pravodzilisia hidraŭličnyja vyprabavańni ciepłavoj mahistrali № 47. Jana prachodzić uzdoŭž praśpiekta Dziaržynskaha, vulic Akreścina, Hrušaŭskaja i Umanskaja», — adkazaŭ Žeška. — Vyprabavańni vyjavili šerah paškodžańniaŭ sietki. Voś na Umanskaj minčuki bačyli nastupstvy adnaho ź ich».
Andrej Žeška zapeŭniŭ, što ŭsie paškodžańni likvidujuć u samyja karotkija terminy. Pry hetym spažyŭcy rajona nie paciarpieli, bo ŭ ich i tak haračaj vady z-za płanavych vyprabavańniaŭ časova ciapier niama. A takija vyprabavańni jakraz i dazvalajuć vyjavić defiekty, kab nie było «siurpryzaŭ» paśla.
Pavodle jaho słoŭ, siońniašni incydent — nie typovy, ale časam pry vyprabavańniach ciepłasietak byvaje i takoje. A taksama nahadaŭ, što kali chtości bačyć voś taki «fantan» ci, naprykład, pravał hruntu, to treba infarmavać kamunalnyja słužby.
Siońnia enierhietyki adreahavali apieratyŭna, pierakryŭšy vadu praz 10—15 chvilin.
Čytajcie taksama:
U Minsku kačku z kačaniatami vyklikali ŭ Śledčy kamitet VIDEA
Čamu łasi prychodziać u horad?
Na minskim skryžavańni adbyłasia aŭtaavaryja sa śmiarotnym kancom
kali tut irvanuła, dyk irvanuła
pryčym bies,płatno