Znajści
Ałharytmičny łacinski varyjant
17.05.2023 / 09:114RusŁacBieł

U Mahilovie prybrali pomnik Papu Janu Paŭłu II. Ale časova — tolki dla restaŭracyi

Pomnik pantyfiku ŭstalavali dziesiać hadoŭ tamu, i za hety čas źjavilisia prablemy z pastamientam. Paśla ramontu skulpturu śviatara viernuć na placoŭku hałoŭnaj katalickaj śviatyni horada — kaścioła Uniebaŭziaćcia Najśviaciejšaj Panny Maryi i Śviatoha Stanisłava.

Pomnik Papu Janu Paŭłu II u Mahilovie. Fota: mogilevnews.by

Na źniknieńnie pomnika źviarnuli ŭvahu haradžanie ŭ sacyjalnych sietkach. Na fotazdymkach bačna, što samoj skulptury niama, a pastamient niby demantujuć.

Dvuchmietrovaja postać pantyfika na pastamiencie stajała sprava ad hałoŭnaha ŭvachoda ŭ kafiedralny kaścioł.

Jak udałosia vyśvietlić, ničoha nadzvyčajnaha z pomnikam nie adbyłosia. Parafija Uniebaŭziaćcia Najśviaciejšaj Panny Maryi i Śviatoha Stanisłava vyrašyła, što nadyšoŭ čas vypravić chiby pastamienta. U im śpiecyjalisty vyjavili mikratreščyny, jakija mahli pryvieści da bolšych prablem z pomnikam. Pakul buduć zajmacca pastamientam, adrestaŭrujuć i dvuchmietrovuju postać pantyfika.

Tak vyhladaje pastamient ciapier. Skulptury pantyfika niama. Fota: sacyjalnyja sietki

Na ramont pomnika źbirajuć achviaravańni.

Pomnik Papu Janu Paŭłu II ustalavali la kaścioła ŭ kastryčniku 2013 hoda. Tak mahiloŭskija kataliki adznačyli hadavinu abrańnia ŭ 1978 hodzie kardynała Karala-Juzefa Vajtyły Papam Rymskim. Kiraŭnikom Ryma-katalickaj carkvy jon zastavaŭsia da skonu 2 krasavika 2005 hoda. U 2014-m śviatar byŭ kananizavany.

«Naša Niva» — bastyjon biełaruščyny

PADTRYMAĆ

Hladzicie taksama:

U Mahilovie padčas nabaženstva hraŭ na arhanie sam miascovy biskup VIDEA 

Ci budzie kaścioł u Babrujsku naležać viernikam? Pakul vyhladaje, što prynamsi nie najbližejšym časam

«Pieradumali, kali padličyli». Što kažuć miascovyja ŭłady pra abvał biernardzinskaha klaštara na Ušaččynie

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Abu/adkazać/
17.05.2023
Vierym?
0
Narod/adkazać/
17.05.2023
Bolšie nie viernut
0
Kažan /adkazać/
17.05.2023
Nu da nu da, heta tak zaŭsiody. Budynak Kaściołu nie naležyć jamu jak i ziamla. Ŭsio pieradadziena tolki ŭ biazvypłatnaje karystańnie. Heta značyć, što ci stajać pomniku ci nie nadalej buduć vyrašać hzv "ŭłady". A tut "krok u leva ci ŭ prava" dyk mohuć nia tolki pomnik nie viarnuć na svajo miejsca, a jašče j budynak całkam zabrać.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera