Znajści
Ałharytmičny łacinski varyjant
16.05.2023 / 11:301RusŁacBieł

Anłajn-hipiermarkiet u telehramie. Jakija tavary ź Jeŭropy biełarusy pradajuć u čatach i nakolki ceny adroźnivajucca ad taho, što ŭ kramie

Pralnyja paraški, bytavaja technika, leki, ałkahol — tolki častka impartnych tavaraŭ, jakija možna nabyć z dastaŭkaj pa Biełarusi praz admysłovyja kanały ŭ telehramie.

Fota: tut i dalej — skrynšot z telehram-kanała «Tovary iz Polši / Jevropy»

U admysłovym telehram-kanale, pryśviečanym prodažu tavaraŭ ź Jeŭropy, amal 50 tysiač udzielnikaŭ. Nabyć u im možna nie tolki tradycyjnyja kavu, bytavuju chimiju i adzieńnie.

Siarod davoli papularnych prapanoŭ — BADy i vitaminy. 

Adzin z takich pradaŭcoŭ maje ŭ prodažy kala 40 raznastajnych BADaŭ i vitaminaŭ, jakija pa ŭsioj bačnaści byli pryviezieny z Polščy.

Jość i asobnyja prapanovy dla ciažarnych i kormiačych mam.

Chapaje ŭ prodažy raznastajnych prysmakaŭ. A kavu ŭ niekatorych pradaŭcoŭ možna nabyć adrazu pa 10 pačak u aryhinalnym korabie.

Čaściej za ŭsio ŭ kanale traplajucca abjavy ad pradaŭcoŭ ź Minska, Hrodna, Bresta i Lidy. Ale časam sustrakajucca i abjavy z bolš addalenych ad zachodniaj miažy haradoŭ. Naprykład, z Homiela i Salihorska.

Cikava, što ŭ kanale jość šerah pradaŭcoŭ, jakija zajmajucca prodažam ałkaholnych napojaŭ. Amal usie butelki ŭ prodažy byli nabyty ŭ Duty Free. Za redkim vyklučeńniem butelki bieź jakich-niebudź akcyznych marak.

Jeść i tyja, chto śpiecyjalizujecca na tavarach z IKEA.

Jašče adna papularnaja hrupa tavaraŭ — aŭtamabilnyja alivy.

Taksama chapaje abjaŭ ab prodažy abutku. Čaściej za ŭsio ŭ kanale pradajuć krasoŭki.

Tavary prapanujuć vysyłać zvyčajnaj poštaj abo jeŭrapoštaj.

Šerah karystalnikaŭ kanała prapanujuć svaje pasłuhi pa kupli i dastaŭcy ŭ Biełaruś tavaraŭ na zamovu z papularnych polskich internet-kram. Abiacany termin dastaŭki 10-14 dzion.

Jak adroźnivajucca ceny na kavu i prysmaki?

Kavu Dallmayr Prodomo ŭ telehramie pradajuć pa 20 rubloŭ za 500-hramovy pačak. Dla paraŭnańnia, na sajcie edostavka.by pa akcyjnaj canie jaho možna nabyć pa 23,95 rubla. Zvyčajnaja cana na hetuju kavu składaje 26,62 rubla. Kavu Lavazza u zierniach praz telehram pradajuć pa 44 rubli za kiłahram, a na «Je-dastaŭcy» jana kaštuje 54,55 rubla.

Skrynšot z sajta edostavka.by

Cukierki Rafaello praz telehram možna nabyć za 18 rubloŭ, a ŭ biełaruskaj internet-kramie anałahičny pačak kaštuje 28 rubloŭ.

Krasoŭki New Balance pradajuć pa 230 rubloŭ za paru. Pradaviec u apisańni zapeŭnivaje, što heta aryhinał nabyty ŭ firmovaj kramie New Balance u Polščy. U biełaruskaj aficyjnaj kramie New Balance ceny na krasoŭki pačynajucca ad 430 rubloŭ.

Piać litraŭ matornaha aleju Elf Evolution 900 NF 5W-40 praz telehram pradajuć za 125 rubloŭ, u internet-kramach ceny na jaho pačynajucca sa 144 rubloŭ. Motul 8100 X-cess 5W40 pradajuć pa 135 rubloŭ za 4 litry, u biełaruskich kramach ceny — ad 189 rubloŭ.

Adznačym, što telehram — nie adzinaja placoŭka, praź jakuju ŭ Biełarusi pradajuć tavary šerym šlacham zaviezienyja ŭ krainu.

Padobnyja abjavy (aproč ałkaholu) možna adšukać na roznych papularnych barachołkach. Taksama chapaje i tych, chto handluje adzieńniem i inšymi tavarami praź instahram.

Čytajcie taksama: 

Z prychodam ciapła aktyvizavalisia čaŭnaki-viełasipiedysty. Kolki jany zarablajuć za niekalki hadzin?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
12
Панылы сорам
4
Ха-ха
8
Ого
1
Сумна
1
Абуральна
3
5
daviedka/adkazać/
16.05.2023
Kośmietika, produkty pitanija, kofie Lavazza v polskoj Biedronka stojat užie dorožie, čiem v biełorusskich sietiach.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera