Znajści
Ałharytmičny łacinski varyjant
16.05.2023 / 18:245RusŁacBieł

«Jon nam nikoli nie admaŭlaŭ». Kiraŭnik ukrainskaj raźviedki pryznaŭsia, što Ukraina pracavała z Łukašenkam praz deputata Šaŭčenku

Kiraŭnik Hałoŭnaha ŭpraŭleńnia raźviedki Ukrainy Kirył Budanaŭ u svaim intervju prahramie «Roznyja ludzi» zakranuŭ pytańnie adnosin padčas vajny z režymam Łukašenki i kanałaŭ kamunikacyi ź im. 

Jaŭhien Šaŭčenka ŭ Viarchoŭnaj Radzie Ukrainy

Žurnalist u chodzie intervju źviarnuŭ uvahu na toje, što ź Biełarusi ŭžo dastatkova daŭno ničoha nie lacić na terytoryju Ukrainy i pacikaviŭsia dumkaj Budanava, vynikam čaho heta stała, dypłamatyčnych damoŭlenaściaŭ z Łukašenkam ci jaho strachu pierad adkazam z boku Ukrainy.

Budanaŭ skazaŭ, što heta vynik i taho, i druhoha ŭ kompleksie, a

Łukašenka nie idyjot: jon, maŭlaŭ, zrabiŭ vysnovy z papiaredniaha dośviedu i tamu paŭtareńnia taho, što adbyłosia 24 lutaha 2022 hoda, čakać nie varta.

Adnosna kanałaŭ kamunikacyi z Łukašenkam — to, pavodle słoŭ Budanava, zadziejničali ŭsie mahčymyja kanały, u tym liku i pasrednictva adnaho blizkaha da Łukašenki ŭkrainskaha deputata. Spačatku jon nie nazyvaŭ imia deputata, ale paśla pramoha pytańnia žurnalista skazaŭ, što heta Jaŭhien Šaŭčenka:

«My karystajemsia mahčymaściami jaho kamunikacyi, jaho suviaziami. U pryncypie, my nikoli hetaha mocna nie chavali. I jon efiektyŭny ŭ hetym pracesie. Šaŭčenka dastatkova daŭno dapamahaje nam, davajcie tak heta nazaviom. I nivodnaha razu nie admaŭlaŭ, kali my źviartalisia z peŭnymi prośbami da jaho».

Adnosna taho, ci namahajecca Pucin jašče ŭciahnuć Łukašenku ŭ vajnu, Budanaŭ ličyć, što jon užo straciŭ nadzieju heta zrabić. Patrebnyja bojeprypasy, maŭlaŭ, ź Biełarusi ŭžo praktyčna vyviezienyja, palihony vykarystoŭvajucca — ale na hetym usio. 

Nazvanaha Budanavym deputata Jaŭhiena Šaŭčenku biełarusy dobra viedajuć jašče z časoŭ, jakija papiaredničali rasijskamu napadu na Ukrainu z terytoryi Biełarusi. I viedajuć nie z dobraha boku. Hety palityk nabyŭ viadomaść jak aktyŭny prychilnik Łukašenki i jaho palityčny łabist va Ukrainie.

Z samaha pačatku biełaruskich paślavybarčych pratestaŭ Šaŭčenka šmat vykazvaŭsia na biełaruskija temy, na ŭsie łady raschvalvajučy režym i jaho dziejańni, apanientaŭ ža režymu jon usialak plažyŭ.

Sam deputacki status Šaŭčenki biełaruskaja prapahanda ŭsialak vykarystoŭvała dla imitacyi lehitymnaści ciapierašniaj biełaruskaj ułady ŭ vačach palityčnaj elity susiedniaj krainy. Jon naviedvaŭ mnohija prapahandysckija mierapryjemstvy režymu, u tym liku t. zv. Usiebiełaruski narodny schod 2021 hoda, a na «Słavianskim bazary» ŭ tym ža hodzie vystupiŭ navat u roli nie tolki prałukašenkaŭskaha prapahandysta, ale i śpievaka.

Jašče pierad pačatkam šyrokamaštabnaj vajny źjaŭlalisia paviedamleńni pra toje, što suprać Šaŭčenki nibyta zaviedzienaja kryminalnaja sprava, što paśla nie paćvierdziłasia. Paśla pačatku vajny taksama paviedamlałasia pra aryšt Šaŭčenki, a paśla jon prychodziŭ u Viarchoŭnuju Radu ŭ vajskovaj formie, za što padviarhaŭsia asudžeńniu z boku kaleh. Tady jon publična zajaviŭ, što źjaŭlajecca supracoŭnikam Hałoŭnaha ŭpraŭleńnia raźviedki, i pakazaŭ adpaviednaje paśviedčańnie.

Čytajcie taksama:

Kiraŭnik HUR Ukrainy Budanaŭ: Jadziernaha ŭdaru paśla deakupacyi Kryma nie budzie, rasijskaja prapahanda ŭžo rychtujecca da jaho straty

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
13
Ха-ха
5
Ого
7
Сумна
4
Абуральна
41
0
Vital/adkazać/
17.05.2023
Jany jamu jašče j miedalku vypišuć - bo ž "u vajnu nie ŭstupiŭ"...
0
Maksim Dizajnier/adkazać/
17.05.2023
Nie udivluś, jeśli i s HRU po zumu každyj dień
0
Leonid/adkazać/
18.05.2023
Pieriehovory i kontaktnyje vstrieči vieliś i viedutsia viezdie i vsiehda s lubym riežimom chotia by dla toho čtoby dieržať ruku na pulsie (vo vriemia vtoroj mirovoj byli postojannyje kontakty dažie s vysšimi činami rejcha). My postojanno čitajem ob osvoboždienii( obmienie )vojennoplennymi ob opoznanii i vydačie ubitych i v etom niet nikakoho siekrieta. Nastoraživajet druhoje. Ukraina, nie smotria na to, čto biełarusy vojuiut za ich svobodu do sich por , kak i Rośsija nie priznali naši vybory 2020 hoda, to jesť etim samym pokazyvajut, čto im Łukašienko važnieje biełaruskoho naroda i na vysšiem urovnie absolutno nie osuždajut tie źvierstva, kotoryje tvorit uzurpator
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera